Jeremia 51:50 - Iaai Bible 1901 (New Caledonia)

⁵⁰ Öbun tavat öbun e kec mot ge hele vat, hele thö, ca tot bi; ûnykûmi Iehova thö ûnyi hnyi dok ae sâkâû, e so e kû Jerusalema eû hnyi je hnyekubun.

Jeremia 51:50 ပူးပေါင်းရင်းမြစ်များ

Salamo 122:6

Hic ju, me me hnahic Jerusalema: Ame he ka hu sot ka tavat adre me hnyok köu.

Isaia 48:20

He but ûheny Babulona, kec dʼ öbun ge at Kaledaia; haimemenâ thö ge hwan khumöng, thumeto ju e, ha ju e ke ne o but hnyi can hmeledrany: ha thö, ka habe, A hia but Iehova ûcû melen athnyabainy a Jekob.

Isaia 51:11

Ke ame he ka hmetu tavat a bi hwaban melidra hnö Iehova, me o hnyi Ziona me hwan khumöng; kʼ ame he ka e bi hon ta je bödra senyin a nyiele balua: adre me he ka senyin me hobâ, kʼ ame he ka hia hlöuhlöu me mâng.

Isaia 52:2

Jijingö u but ûnyi hnyi sesâ; Jerusalema lö, todrö, laba thö: thang ut hna ca nyem hluiny Ziona at a bâ.

Jeremia 31:21

Otilâ thö hobi köu je haten gethen, konâm ju hobi köu je utö hnân kû gethen; hnyok ju ka hna cit gethen, waleji gethen u me he hnyin: hluiny Isaraela lö, hmetu ju, hmetu ju kââng ka hnyi ânyâm taun.

Jeremia 44:28

Ke haba tavat adre me kec mot ge hele vat, me adre me he ka hmetu ûnyi hnyi hnyei Aigupito ka hnyi hnyei Juda, a ödra wakhalet thiju; ke ame he ka khana je köluiny at Juda hia tavat adre me be ka hnyi hnyei Aigupito he ka më labā, a ho ia hofuc ame he ka ton, ame ne hok, ame ne hodra.

Jeremia 50:8

Kec dö ûnyi hnyi hnyin Babulona, ke he but ûnyi hnyi hnyei Kaledaia, ke helâ ju öbun me je got baga a hnyimakan hna hat meno.

Jeremia 51:45

Lakeik lö, he thʼ öbun ûnyi hnyi hnyin e, mʼ öbun e ve mot ûnyi ge hmonyin anyi Iehova ae gan hmâ.

Jeremia 51:6

Kec ut ûnyi hnyi Babulona, ke ve omeli öbun dö; ca he öbun ka hnyi mok hnyi anyin bi hulo: anyin a ûen dut ang bi hwaban ga Iehova; e ame he ka ham kâu hwaban.

Ezekiela 6:9

Kʼ ame he tavat adre me kec möt ka ûnykûmi nya hnyi ta je hnyei adre me he ka laba hwenbâ hnyin, a inya höcö wâ hmetu je hnyekudra ae bi ûnyi monu, waleji ame hna degeci nya, me je emaködra ae bi ûnyi monu hoton anyidra je idola: ke adre me he ka hûkötiʼ ödra bi hnyi hnyimakodra bi, can je hulo waleji adre me ânyâ ge anyidra ta je ûnyi ae ikiki.

Daniela 6:11

Ke haba hnyat eling, adre me ûkhacaköu me ö Daniela ame sumat me khöû hnyi hnyimakan Khongon.

Hna Omanenâ 18:4

Ke oge me löng ke hofuc minya hnyi drany ame ha, ka habe, Lakeik lö, he but ge momo, mʼ öbun e ca hnyi hanen anyin je hulo, me me ca o köbun anyin je mok: