Jeremia 51:11 - Iaai Bible 1901 (New Caledonia)

¹¹ Khet ju je fana; kât hma ju je bec: Iehova ame otilâ hanon je than Madai; anyin a haba hnen hna ûnykûme ge Babulona, he ka ohia e: anyin a wale hwaban ûnyi ga Iehova, a hwaban umen uma.

Jeremia 51:11 ပူးပေါင်းရင်းမြစ်များ

I. Je Than 11:14

Ke haba Iehova ame okûâ iwahnaihmiony kö Solomona, jia Hadada at Edoma: a e mâtrâniny than hnyi Edoma.

I. Je Than 11:23

Ke haba Khong ame okûâ kâu ke iwahnaihmiony bi, jia Kezona nöku Eliada, at ame kec ga Hadadeza a tuhan, than Zoba:

I. Man Ûlabainy Je Than. 5:26

Ke haba Khongon at Isaraela ame bwebwelâ hnyeku Pula than Asuria, me hnyeku Tigelathe-pilesera than Asuria, me e ame hum ödrin but, wale at Reubena, me Gada, me hafiny tribu Manase, me hum ödrin Hala ai, me Habora, me Hara, me ka hnyi wagewe hnyi Gozana, ke ne o but hnyi bong ang.

II. Man Ûlabainy Je Than. 36:22

Ke haba hnyi huna a bani Koreso than Peresi, me haba Iehova ame bwebwelâ hnyeku Koreso than Peresi, me me hwâdâ hofuc ho Iehova a deny Jeremia, me e ame kunâ metâ ka hnyi dokhon dokhu ehele, me sihnalimen minya, ka habe,

Ezera 1:1

HNYI huna a bâniny musi anyi Koreso tuhan Peresi, me haba Iehova ame bwebwelâ hnyeku Koreso than Peresi, me me hwâdâ hofuc ho Iehova a ha Jeremia, me e ame haimemenâ hnyi dokhon dokhu hia, kʼ ame sihnalimen minya, ka habe,

Isaia 10:26

Ke ame he Iehova tuhan sabaoth ka oâ kâu osö, helâ me hna kot at Midiana hnyi kic Oreba; kʼ ame he anyin uci ka e hon köiö, ke e ame he ka hai goranyai e helâ me hnyi Aigupito.

Isaia 21:2

Adre thumetu nya ge hna omanenâ ae hmak; at ânyâ hwakecin iyawâ ame iyawâ, ke at sei ame söh. Elama lö, ölö thö; Madai lö, igigilo ju; oge hia but umo je bongon mâng hia.

Isaia 21:5

Adre me penapena laulau, adre otilâ tavat tue, adre me han me ic: todrʼ öbun je than, botro ju je bec.

Isaia 41:25

O ge hia but oâ ke at ûheny hnyi hwadro, ke e ame he jem; ke ûheny hnyi hna o hnen seûno, oge me oâ ke at ame hawâ iök: e ame he ka je than helâ me hna dâ dröu, ke helâ me at ame op kaia ame ututo kânâ ae kece.

Isaia 45:1

WALANG hna ha hnö Iehova kö Koreso, a at e ame hû, at oge me kât hnyamen a metân he ka hom ûhnyûkongoâ je hnyei hnyi hnyimakan, ke oge me he ka thang wen hnyin je than; he ka khong je hlinginy hnyi hnyimakan, kʼ adre me ca he ka hlöng je homagöule;

Isaia 45:5

Inya Iehova, ke ba ju ke at; ke ba ju ke Khong, ke hake inya ke: oge me he ka oweikâ hnyâm, ke ca khanö u bi nya:

Isaia 46:11

at ame hawâ meno ame gâ ae behan ûheny jimeio, ûheny hnyi hnyei ae sâkâû, waleji at oge me ûsabö mē; eke, oge hia but ha, me oge me he ka ohwâdâ e; oge hia but ip hnyi hnyekuk, me oge me he bi ka ânyâ.

Jeremia 25:25

me ta je thaniny hia Zimeri, me ta je thaniny hia Elama, me ta je thaniny hia Madai;

Jeremia 46:3

Penapena thʼ öbun bec, me bec ae gan, ke hakekeny ju he ka vat.

Jeremia 46:4

Bi omjehen ju je hors, ke tabâ thʼ öbun tavat tabô hors, ke todrö me je hnabicen vat; khet ju jeö, khavâ ju je ûkhaûen vat.

