Jeremia 51:44 - Iaai Bible 1901 (New Caledonia)

⁴⁴ Ke oge me he ka bi hwaban kö Bel hnyi Babulona, ke oge me he ka hom hmetu ûnyi hnyi hnyimen ûnyi e ame hia but utâ; ke ame ca he ka o kâu je hnyei: eke, ame he ka ta but hna up veto hnyi Babulona.

Jeremia 51:44 ပူးပေါင်းရင်းမြစ်များ

II. Man Ûlabainy Je Than. 36:7

Ke haba Nebukaneza ame hom minya Babulona ai ke je kaiainy uma umö Iehova, me ip hnyin umen uma hnyi Babulona.

Jobu 20:15

E ame hia but utâ je omjeû, kʼ ame he bi ka hmita hmetu: Kʼ ame he Khong ka degecâ ûnyi eû hnyi hnyekon.

Isaia 2:2

Hnyi ta je bong a biliny adre me he ka otethmâ buceniny uma kap umo Iehova hon ban je bucen, ke adre me he ka ogöranyâ hon je hut; ke ame he ta je hnyei hia ka ok ut kâu.

Isaia 21:9

ke wâ bi, waleû deö at ame o, tavat tabö hors a ödra ûsa lo. Ke e ame thu me ha, ka habe, A ta but, a ta but Babulona; ke adre hia but sa hnyikânâi je idolainy je khongon.

Isaia 60:5

Me u me he ka wâ me senyin, ke ame he hnyekom ka öbubuny me hlau; anyin adre me he ka wia köu tang omjeû ûnyi hnyi köiö, ke adre me he ka hom köu tang omjeûiny je hnyei.

Jeremia 50:15

Hongot dö goranyai kâu igigilo; a ngâ but; a kolu but je hak, kʼ adre kia thö je hna up haginy: anyin a waleling hmonyin anyi Iehova; bi hwaban ju kâu; ânyâ thö kâu helâ me hnen hna ânyâ.

Jeremia 50:2

Haimemenâ thö unyin ta je hnyei me omanena thö, me otilâ thö ke haten; omanenâ thö, ke ca ikhâlâ bi: ha thö, ka habe, Adre hûgûnâ Babulona, a hmehma but Bel, e hlohlo but Merodaka; e hmehma but anyin je hnatheat, e hlohlo but je idolainy.

Jeremia 51:18

Ödra ta je ûnyi baû, huliwa hnân hlumâ: ame he ka hi ödra but hnyi ûen adre me senʼ ödra.

Jeremia 51:34

A hia but ön nya hnö Nebukaneza than Babulona, e ame hia but ohmöiöngi nya, e ame wiö nya me kaia ae ba onyen; e ame utö nya helâ me tanimo; e ame osekunâ e ge anyik ta je ûnyi ae ti senem; e ame obö nya kâû.

Jeremia 51:47

Anyin a wale, wâ bi, ame he ka o je bong ke oge me he ka bi hwaban ka je hnatheat anyin Babulona, ke ame he ka hmehma hnyeiny hia; ke ame he ka ta je hna kot hia hnyi wanben e.

Jeremia 51:53

Eja ke ne a ne ölö hnyi drany ai Babulona, ke eja ke ne a ne ohmâ je dok a göranyin ae hwege, ame he ka o kâu ûnyi gak tavat söh, haingö Iehova.

Jeremia 51:58

Walang hna ha hnö Iehova tuhan sabaoth, ka habe, Adre me he ka thö degecâ je haginy ae lau adre op hnyi Babulona, kʼ adre me he ka thong ge meic je hlinginy homagouleny ae gorany; ke ame he tavat ka huliwa hnân ûnyi baû, me je hnyei hnân meic; ke adre me he ka sënyin.

Daniela 1:2

Ke haba Than ame hnö Jehoiakima than Juda ka hnyi hnyamen, tha e me ke je omjehen uma umen Khong; me e ame sukhöûnâ ka hnyi hnyei Sinara ka hnyi uma umen khongon: ke e ame ip je omjehen ka hnyi uma omjeû umen khongon.

Daniela 3:29

Anyin a wale oge me otilâ hnanyibu, a haba tavat hia, me ta je hnyei, me je ve hwen hnyei, adre ne he ka ha ûnyi ae kong ge Khongu Saderaka, me Mesaka, me Abedenego, me adre me he ka subâ omomonu ödra, me wia umödrin je uma hnân digic thatûnyi: anyin ae ba ke khong ae khana he ka ûhomeli helâe.

Daniela 4:1

INYA Nebukaneza than, ame ha ka tavat hia, me je hnyei me je ve hwen hnyei bi, tavat adre me labâ hmeledrany hia, ka habe, E so ame osehiâ anyibun hnahic.

Daniela 4:22

than lö, u ling, anyin a u gan hmâ me hwege; ke ame kû gan ânyâm lung ke ne o thö hnyi drany, me ânyâm musi ke ne o but hnyi je can hmeledrany.

Daniela 5:19

ke can hna oganâ e adre me ham kâu, me ame öbubuny me ot hnyi hnyimakan tavat hia, me ta je hnyei, me je ve hwen hnyei: e ame hlingâ hnen hna behlingâ, me omelo hnen hna beomelö; ke e ame ogânâ hnen hna beogânâ, me ohnyikânâ hnen hna beöhnyikânâ.

Daniela 5:26

Ke walang bongon ûnyi e, ka habe, MENE; a hia but Khong aû dokhom dokhu me bi obiny.

Daniela 5:31

Ke haba Dariu at Madai ame kap musi hnyi dökhu, kʼ ame ne sikste tu je hunainy.