Jeremia 51:21 - Iaai Bible 1901 (New Caledonia)

²¹ ke ûnyi gam oge me he ka thö oamamâ hors me at ame tabâ; me oamamâ kariota me at ame tabâ;

Jeremia 51:21 ပူးပေါင်းရင်းမြစ်များ

Salamo 46:9

E ame bi obiny je vat ke ne o but can hmeledrany; E ame ohmetro cafana, me subâ luâ o; E ame thong degecâ je kariota ge meic.

Salamo 76:6

Khongu Jekob lö, ûnyi ge hnâm hna thawâ, Ame tha mokut hnying kariota me hors.

Esodo 15:1

KE haba Mose me lakon Isaraela adre me tha khumöngö khumöng eang, ka habe, Oge me he ka khumöng kö Iehova anyin a e ame ti hom dökhu: A hia but khûâ hos me at ame tabâ ka hnyi köiö.

Esodo 15:21

Ke haba Miriama ame thu me ha, ka habe, Khumöngö thʼ öbun kö Iehova, anyin a e ame ti hom dökhu; A hia but khûâ hos me at ame tabâ ka hnyi köiö.

Esodo 15:4

E ame hia but khûâ ka hnyi köiö je kariota anyi Farao, me anyin je vat; Kʼ ame û but eû hnyi Köiö ae Dra anyin je tuhan vat adre ûca.

Isaia 43:17

at ame hom je kariota me je hors, me utbavat me tang hwege; adre me tha mokut ju, kʼ adre me ca he ka tot hmetu bi; e hiʼ ödra but, kʼ adre me mok ut helâ me wakunenu:

Jeremia 50:37

E hu hele vat hon haledra je hors, ke hon anyidra je kariota, ke hon tavat hia ae ve bongon hnyi wanben, kʼ adre me he ka helâ me omomo: e hu hele vat hon tangen tang omjeû, ke adre me he ka hûgûnâ.

Ezekiela 39:20

Ke öbun e he ka sekon hnyi anyik laulau ge je hors me je kariota, me tavat hwege, me tavat vat hia, haingen Than Iehova.

Mika 5:10

Ke haba hnyi bong eling, haingo Iehova, me oge me he ka subâ degecâ je hors hnyi wanbâm, me ohia ânyâm je kariota:

Nahuma 2:13

Wâ bi, e ve inya möu haingö Iehova tuhan sabaoth, ke oge me he ka thong anyin je kariota hnyi hai, kʼ ame he hele vat ka an halem je nak liona: ke oge me he ka subâ degecâ hanem ûnyi eang hmeledrany, ke adre me ca he hmetu ka long ifucin ânyâm je ûthumetu.

Hagai 2:22

ke oge me he ka ohnyimenâ hnyikânâi je theroniny je dökhu, me ohia tang hwegien je dökhuiny je hnyei; ke oge me he ka ohnyimenâ hnyikânâi je kariota me tavat adre me tabâ, ke ame he ka ta je hors me tavat adre me tabâ, ge hele vat anyin je liamekeiny mödra.

Zakaria 10:5

Ke adre me he ka helâ me tavat hwege, tavat adre me uto je iwahnaihmiony hnyi hmudrainy gethen hnyi vat; ke adre me he ka vat, anyin a e unyidra Iehova: ke ame he tavat tabö hors ka hlohlo.

Zakaria 12:4

Hnyi bong eling, haingö Iehova me oge me he ka kot ta je hors hia ge uthmâhmâ, kʼame he ka monu bi at ame tabâ e: ke oge me he ka bwele ka wâ lap anyi Juda, ke oge me he ka owadruâ ta je hors hia haleny tavat.

Hna Omanenâ 19:18

mʼ öbun e he ka an viny ta je than, me viny ta je taben vat, me viny tavat ae hwege, me viny ta je hors me tavat adre me tabâ, me viny tavat hia thithö, tavat adre hna bâûâ me ta je athnyaba, me tavat ae ûhnyûkong me gan.