Jeremia 51:27 - Iaai Bible 1901 (New Caledonia)

²⁷ Otilâ thö boûdila hnyi hnyei, tûâ thö trutru hnyi je hnyei, penapena thö je hnyei kâu, hawâ ûkhaca-köuâ thö kâu ta je dökhuiny Ararata, me Mini, me Asekenaza: otilâ thö ke taben vat kâu; oâ thö je hors helâ me je wahamon ae ûjejong.

Jeremia 51:27 ပူးပေါင်းရင်းမြစ်များ

Genese 10:3

Ke haba laku Gomera; Asekenaza, me Rifatha, me Togarema.

Genese 8:4

Ke haba hnyi tehi a seveniny, hnyi bong a seventininy tehi ame laba thö aka hon bucen Ararata.

II. Je Than 19:37

Ke e ame laba he ka hmi hnyi uma umo Niseroka a khongon, me haba Aderameleke me Sarezera ödru me kot e ge hele vat, me ödru me kec ka hnyi hnyei Ararata. Ke ame than biju Esar-adon a nokon hwaban.

I. Man Ûlabainy Je Than. 1:6

Ke haba je baga laku Gomera; Asekenaza, me Rifatha, me Togarema.

Isaia 18:3

Öbun hia thithö tavat adre me laba hnyi hmeledrany, ke tavat laba hon kânâ hia, e ka kap goranyai boûdila hon je bucen, wâ thö; ke e ka tûâ trutru long ju öbun.

Isaia 37:38

Ke e ame hic hnyi uma umo Niseroka a khongon, me ame kot e ge hele vat hnen li lakon jia Aderamelek me Sarezera: ke ödru me kec ka hnyi hnyei Ararata. Ke ame than biju Esar-adon a nokon hwaban.

Jeremia 25:14

Anyin ame he je hnyei ae se hia me je than ka thaluʼ ödra, ke oge me he ka bi hwaban kodra helâ me hwakecidra, me helâ me hna ânyâ hnen je hnyamödra.

Jeremia 46:23

Haingö Iehova, ka habe, adre me he ka sö anyin hnyot, ke ca hnân wâ; anyin a ödra se hia hon ta je wahamon, ke ca hnân aû ûseidra.

Jeremia 50:2

Haimemenâ thö unyin ta je hnyei me omanena thö, me otilâ thö ke haten; omanenâ thö, ke ca ikhâlâ bi: ha thö, ka habe, Adre hûgûnâ Babulona, a hmehma but Bel, e hlohlo but Merodaka; e hmehma but anyin je hnatheat, e hlohlo but je idolainy.

Jeremia 50:3

Anyin ame o ke hnyei ûcon ûnyi hnyi hwadro, ame he ka öba wan iny hnyei, e ba at ame he ka labā e: adre kec ut, e hiʼ ödra, wale at me meno.

Jeremia 50:9

Anyin a wâ bi oge me he ka bwebwet, me oâ ka Babulona ta je hnyei ae gan ke se hia ûheny hnyi hwadro: ke adre me he ka tot metâ kâu; adre me he ka hom e ûheny e; ame he anyidra je fana ka helâ me je fana anyin at ae hwege ae khenen vat; e ba at gadra ame he ka hmetu baû.

Jeremia 51:12

Otilâ thö haten hon hna up veto hnyi Babulona, ohmâ ju tavat adre me hmâkâ, otilâ thö tavat tue, penapena thö he ka khöu mokut: anyin a Iehova ame ûnykûme me ânyâ, waleji hnen hna ha ge tavat adre me laba hnyi Babulona.

Jeremia 51:14

Haba Iehova tuhan sabaoth ame khemanyin gan bi, ka habe, E hnathu oge me he ka ounöngöti u ge at helâ me je wahamon; ke adre me he ka hongot goranyai ûcom.

Jeremia 51:28

Penapena thö je hnyei ûcon, wale je tuhan Madai, me anyin je gavena, me anyin je taben hia, me je hnyei hia e ame muso.

Jeremia 6:1

TA je lakon Beniamina lö, kec bemöt dö ûnyi hnyi wanben Jerusalema, ke tûâ thö khoto hnyi Tekoa ke ogörânyâ thö haten hnyi hon Beth-akerem: anyin ame selâdrâ ûnyi ae kong ûheny hnyi hwadro, me hna ûhangö ae gan.

Joela 3:9

Haimemenâ thö e ka ta je hnyei; penapena thö vat: bwebwelâ thö tavat hwege; e so e hakekeny me ölö thö tavat vat hia.

Amosa 3:6

Hawa, adre me he ka tûâ trutru hnyi taun, ke ame ca he ka ot tavat? hawa, ame he ka hu ûnyi ae kong hnyi taun ke a ca ânyâ bi Iehova?

Zakaria 14:2

Anyin oge me he ka ûkhacaköuâ ta je hnyei hia ûcon Jerusalema he ka vat; ke adre me he ka hûgûnâ taun, me söh je uma, me okongoâ omomo: ke adre me he ka hom bâ hafiny taun, ke adre me ca he ka subâ degecâ ûnyi hnyi taun kolon tavat.

Owisa 6:5

Anyin a adre me tha o me haledrin omeno, me umödra je uma mano, ke adre me o helâ me ûseiny hamon; ke ca hnân öû ödra me haledra je kamela: ke adre me o ka hnyi hnyei he ka ohiâ e.