Jeremia 51:33 - Iaai Bible 1901 (New Caledonia)

³³ Anyin a walang hna ha hnö Iehova tuhan sabaoth, a Khongu Isaraela, ka habe, Haba hluiny Babulona, me helâ me hna huje hwit hnyi ûen adre me ututo e; ke meokhaca me ameʼ he ka o but kâu ûen menu.

Jeremia 51:33 ပူးပေါင်းရင်းမြစ်များ

Isaia 18:5

Anyin a ödra tiga ca menu, e ka kolu vongon, kʼ ame wia bi vongon me me wan vine ame he ka metu but, me e ame he ka sö je vheiny ge hele si vine, mʼ adre me he ka hom je anginy ame iyâû me sö degecâ.

Isaia 21:10

Ekölö gam hnok hna kokot, me hwit hnyi anyik om hani: oge hia but omanenâ köbun hnok hna long ga Iehova tuhan sabaoth, Khongu Isaraela.

Isaia 47:1

UTUT, ke laba ju hnyi sesâ, u hlu Babulona; laba ju eû hnyi kânâ ke ba but theron, u hlu anyin at Kaledaia: anyin adre me ca he hmetu ka haiö u a u menyik me mita.

Jeremia 51:32

ke adre me hûgûnâ je gethen, me thong je sahlowe ge meic, kʼ ame seon bi tavat vat.

Hosea 6:11

Ke u minya Juda lö, adre hia but thu bongon subö hwit hobi köu, waleji hnyi hnok hna ohmeto lakeik ûhedra hnyi hna bâ.

Joela 3:13

Inâ but ûnyi hnân subö hwit, anyin a hmahmat ut widrany: ai öbun, ututo ju; anyin ae unöngöt dö hna hlic wan vine, ame bahihingölö je tangen; anyin ae gan hmâ hwakecidra ae kong.

Amosa 1:3

Walang hna ha hnö Iehova, ka habe, Can kun ta monuiny Damaseko, eke, can vak, me oge me ca he ka ohavâ hwaban e; anyin adre hia but kokot at Gileada hnen je ûnyi hnân huje hwit a fao:

Mika 4:12

Ke ca khanʼ ödra je ûnykûmenö Iehova, kʼ adre me ca wâ ûnykûme anyin musi: anyin a e ame ûkhacaköu ödra helâ me je thi hwit ka hnyi hna huje hwit.

Mika 4:13

Todrö, huje, u hluiny Ziona: anyin oge me he ka wia ânyâm fao meno me me fao bi, ke oge me he ka wia je boûjimen je bacam me me bras: mʼ u me he ka kot omomono je hnyei ae se: ke u me he ka ham kö Iehova hnödra je hna söh, ke je omjehedra ka Thaniny hmeledrany hia.

Habakuka 3:12

U je vheno hnyei hnyi hmonyin, U je uto je tavat hnyi wathethot.

Mataio 13:30

E so ödru me he ka tha kû ke ne o but hnyi ûen menu: ke haba hnyi ûen menu oge me he ka ha ka tavat menu, ka habe, Më ûkhöûnâ thö je zizania, me tha ip me ca, hnân thong degecâ: ke ip dö hwit hnyi anyik om hani.

Mataio 13:39

ke haba iwahnaihmiony a at ame tā, me wale diabolo: ke haba menu, me wale obiny hmeledrany; ke haba tavat menu, me wale ta je angela.