Jeremia 51:48 - Iaai Bible 1901 (New Caledonia)

⁴⁸ Ke ame he drany me hmeledrany me ta je ûnyi hnyin ka khumöng senyin hon Babulona; anyin ame he ka o kâu je tavat söh ûnyi hnyi hwadro, haingö Iehova.

Jeremia 51:48 ပူးပေါင်းရင်းမြစ်များ

Ta je Vejec 11:10

E ka sot at ae wisa, me ame senyin taun: Ke ka mok at ae kong, me adre me kuku.

Isaia 44:23

Drany lö, khumöng dö, anyin a ânyâ e Iehova; je hnyikânâiny hmeledrany lö, hongot senyin dö; öbun je bucen lö, ie khumöng dö goranyai, ke hnyot minya, ke ta je ûö hia hnyin e: anyin a hia but Iehova ûcû Jekob, ke e ame he ka ogânâ e bi hnyi Isaraela.

Isaia 48:20

He but ûheny Babulona, kec dʼ öbun ge at Kaledaia; haimemenâ thö ge hwan khumöng, thumeto ju e, ha ju e ke ne o but hnyi can hmeledrany: ha thö, ka habe, A hia but Iehova ûcû melen athnyabainy a Jekob.

Isaia 49:13

Je drany lö, khumöng dö; hmeledrany lö, senyin dö; je bucen lö, ie khumöng dö goranyai: anyin a Iehova ame otubwelâ lakeiny, me e ame he ka betenge ge anyin tavat adre me oveci ödra.

Jeremia 50:3

Anyin ame o ke hnyei ûcon ûnyi hnyi hwadro, ame he ka öba wan iny hnyei, e ba at ame he ka labā e: adre kec ut, e hiʼ ödra, wale at me meno.

Jeremia 50:41

Wâ bi, ame o but tavat ûhedra hnyi hwadrö; ke hnyei ae gan, me je than ae se hia ame he ka bwebwet ûnyi hnyi je can hmeledrany.

Jeremia 50:9

Anyin a wâ bi oge me he ka bwebwet, me oâ ka Babulona ta je hnyei ae gan ke se hia ûheny hnyi hwadro: ke adre me he ka tot metâ kâu; adre me he ka hom e ûheny e; ame he anyidra je fana ka helâ me je fana anyin at ae hwege ae khenen vat; e ba at gadra ame he ka hmetu baû.

Jeremia 51:56

anyin ame o but kâu, wale ka Babulona at söh, ke adre me hom but anyin tavat hwege, ame hmetru thö anyidra je cafana: anyin a Iehova Khong at ame bi hwaban, e ame he bi ka bi hwaban.

Ezekiela 35:14

Walang hna ha hnen Than Iehova, ka habe, E ka senyin hia hmeledrany, me oge me he bi nya ka oba wan gam.

Hna Omanenâ 18:20

U ma senyin dö gan drany lö, me öbun wakap, me ta je aposetolo, me ta je perofeta; anyin a Khong ame liia but bi hwaban kâu cabun bi.