Jeremia 51:5 - Iaai Bible 1901 (New Caledonia)

⁵ Anyin a ca degec Isaraela me Juda hnen Khongon, a Iehova tuhan sabaoth; eja ke ne a ne unöngöt idra hnyei ge hulo ka Kabi Isaraela.

Jeremia 51:5 ပူးပေါင်းရင်းမြစ်များ

I. Je Than 6:13

Ke oge me he ka laba unyin lakon Isaraela, ke oge me ca he ka hna degecâ lakeik a at Isaraela.

II. Je Than 21:16

Ke haba khaca, Manase ame hingâlâ dra ae ba hnyikongon e ti gan, ke ne o but ame ti unöngötö Jerusalema gan hnyi je ke keihen hia; me anyin minya hulö wale ame okûâ hwakecin ae kong anyin at Juda, wale he ka ânyâ ûnyi ae kong hnyi hnyimakö Iehova.

Ezera 9:9

Anyin a ohmun hoûbâ; ke so bi Khonguhmun ame ca hnying ohmun hoûbâ, ke e ame okûâ ibetengiö hnyi hnyimakan than Peresi he ka ham kohmun ûhomeli, mʼ adre me otilâ uma umen Khonguhmun, me ânyâwia dok adre me thö, me he ka hna kohmun ke hak hnyi Jerusalema me Juda.

Salamo 94:14

Anyin ame ca he bi Iehova ka hna degecâ lakeiny, Kʼ ame ca be ka hna but hwajekhon.

Isaia 44:21

Jekob lö, ûnykûme ta je ûnyi e, ke u Isaraela, anyin a u athnyabaik: oge me i up u, ke u athnyabaik: Isaraela lö, oge me ca he ka hnying u.

Isaia 51:15

Anyin a inya Iehova Khongom at ame oâ je waköiöiny köiö me ame mea but: haba ien, me Iehova tuhan sabaoth.

Isaia 62:12

Ke adre me he ka; hwenyi iödra, Hnyei ae kap, A ûco Iehova: ke adre me he ka hwenyi iâm, Hna elâm, Taun adre degec.

Jeremia 14:19

Hawa, u je hia but ti digic Juda? ke a biâ but hanom ikikiâ Ziona? anyin a ieû u je kuc ohmun, ke ba eny kohmun? ohmun e halubahingen hnahic, ke ba bi so, me ûen metu, ke wâ bi ot bi.

Jeremia 14:9

Anyin a ieû, u je helâ me at ame gâ ön, ke helâ me at ae hwege ae ca khana he ka omelo? ke so bi, u bi Iehova hnyi wanböhmun, ke u je ip iâm huhmun; ca hna degeci ohmun bi.

Jeremia 16:18

Ke oge me he ka bok ka olo bi hwaban hwakecidra ae kong me anyidra hulo; anyin adre hia but oikikiâ ik hnyei hnen unyin anyidra ta je ûnyi ae bon a gʼ adre mokcu, ke adre hia but öunöngötâ ik hnyei ge anyidra ta je ûnyi ae ikiki.

Jeremia 19:4

Anyin adre hia but hna degeci nya me okebongonâ bi dok ang, me leû utö eang ae bo so ka ke je khong, waleji ae ca khanʼ ödra, ödra me je lakamödra me je than Juda; ke adre hia but öunöngötâ dok ang ge dra dren tavat ae ba hnyikongudrin:

Jeremia 23:15

Anyin a wale, walang hna ha hnö Iehova tuhan sabaoth ge je perofeta, ka habe, Wâ bi, oge me he ka ha ö ʼdra ge khöhlöng me habelidra ge köiö hnân mekiny: anyin ame o but bi gan ka hnyi hnyei hia ûnyi ge je perofeta hnyi Jerusalema.

Jeremia 31:37

Walang hna ha hnö Iehova, ka habe, A ne khana he ka tuluto drany ethö, me elâm e taben hmeledrany, me oge me he minya ka degec hia je mâtrâniny Isaraela, can ta je ûnyi hia adre me ânyâ, haingö Iehova.

Jeremia 46:28

Jekob, athnyabaik lö, ca ot bi, haingö Iehova; anyin a tha inya möu: anyin oge me he bi ka ti ohia je hnyei hia waleji oge obö u ka hnyin, ke oge me ca he ka ti ohiö u; ke so bi oge me he ka nö u ge hna owisa, ke oge me ca he bi ka hnö u ke ba hwaban.

