Jeremia 51:15 - Iaai Bible 1901 (New Caledonia)

¹⁵ E ame hia but op drany ge maniny man, me otilâ hmâ ta je hnyei ge anyin metâ, me ulolo drany hnen anyin wâhmakhmeto:

Jeremia 51:15 ပူးပေါင်းရင်းမြစ်များ

Jobu 9:8

Hake e ke thibi at ame lau drany, Me uto hon je waköiöiny köiö

Salamo 104:2

U je tubi u ge melam helâ me ûkhaû; Me ulolo drany helâ me imano:

Salamo 104:24

Iehova lö, shaiba ge ûsehiainy ânyâm ta je huliwa! U je hia but huliwan hia thithö ge metâ: A unöngötö hmeledrany ge tang omjehem.

Salamo 107:25

Anyin a e ame hûna, me okûâ ang ae hwege, Wale ame vhik dö ta je waköiö.

Salamo 136:5

Kâu at ame op drany hnyi metâ: Anyin a nyiele balua anyin ibetengiö,

Ta je Vejec 3:19

Iehova ame bi taben hmeledrany hnen metâ; M otilâ drany hnen wâ ûnykûmâ

Isaia 40:22

E at ame laba hon wathelabainy hmeledrany, ke helâ me ta je wahamon tavat adre me labā e; at ame ulolo drany helâ me imano, kʼ ame ulolo e me helâ me uma mano adre me laba hnyin:

Isaia 40:26

Bwela thʼ öbun goranyai, me wâ, ia op ta je ûnyi e, ke ame su anyidra ta je dö hnyi ûseidra: e ame ve hawâ ta je iödra hia thithö; ke haba hnyi ûganiny maniny man, ke can hwegien ae gan, me ame ca hia bi khaca.

Isaia 42:5

Walang hna ha hnö Iehova a Khong, at a op drany, me ulolo e; at a olauâ hmeledrany me ta je ûnyi ame kû hnyin; at a ham homenâ ka tavat hia thithö hon e, ke hanu ka tavat adre me vheno e:

Isaia 44:24

Walang hna ha hnö Iehova, at a ûcû u, ke at a up u hwân hnyi hnyekon hinyâm: inya Iehova at a op ta je ûnyi hia; at a hake ulolo drany; at thibi a olauâ hmeledrany; ie at unyik?

Isaia 45:12

Oge hia but ânyâ hmeledrany me op tavat adre me labā e: oge me ulolo drany ge li hnyamok, ke oge muso ta je ûnyi hia hnyin e.

Isaia 48:13

Eke, hnen hnyamok hna bi taben hmeledrany, ke hnen hnyamok a metök hna ulolo je drany: oge me hawâ ta je ûnyi e, me adre me tha tot.

Isaia 51:13

ke u me hnying Iehova bi At a up u, at ame ulolo drany kʼ ame bi taben hmeledrany; ke u me labö outen hnyi ta je bong hia can wathethot anyin at ûöveci, hnyi ûen e ame penapena he ka ohia? ke e but ua hmonyin anyin at ûöveci?

Jeremia 27:5

ka habe, Oge hia but op hmeledrany, wale at me meno hon hmeledrany hnen manik man ae gan hmâ me benyik ae lau; ke oge me ham e ka at ae ûcû könya.

Jeremia 32:17

Ekölö Than Iehova! wâ bi, u je hia but op drany me hmeledrany ge manâm man ae gan hmâ me benyâm adre hai; ke ba ûnyi ae hmak köu:

Zakaria 12:1

WALANG hok, wale hofuc ho Iehova ge Isaraela.

Ta je huliwa 14:15

ka habe, je than lö, ieû gabun öbun e ânyâ je ûnyi e? Ohmu li at ang helâ me öbun, öhme hom köbun ûthumetu ae so, mʼ öbun e he ka hna degecâ ta je ûnyi e ae ûuyi baû, me hwio ka Khong ae möt, at a op drany me hmeledrany me köiö, me ta je ûnyi hia hnyin:

Ta je huliwa 17:24

Haba Khong at ame op hmeledrany me ta je ûnyi hia eû hnyin, e thibi Tuhan drany me hmeledrany, e ame ca laba hnyin ta je uma adre ânyâ ge je hnyamen;

Roma 1:20

Anyin a haba anyin ta je ûnyi ae iyong, hwân hnyi hna op hmeledrany, me, himanen hmonyin dut, adre me wâhmakhmetoâ hnen ta je ûüyi a op, wale maniny man ae ca ba balua, me bongon Khong; wale me me he ka ba hmetu hnân thu gadra:

Roma 11:33

Shaiba ge ûdiliny metâ ae nua me wâ ûnykûme anyin Khong! e iyong hmonyin anyin owisa, ke ca hnân wâ bi deny ta je gethen!

Hna Omanenâ 4:11

U thibi ae ûcû, Than a Khonguhmun, he ka kap hna ogânâ, me hna ogöranyâ, me man: anyin a u je op ta je ûnyi hia thithö, ke haba ta je ûnyi e me hobi kâu wem, ke u je op minya.