Jeremia 51:25 - Iaai Bible 1901 (New Caledonia)

²⁵ Wâ bi, bucen lö at ame okongo, e ve inya but möu, haingö Iehova, u at ame okongo hia hmeledrany: ke oge me he ka lau hnyamök hom, me hagutö u ûnyi hnyi hon je kic, me wiö u hnân bucen adre thong.

Jeremia 51:25 ပူးပေါင်းရင်းမြစ်များ

Genese 11:4

Ke adre me ha, ka habe, E so ate me otilâ ke taun, me tap ae beû hmâ bân hnyi dranyai, mʼ ate me ölungâ iöta; wâ adre nye ovesei ota hnyi hmeledrany hia.

Salamo 138:7

Eja ke ne oge ne he hnyi wanben vec, u me he ka omeli nya: U me he ka hai hnyamâm hon hmönyin anyin je iwahnaihmiony mönya, Kʼ ame he hnyamâm a metâm ka omeli nya.

Isaia 13:2

Ogöranyâ thö boûdila hon bucen dok ae ba leûnen, hongot dö kodra, ûalû thö ge hnyam, mʼ adre me didro hnyi je homagouleny je than.

Jeremia 25:12

Ke e ka bekhötö ta je huna a sevente, me oge me he ka bi hwaban ka than Babulona ke tavat eling can hwakecidra ae kong, haingö Iehova, ke hnyei Kaledaia: ke oge me he ka wia e me me ba wan nyiele balua.

Jeremia 25:9

Wâ bi, oge me be ka kunâ me hom je lap hia hnyi hwadro, haingö Iehova, me Nebukaneza than Babulona athnyabaik, me oi ödra ûcûdrin hnyei ang, me tavat adre me laba hnyin, me ta je hnyei hia igigilo e; ke oge me he ka ti ohiʼ ödra, me wiʼ ödra hnân kuko me jû, me ba wan nyiele balua.

Jeremia 50:25

Haba Iehova ame hia but khong anyin je uma omjehen vat, me hom but ûnyi hnyin je ûnyi hnân vat hnyi anyin hmonyin: anyin ae hu huliwa anyin Than Iehova tuhan sabaoth, hnyi hnyei Kaledaia.

Jeremia 50:31

Wâ bi, iny iwahnaihmiony möu, u at bigan, haingen Than. Iehova tuhan sabaoth: anyin ame o but bongom bong, wale ûen oge me he ka senö u.

Jeremia 51:53

Eja ke ne a ne ölö hnyi drany ai Babulona, ke eja ke ne a ne ohmâ je dok a göranyin ae hwege, ame he ka o kâu ûnyi gak tavat söh, haingö Iehova.

Jeremia 51:58

Walang hna ha hnö Iehova tuhan sabaoth, ka habe, Adre me he ka thö degecâ je haginy ae lau adre op hnyi Babulona, kʼ adre me he ka thong ge meic je hlinginy homagouleny ae gorany; ke ame he tavat ka huliwa hnân ûnyi baû, me je hnyei hnân meic; ke adre me he ka sënyin.

Jeremia 51:7

Babulona ehac, me helâji me kaia gol hnyi hnyamö Iehova, kʼ ame omono hmeledrany hia: kʼ ame hia but ijem wainainy ge ta je hnyei; anyin a wale ame monu thö ta je hnyei.

Daniela 4:30

Ke haingen than, ka habe, Hawa, ca Babulona ang ae gan, waleji oge me op hnân hnyaban than hnen manik man ae hwege, ke hnân he ka ogânâ anyik hmanenang.

Zakaria 4:7

U ie at, bucen ae gan? u me he bi ka helâ me dok ae tha hon hnyi hnyimakö Zerubabela: ke e ame he ka hom je veto hnân oumo, me hongot, ka habe, Ibetengiö bâu, ibetengiö baû unyin e.

II. Peteru 3:10

Ke ame he ka o bong bonginy Than helâ me at venöu; ke ame he ka hia drany me hmuhmu ae gan hmâ hnyi bong eling, ke ame he ka köiö but ge kahwa ae gan hmâ ta je ûnyi hia thithö, ke adre me he ka thong degecâ minya hmeledrany me ta je ûnyi adre huliwan hnyin e.

Hna Omanenâ 8:8

Ke ame tûâ thö trutru hnen angela a loiny, ke helâke adre khûâ but bucen ae gan ame hiâ ge meic ka hnyi köiö: me ame dra but ke keihen köiö a kuniny;