Jeremia 51:46 - Iaai Bible 1901 (New Caledonia)

⁴⁶ Ke ca sënyin bi je hnyekubun, me outen ûthumetu adre me be ka löng hnyi hnyei; anyin ame he ka o ûthumetu hnyi huna eang, ke hwaban huna ang ame he ka o ke ûthumetu me ûokonguny hnyi hnyei, ke taben ame ve e me ke taben.

Jeremia 51:46 ပူးပေါင်းရင်းမြစ်များ

II. Je Than 19:7

Wâ bi, oge me he ka ip hnyi hnyekon ke hanu, ke e ame he ka long ke ûthumetu, me me hmetu ka hnyi iny hnyei; ke oge me he ka ota e ge hele vat hnyi iny hnyei.

II. Man Ûlabainy Je Than. 20:23

Anyin a haba lakon Amona me Moaba ödrin e tot ûcon aten bucen Seira he ka hlingâ me ohiʼ ödrin: ke ödrin e hia but hhngâ aten Seira, me ödrin e ka ûhlingödrinköu ju.

Jobu 23:16

Ke a hia but Khong osenyinâ hnyekuk, Ke a hia but Ataekhanahia ohlohloinya:

Ta je Vejec 24:10

U ka sënyin hnyi bonginy vec, E ûhnûkong bi tang hewegiâm.

Isaia 19:2

Ke oge me he ka obwebwelâ at Aigupito ka tot metâ bi ka at Aigupito; kʼ adre me he ka ve vat, a ke at me liamekeiny mē, ke ke at me at ame laba hakekeny kâu; ke ke taun me ke taun, ke ke dokhu me ke dokhu.

Isaia 43:5

Ca ot bi, anyin a tha inya möu: oge me he ka hom ta je mâtrânâm ûheny jimeio, me ûkhaca-köuö u ûheny jimeû;

Jeremia 46:27

Ke haba u Jekob a athnyabaik, ca ot bi, me Isaraela, ca hlohlo bi: anyin a wâ bi oge me he ka omeli u ûnyi hnyi dok ae sâkâû, me je mâtrânâm ûnyi hnyi hnyei waleji oge hum ödra ka hnyin; ke ame he Jekob ka hmetu, me laba so me menâ, ke ba hmetu bi at ame he ka ootâ e.

Jeremia 46:28

Jekob, athnyabaik lö, ca ot bi, haingö Iehova; anyin a tha inya möu: anyin oge me he bi ka ti ohia je hnyei hia waleji oge obö u ka hnyin, ke oge me ca he ka ti ohiö u; ke so bi oge me he ka nö u ge hna owisa, ke oge me ca he bi ka hnö u ke ba hwaban.

Luka 21:28

E ka hwân he ka hwâdâ ta je ûnyi eling, bwele thʼ öbun me wâ; anyin ae hakekeny jut he ka omeli öbun.

Owisa 7:22

Ke ödrin e tûâ je trutru a kun ta haded, ke Iehova ama iwiaköuâ hele vat anyin ke at me ke at ka ke at a hanen, ke ûcon vat hia thithö: ke ame kec vat ke ne o but hnyi Bethe-sita hnyi ke keihen Zererath, ke ne o but hnyi bnyigöulen Abela-mehola hnyi Tahath.