Jeremia 51:51 - Iaai Bible 1901 (New Caledonia)

⁵¹ Ohmun e hmehma but anyin a ohmun e löng hna ûhaikonguny; ame tube je hnyimaköhmun hmehma: anyin a haba je atkanyua adre me o but ka hnyi je dok a kabiny uma umö Iehova.

Jeremia 51:51 ပူးပေါင်းရင်းမြစ်များ

Salamo 109:29

E so he ka khavâ te je iwahnaihmiöny mönya ge hmehma, Ke so adre me tubi ödra bi ge ilitmak helâ me ûkhaû.

Salamo 71:13

E so adre me he ka hmehma me hiʼ ödra but je iwahnaihmiöny me hanuk; E so e he ka khaûʼ ödra adre me elâm he ka okongu nya ge ûhaikonguny me hloûhloû.

Salamo 79:1

KHONG lö, ame o but aten ke je hnyei ka hnyi em; Adre hia but okongoâ umâm uma ae kap; Adre hia but thö Jerusalema me me vetaûnyi but.

Salamo 79:12

Ke bi hwaban ju a oseven ka hnyi ûlainy tavat adre me laba hakekenyi öhmun Hnödra hna haikongoâ, adre me haikongu u gan Than.

Salamo 79:4

Adre haikongu ohmun tavat adre me laba kakekenyi ohmun, Adre me ûtuböny me hluma hnen tavat adre me laba igigili ohmun.

Salamo 89:46

Iehova lö, ke ne o but kehö, hawa u me he ka ikhölö u nyiele balua? Ke ne o but kehö ame he ânyâm hmönyin ka ubâhlâ helâ me meic?

Isaia 13:1

HOK honen Babulona, waleji a wâ Isaia nöku Amosa.

Isaia 14:1

A NYIN ame he Iehova ka betenge ga Jekob, ke e ame he hmetu ka ûco Isaraela, me ip ödra hnyi idra: kʼ ame he je atkanyua ka tha e mödra, kʼ adre me he ka kece ka lap anyi Jekob.

Isaia 21:1

HOK honen hnyebubainy köiö. E ame o but ûheny hnyi hnyebuba, ûnyi hnyi hnyei adre outen, helâ me hou ame tûâ ûheny hnyi hwaiöu.

Isaia 47:1

UTUT, ke laba ju hnyi sesâ, u hlu Babulona; laba ju eû hnyi kânâ ke ba but theron, u hlu anyin at Kaledaia: anyin adre me ca he hmetu ka haiö u a u menyik me mita.

Jeremia 14:3

Ke haba je tuhödra, me adre me kunâ je lakudra ka hnyi ta je an: adre me o but ka hnyi ta je thop, kʼ adre me ca wâ bi köiö; adre me hmetu me belidra je kaia ae hme: adre me hmehma me hlohlo, me tube je bödra.

Jeremia 25:26

me ta je than hia hnyi hwadro, tavat ae hakekeny me sâkâû, ke at me ke at, me ta je dökhuiny hia hmeledrany hnyi hon kânâ: ke ame he than Sesaka ka ic hnyi hwa-bödra.

Jeremia 31:19

Ke hwaban e, e hnathu oge me hmetu, me oge me ietra; ke hwaban hnödra hna nö nya, me oge me khaû jevak: iny hmehma but, eke, iny hlohlo, anyin oge me hokhnyokâ hna haikongu nya kʼ iny tiga hidröu.

Jeremia 52:13

ke e ame thong degecâ uma umö Iehova, me uma umen than; ke e ame thong degecâ ge meic ta je uma hia hnyi Jerusalema, wale je uma ae gan hia.

Je tenge anyi Jeremi 1:10

Haba iwahnaihmiöny ame inâ hnyamen ka hnyi anyin ta je ûnyi hia ae kese: Anyin e ame hia but wâ je wanaithila a gʼ adre me hia but dit ka hnyi anyin dok ae kap, Waleji u je ha a gʼ adre me ca he ka dit ka hnyi ânyâm ûkhacaköu.

Je tenge anyi Jeremi 2:20

Iehova lö, wâ ju, me ûnykûme ju waleji ge hnâm hna ânyâ e kâu! Hawa, ame he ka he bi je momo ka an ta je troban gadra, a je lakudra adre bwebwelâ hnyi li hnyamödra? Hawa, adre me he ka hlingâ at bihut me perofeta hnyi dok ae kap anyin Than?

Je tenge anyi Jeremi 5:1

IEHOVA lö, ûnykûme ju ûnyi a o kohmun: Bwele ju me wâ hna haikongu ohmun.

Ezekiela 24:21

Ha thö ka lap anyi Isaraela, ka habe, Walang hna ha hnen Than Iehova, ka habe, Wâ bi, oge me he ka okongoâ anyik dok ae kap, wale tang hwegiöbun ae beönua, webun, ame oûnyihnatho hnen hnyekubun; ke ame he ka ta ge hele vat je lakubun obaga me wahlu waleji öbun e kec hotʼ ödra.

Ezekiela 36:30

Ke oge me he ka osehia ta je wan ûö, me jeûiny kânâ, mʼ adre me ca he hmetu ka haikongu öbun can hmiâ unyin ta je hnyei.

Ezekiela 7:18

Adre me he minya ka weikâ ecmano ae gan nân, ke adre me he ka tubi ödra ge öbubuny: ke ame he ka hmehma ta je hnyimak hia, me hadreû hia ta je bödra.

Ezekiela 9:7

Ke e ame ha ködrin, ka habe, Okongoâ but uma, me öunöngötâ thö je hnyeule ge je hna hlingâ: he thʼ öbun. Me adre me he me hlingâ hnyi taun.

Daniela 11:31

Ke ame he ka tot hobi kâu je deo vat, ke adre me he ka okongoâ dok ae kap wale a hnabâ, me ohia hudiny leû adre hudo hnyi je bong hia, ke adre me he ka otilâ ûnyi ae ikiki at ame öba wan.

Amosa 7:9

ke ame he ka ba wan je dok ae gorany anyi Isaaka, me ba onyen je dok ae kap anyi Isaraela; ke oge me he ka tot ûcon lap anyi Jeroboama me hele vat.

Mika 6:16

Ke adre me tuö je hnanyibu anyi Omeri, ke ta je ûnyi j hia a ânyâ ge lap anyi Ahaba, ke öbun e hnu hoton hnödra hna ûhnenamö: waleling me oge me öba wan gam, ke wia tavat adre me labâ e me me hnân jû; ke öbun e he ka hom tilâ hna haikongoâ lakeik.

Mika 7:10

Ke ame he je iwahnaihmiöny mönya ka hnyi wâ, ke ame he ka takoû e hnen hmehma; waleji at ame ha könya, ka habe, Ewa Khongom? Ame he li emakök ka wâ e; walang ang adre me he ka ututo e helâ me hmudra eû hnyi gethen.