Jeremia 51:49 - Iaai Bible 1901 (New Caledonia)

⁴⁹ A hia but Babulona öta je hna hlingâ a at Isaraela, helâe ame he ka ta je hna hlingâ hnyi Babulona hnyi hnyei hia.

Jeremia 51:49 ပူးပေါင်းရင်းမြစ်များ

Jeremia 50:11

Anyin a öbun e senyin me hobâ, tavat adre me soh ik, anyin a öbun e ututut helâ me nak kau at ame utö wan hwit, me kuku helâ me je hors ae hwege;

Jeremia 50:29

Hawâ ûkhacaköuâ thö ka Babulona tavat hlic fana, tavat hia adre me hlöu cafana; hunuma ju igigilo e; ca hna ke at ka kec mot: ham dö kâu helâ me anyin huliwa; ânyâ hia thö kâu helâ hiaji me hnen hna ânyâ: anyin a e ame hia but hwege hnyimakan kö Iehova, Kabi Isaraela.

Jeremia 51:24

Ke oge me he ka bi hwaban kö Babulona, ke tavat hia adre me laba hnyi Kaledaia ta je monu hia waleji adre ânyâ hnyi Ziona hnyi hnyimaköbun, haingö Iehova.

Jeremia 51:35

Ame he ka ha hnen at ame laba hnyi Ziona, ka habe, E so ame he ka mokut hon Babulona hna okongu nya me je liamekeiny mönya; kʼ ame he Jerusalema ka ha, ka habe, Ame he drök ka mokut hon tavat adre me laba hnyi Kaledaia.

Mataio 7:2

Anyin a haba tulutiny hnobun hna ûnykûme hwalö, adre me he ka ûnykûme hwali öbun bi: helâe minya adre me he ka tulut köbun hoton hnobun hna tuluto.

Iakobo 2:13

Anyin a haba at ame ca betenge, me adre me ca he bi ka betenge gan hnyi hna ûhnei: anyin ame hobeluâ ibetengiö hnyi ûhnei.

Hna Omanenâ 18:24

Ke adre me wâ gan dren ta je perofeta me wakap, me tavat hia adre hia but hlingâ hnyi hmeledrany.

Owisa 1:7

Ke Adoni-bezek ame ha, ka habe, Odrin sevente je than adre subâ je bahnyökveto me li bacan ae gan gadrin, odrin e hlo je atmen hmelen anyik laulau: ke haba Khong ame bi hwaban könya helâ me hnok hna ânyâ. Ke odrin e hom e Jerusalema ai, me e ame mokcu eling.