Jeremia 46:9

Ölö thö, öbun je hors; wadring hwege thö, öbun je kariota; e so ame he but tavat ae hwege; jia at Kusa me Futa, tavat ae khanʼ ödra he ka kât bec; ke at Luda tavat ae khanʼ ödra he ka kât me hlöu cafana.

Jeremia 50:25

Haba Iehova ame hia but khong anyin je uma omjehen vat, me hom but ûnyi hnyin je ûnyi hnân vat hnyi anyin hmonyin: anyin ae hu huliwa anyin Than Iehova tuhan sabaoth, hnyi hnyei Kaledaia.

Jeremia 50:3

Anyin ame o ke hnyei ûcon ûnyi hnyi hwadro, ame he ka öba wan iny hnyei, e ba at ame he ka labā e: adre kec ut, e hiʼ ödra, wale at me meno.

Jeremia 50:45

Anyin a wale löng ju öbun hna ûnykûme hnö Iehova, waleji e ame ûnykûme ge Babulona; me hnen je hna ûnykûme he ka ânyâ waleji e ame ip hmâ he ka ânyâ ka hnyei Kaledaia, ka habe, E hnathu adre me he ka lili ödra, wale tavat ae ûhnyûkong hnyi hna hat meno; e hnathu e ame he ka öba wan hnyabadra mödra.

Jeremia 50:9

Anyin a wâ bi oge me he ka bwebwet, me oâ ka Babulona ta je hnyei ae gan ke se hia ûheny hnyi hwadro: ke adre me he ka tot metâ kâu; adre me he ka hom e ûheny e; ame he anyidra je fana ka helâ me je fana anyin at ae hwege ae khenen vat; e ba at gadra ame he ka hmetu baû.

Jeremia 51:12

Otilâ thö haten hon hna up veto hnyi Babulona, ohmâ ju tavat adre me hmâkâ, otilâ thö tavat tue, penapena thö he ka khöu mokut: anyin a Iehova ame ûnykûme me ânyâ, waleji hnen hna ha ge tavat adre me laba hnyi Babulona.

Jeremia 51:24

Ke oge me he ka bi hwaban kö Babulona, ke tavat hia adre me laba hnyi Kaledaia ta je monu hia waleji adre ânyâ hnyi Ziona hnyi hnyimaköbun, haingö Iehova.

Jeremia 51:35

Ame he ka ha hnen at ame laba hnyi Ziona, ka habe, E so ame he ka mokut hon Babulona hna okongu nya me je liamekeiny mönya; kʼ ame he Jerusalema ka ha, ka habe, Ame he drök ka mokut hon tavat adre me laba hnyi Kaledaia.

Jeremia 51:36

Anyin a wale walang hna ha hnö; Iehova, ka habe, Wâ bi, oge me he ka ivino hobi köu, me bi hwaban hobi köu; ke oge me he ka ohmö anyin köiö, me ohmö anyin hna pupua.

Daniela 5:30

Ke adre me hlingö Belesaza than Kaledaia hnyi hnyinghet eling.

Joela 3:10

Kokot anyibun je ûnyi hnân wia kânâ, me me ta je hele vat bi, ke anyibun je hele subö vine, me me ta je ö bi: e so ame he at ae sënyin ka ha, ka habe, Iny hwege.

Joela 3:9

Haimemenâ thö e ka ta je hnyei; penapena thö vat: bwebwelâ thö tavat hwege; e so e hakekeny me ölö thö tavat vat hia.

Levitiko 26:25

Ke oge me he ka oâ hele vat köbun at ame bi hwaban hna okongoâ ʼûbihinyköu: ke öbun e ne he ka ûkhacaköu hnyi anyibun je taun me oge me he ka kunâ mok ae cap hnyi wanböbun; kʼ adre me he ka hnʼ öbun ka hnyi hnyamen ta je iwahnaihmiony.

Zakaria 14:12

Ke walang mok ae cap ame he Iehova ka kunâ ka tavat hia waleji adre me vat me Jerusalema: ame he ka aû tot je unyidra ödra ka he bi, ke ame he ka aû tot je emaködra hnyi je hnen, ke ame he ka aû tot je bohmödra hnyi je hnyimödra.

Zakaria 14:2

Anyin oge me he ka ûkhacaköuâ ta je hnyei hia ûcon Jerusalema he ka vat; ke adre me he ka hûgûnâ taun, me söh je uma, me okongoâ omomo: ke adre me he ka hom bâ hafiny taun, ke adre me ca he ka subâ degecâ ûnyi hnyi taun kolon tavat.