Jeremia 50:20

Hnyi je bong eling me hnyi ûen e, haingö Iehova, adre me he ka elâm hulo anyin Isaraela, ke ba but: me je hulo anyin Juda, ke adre me ca be ka wâ: anyin oge me he ka thang je monu anyin tavat oge me hna me linân kolon.

Jeremia 51:19

E ca helâe jekhoû Jekob; anyin a e at ame op hia; ke Isaraela tribuiny a wajekhon: Iehova tuhan sabaoth ien.

Ezekiela 8:17

Ke e ame ha könya, ka habe, Nokon at lö, u je wâ but e? Hawa, ûnyi ae hâhâ ka lap anyi Juda wale a gʼ adre me ânyâ je ûnyi ae ikiki wale adre me ânyâ eang? anyin adre hia but öunöngötâ hnyei ge ûokonguny, me hwio hmetu mʼadre me ohmönyini nya: ke wâ bi, adre me inâ anginy ûö ka hnyi je hnyingoidra.

Ezekiela 9:9

Me e ame ha könya, ka habe, E ti gan hmâ hulo anyin lap Isaraela me Juda, ke ame unöngötö hnyei ge dra, kʼ ame unöngötö taun ge hna ohwalö je hna owisa: anyin a haingodra, ka habe, Iehova ame hia but hna degecâ hmeledrany, ke ame ca wâ bi Iehova.

Hosea 1:10

Ke so bi haba numerainy lakon Isaraela, me ame he ka ûcû me ûnyin köiö, wale ae ca khana bi ke at he ka tuluto me aû numerainy; ke haba hnyi dok wale adre me ha kodra, ka habe, Ca lakeik ut öbun, me adre me he bi ka ha kodra, ka habe, Öbun lakon Khong ae mot.

Hosea 2:1

HA thö ka je liamekeiny möbun, ka habe, Ami; me ka je lahanibun, ka habe, Ruama.

Hosea 2:3

wâ oge nye uny jut anyin je ûkhaû, me hna but e, helâ me hnyi bong e ame o hnyin, me wia e me me helâ me hnyebuba, me ip e helâ me hnyei ae hwahwacit, me hlingâ e ge beic;

Hosea 4:1

LAKON Isaraela lö, löng ju hofuc ho Iehova: anyin ae hu ivino anyi Iehova me aten hnyei, anyin ae ba hnathu, me ibetengiö, ke ca khanʼ ödra bi Khong hnyi hnyei.

Hosea 4:2

Adre me khemanyin thibi, me thoi, me hlingâ at, me venöu, me bi ûnyi monu: kʼ adre me utut, me dra ame kâlâ dra bi.

Mika 7:18

Ie ke Khong ae ûcû möu, at ame hna monu, kʼ ame ca oûnyihnathoâ hna hanyâûâ hnen je kolon jekhon? e ame ca tuö anyin hmonyin nyiele balua, anyin a e ame senyin he ka betenge.

Mika 7:20

U me he ka ohwâdâ hnathu kö Jekob, ke ibetengiö kö Aberahama, waleji u je khemanyinâ ka lakamöhmun hwân hnyi je bong kâû adrem.

Zakaria 12:6

Hnyi bong eling oge me he ka wia je taben Juda me me helâ me hlogon öt hnyi wanben uto, me helâ me okûnû hnyi je thi hwit; ke adre me he ka an tavat hia igigilo, hnyi ke keihen metâ me me: ke ame be hmetu Jerusalema ka labâ hnen, wale hnyi Jerusalema.

Zakaria 12:8

Hnyi bong eling ame he Iehova ka söng aten Jerusalema; ke haba at ae sënyin gadra hnyi bong eling ame he ka helâ me Davita; ke ame he lap anyi Davita ka helâ me Khong, helâ me angela anyi Iehova hnyi hnyimaködra.

Zakaria 2:12

Ke ame he Iehova ka laba hnyi Juda, wale hwajekhon hnyi hnyei ae kap, me ame he bi ka ûca Jerusalema.

I. Samuela 12:22

Anyin ame ca he Iehova ka hna degecâ lakeiny, ûnyi ge ien ae gan hmâ: anyin ae we Iehova he ka wiʼ öbun me hnân hing lakeiny.