Jeremia 51:16 - Iaai Bible 1901 (New Caledonia)

¹⁶ e ame fuc me ame bwebwet bi ta je köiö hnyi drany, ke e ame oâ hai ûnyi hnyi je can hmeledrany; e ame op hucuce hobi kâu we, me oâ ang ûnyi hnyi tangen omjeû.

Jeremia 51:16 ပူးပေါင်းရင်းမြစ်များ

Genese 8:1

KE Khong ame ûnykûmi Noa, me ta je ûnyi ae möt, me ta je meno hia a vak can a tha e më hnyin aka: me Khong ame kunâ ang he ka tûâ hmeledrany me ame nunu but köiö;

Jobu 37:13

Ame ne hnân ûnö, ame ne hobi kâu iny hnyei, Ame ne betenge, me e ame oâ e.

Jobu 38:22

U je mwi bi hnyi uma omjehen kiona, Me wâ je omjehen we ae wahma,

Jobu 40:9

E hu gam hnyam helâ me Khong? Ke e khanö u he ka bi hwan than helâ me hwan hofuc?

Salamo 104:7

U je hûna me ame kec ut; Kʼ ame kec mweimwei ge hwan ânyâm than.

Salamo 135:7

E ame öliâ thö hai ûnyi hnyi je can hmeledrany; E ame bi hucuce hobi kâu we; E ame hom but ang ûnyi hnyi tang omjehen.

Salamo 147:18

E ame kunâ hwan hofuc me oköiö but ta je ûnyi e: E ame kunâ anyin ang he ka tûâ, me ame hingölö but ta je köiö.

Salamo 18:13

Iehova ame bi hwan than minya hnyi drany, Kʼ ame fuc dö Beönua; We ae wahma me je walepiny meic.

Salamo 46:6

Ame imemedien ta je hnyei, kʼ ame bwebwet ta je dokhu: E ame fuc ge hwan, me ame köiö but hmeledrany.

Salamo 68:33

At ame tabâ draniny ta je drany, a ûnyi adrem; Wâ bi, e ame ha hofuc ge hwan ae hwege.

Salamo 78:26

E ame okûâ thö ang hwei ûnyi hnyi drany: Me lelö hwaiöu ge maniny man.

Esodo 10:13

Ke haba Mose ame inâ anyin uci hon hnyei Aigupito, ke Iehova ame oâ ang hwei ka hnyi hnyei hnyi bong eling ae bekhöt me lit ae bekhöt; ke hnyi hnyomakatu haba ang hwei ame hom je wahamon.

Esodo 10:19

Ke haba Iehova ame kunâ hwegiâ ang hnyi köiö, kʼ ame kap goranyai je wahamon me hom kâû ka hnyi Köiö ae i Dra; me ba hmetu wahamon me khaca hnyi hnyei Aigupito hia.

Esodo 14:21

Ke haba Mose ame inâ hnyamen hon köiö; me Iehova ame okhuto köiö hnen ang hwei ae hwege hnyi lit ae bekhöt me omada e, ke haba köiö ame khekhe lo but.

Ezekiela 10:5

Ke adre me long hwan je Abenyin je kerubi ke ne o but hnyeule eû, helâ me ifucin Khong Aekhanahia, e ka fuc.

Amosa 9:7

Lakon Isaraela lö, hawa öbun ûcû me at Aithiop könya? haingo Iehova. Hawa, oge me ca su at Isaraela ûhedra hnyi hnyei Aigupito, ke at Filisti ûhedra hnyi Kafetori, ke at Suria ûhedra hnyi Kira?

Jona 1:4

Ke haba Iehova ame kunâ ang ae gan ka hnyi köiö, me ame o but weneû ae gan hmâ hnyi köiö, ke a ne hmouca thö hu.

Jona 4:8

Ke ame o thö seûno, me Khong ame penapena ang hwei ae kahwa; ke ame dei bö Jona me e ame momonu, ke e ame sumâtâ me me mokcu, haingen, ka habe, E so iny he ka mokcu, hon he ka möt.