Jeremia 51:53 - Iaai Bible 1901 (New Caledonia)

⁵³ Eja ke ne a ne ölö hnyi drany ai Babulona, ke eja ke ne a ne ohmâ je dok a göranyin ae hwege, ame he ka o kâu ûnyi gak tavat söh, haingö Iehova.

Jeremia 51:53 ပူးပေါင်းရင်းမြစ်များ

Genese 11:4

Ke adre me ha, ka habe, E so ate me otilâ ke taun, me tap ae beû hmâ bân hnyi dranyai, mʼ ate me ölungâ iöta; wâ adre nye ovesei ota hnyi hmeledrany hia.

Jobu 20:6

Eja ke ne a ne gorany anyin hmanenang ke ne o thö hnyi drany, Me kâlâ je ûlâ ge ban;

Isaia 13:17

Wâ bi, oge me he ka bwebwelâ at Madai kodra, tavat adre me ca ûnykûme sileva, ke haba gol, me adre me ca he ka senyinâ e.

Isaia 41:25

O ge hia but oâ ke at ûheny hnyi hwadro, ke e ame he jem; ke ûheny hnyi hna o hnen seûno, oge me oâ ke at ame hawâ iök: e ame he ka je than helâ me hna dâ dröu, ke helâ me at ame op kaia ame ututo kânâ ae kece.

Isaia 47:5

Hlu nokon at Kaledaia lö, laba hnyibû ju, ke he thö ka hnyi dok ae lit: anyin adre me ca he hmetu ka hawo u momo thaniny je dokhu.

Isaia 47:7

Ke u je ha, ka habe, Oge me he bala ka than momo; ke u je ca ûnykûme ta je ûnyi eling eû hnyi hnyekom, u je ca ûnykûme ge obiny ta je ûnyi e.

Jeremia 49:16

Ame iyawo u bi hnen hnyekom ge hnâm hna ootâ, u at ame laba hnyi je khekheiny kic, me je dok ae göranyin bucen: eja ke ne u je ne ip haûâm? ethö helâ me aeto, oge me he ka höi u ûheny e, haingö Iehova.

Jeremia 50:21

He thö ka hnyi hnyei Merathaim, he ka vat më, me ûcon tavat adre me laba hnyi Pekoda: hlingâ ju me ti ohia hwa-bödra, haingö Iehova, ke ânyâ hia thö helâji me hnok hna hûna köu.

Jeremia 50:25

Haba Iehova ame hia but khong anyin je uma omjehen vat, me hom but ûnyi hnyin je ûnyi hnân vat hnyi anyin hmonyin: anyin ae hu huliwa anyin Than Iehova tuhan sabaoth, hnyi hnyei Kaledaia.

Jeremia 50:45

Anyin a wale löng ju öbun hna ûnykûme hnö Iehova, waleji e ame ûnykûme ge Babulona; me hnen je hna ûnykûme he ka ânyâ waleji e ame ip hmâ he ka ânyâ ka hnyei Kaledaia, ka habe, E hnathu adre me he ka lili ödra, wale tavat ae ûhnyûkong hnyi hna hat meno; e hnathu e ame he ka öba wan hnyabadra mödra.

Jeremia 51:11

Khet ju je fana; kât hma ju je bec: Iehova ame otilâ hanon je than Madai; anyin a haba hnen hna ûnykûme ge Babulona, he ka ohia e: anyin a wale hwaban ûnyi ga Iehova, a hwaban umen uma.

Jeremia 51:25

Wâ bi, bucen lö at ame okongo, e ve inya but möu, haingö Iehova, u at ame okongo hia hmeledrany: ke oge me he ka lau hnyamök hom, me hagutö u ûnyi hnyi hon je kic, me wiö u hnân bucen adre thong.

Jeremia 51:48

Ke ame he drany me hmeledrany me ta je ûnyi hnyin ka khumöng senyin hon Babulona; anyin ame he ka o kâu je tavat söh ûnyi hnyi hwadro, haingö Iehova.

Jeremia 51:56

anyin ame o but kâu, wale ka Babulona at söh, ke adre me hom but anyin tavat hwege, ame hmetru thö anyidra je cafana: anyin a Iehova Khong at ame bi hwaban, e ame he bi ka bi hwaban.

Jeremia 51:58

Walang hna ha hnö Iehova tuhan sabaoth, ka habe, Adre me he ka thö degecâ je haginy ae lau adre op hnyi Babulona, kʼ adre me he ka thong ge meic je hlinginy homagouleny ae gorany; ke ame he tavat ka huliwa hnân ûnyi baû, me je hnyei hnân meic; ke adre me he ka sënyin.

Daniela 4:30

Ke haingen than, ka habe, Hawa, ca Babulona ang ae gan, waleji oge me op hnân hnyaban than hnen manik man ae hwege, ke hnân he ka ogânâ anyik hmanenang.

Amosa 9:2

Eja ke ne adre ne hiny kânâ ke ne o but hnyi hedis, ame he hnyamok ka lili ödra ûheny e; eja ke ne adre ne ölö hnyi drany ai oge me he ka hum ödra ûheny e.

Amosa 9:4

eja ke ne adre ne bâ ge je iwahnaihmiony mödra, oge me he ka kunâ hele vat he ka hlingʼ ödra eling: ke oge me he ka wâ hmʼ ödra, mʼ adre me kong ut, ke ca so bi.

Habakuka 2:9

Ekölö ge at ame hûgûnâ troban ae hwali hobi kâu anyin lap, me me ip ethö görany hâûen, me me möt ûnyi ge hnyamen ûkongon!