Jeremia 51:41 - Iaai Bible 1901 (New Caledonia)

⁴¹ Nakainy hna hûgûnâ Sesaka! kʼ ame ie utut hnen hna ogânâ hnen hmeledrany hia! Ekölö, e ba but wan Babulona unyin je hnyei hia!

Jeremia 51:41 ပူးပေါင်းရင်းမြစ်များ

II. Man Ûlabainy Je Than. 7:21

Ke haba uma eang ae beû gorany ai, ame he ka hnân lâiâ ka tavat adre me he, me ha, ka habe, Anyin a ieû Iehova ame ânyâ helâe ka hnyei ang me uma eang?

Isaia 13:19

Ke ame he Babulona, hmanenanginy je dokhu, me soiny mec anyin at Kaledaia, ka helâ me Sodoma me Gomora hnyi ûen Khong ame hagutʼ ödru.

Isaia 14:4

me u me he ka hai ûhöûcû eang ge than Babulona, u me ka ha, ka habe, Ekölö ge hna bi obiny at ûsedö! ke adre me bi obiny taun gol!

Jeremia 25:26

me ta je than hia hnyi hwadro, tavat ae hakekeny me sâkâû, ke at me ke at, me ta je dökhuiny hia hmeledrany hnyi hon kânâ: ke ame he than Sesaka ka ic hnyi hwa-bödra.

Jeremia 49:25

Ieû adre ca hna degecâ gan taun ae lung, taun oge me senyin kâu?

Jeremia 50:23

Nakainy, hna thu hmetro hamainy hmeledrany hia! Nakainy Babulona a ba wan unyin je hnyei!

Jeremia 50:46

Hnyi hwan hna kot Babulona ame öbubuny hme ledrany, ke adre me löng ûtengien hnyi ta je hnyei.

Jeremia 51:37

Ke ame he Babulona ka helâ me hna digic thatûnyi, ke hnyaban ta je luko, a hnân lâiâ, me ju, ke ba at ame he ka labā.

Ezekiela 27:35

Haba aten je bomene me adre me uthmâhmâ hia gam, kʼ ame he je tuhödra ka ot gan hmâ, ke hmak je hnyimakodra.

Daniela 2:38

Ke e ame hia but hna ka hnyi hnyamâm je menoiny hnyot, me je meno ame gâ ethö, hnyi je dok hia ame laba hnyin lakon tavat, ke e ame hna köu he ka musi ödra hia: haba u, waleji ban a gol.

Daniela 4:22

than lö, u ling, anyin a u gan hmâ me hwege; ke ame kû gan ânyâm lung ke ne o thö hnyi drany, me ânyâm musi ke ne o but hnyi je can hmeledrany.

Daniela 4:30

Ke haingen than, ka habe, Hawa, ca Babulona ang ae gan, waleji oge me op hnân hnyaban than hnen manik man ae hwege, ke hnân he ka ogânâ anyik hmanenang.

Deuteronomi 28:37

Ke u me he ka hnân lâiâ, me vejec, me hofuc hluhluma hnyi je hnyei hia ame he Iehova ka lili u ka hnyin.