Jeremia 51:10 - Iaai Bible 1901 (New Caledonia)

¹⁰ Haba Iehova ame hia but oâ hwakecita ae wisa: ai öbun mʼ ate me he ka ba gaga hnyi Ziona huliwa anyi Iehova Khonguta.

Jeremia 51:10 ပူးပေါင်းရင်းမြစ်များ

Salamo 118:17

Oge me ca he ka mok, ke oge me he ka möt, Me omanenâ ta je huliwa anyi Ja.

Salamo 37:6

Me e ame he ka oâ hwakecâm ae wisa hela me melam, Ke je hna owisa u helâ me jebigö.

Salamo 64:9

Ke ame he tavat hia thithö ka ot; Ke adre me he ka haimemenâ huliwa anyin Khong. Me wâ ûnykûme hnyi metâ hnen hna ânyâ.

Salamo 66:16

Ai öbun, long ju öbun hia öbun e outen Khong, Me oge me he ka aû gaga hnen hna mâdrâ hobi kâu hanuk.

Salamo 9:14

Me inye he ka haimemenâ je hofuc hia hnân oganö u: Ke oge me he ka senyinâ ûhomeli gam, Hnyi je homagouleny hlu nöku Ziona.

Isaia 24:14

Ame he tavat eling ka hongot goranyai me kuku; kʼ adre me hongot goranyai ûnyi hnyi köiö ge hmanenangi Iehova.

Isaia 40:2

Ha thö hofuc ae kaukahwa kö Jerusalema, ke hongot dö kâu a ga um dö bonginy vec, ke adre hia but thang degecâ anyin hulo; a hia but kap ûnyi ga Iehova hna olo bi hwaban anyin ta je hulo hia.

Isaia 51:11

Ke ame he ka hmetu tavat a bi hwaban melidra hnö Iehova, me o hnyi Ziona me hwan khumöng; kʼ ame he ka e bi hon ta je bödra senyin a nyiele balua: adre me he ka senyin me hobâ, kʼ ame he ka hia hlöuhlöu me mâng.

Jeremia 50:28

Ifucin tavat adre me kec me tavat ae mot ûnyi hnyi hnyei Babulona, mʼ adre me haimemenâ hnyi Ziona hna bi hwaban hnö Iehova Khonguta, wale hwaban ge umen uma kap.

Jeremia 50:45

Anyin a wale löng ju öbun hna ûnykûme hnö Iehova, waleji e ame ûnykûme ge Babulona; me hnen je hna ûnykûme he ka ânyâ waleji e ame ip hmâ he ka ânyâ ka hnyei Kaledaia, ka habe, E hnathu adre me he ka lili ödra, wale tavat ae ûhnyûkong hnyi hna hat meno; e hnathu e ame he ka öba wan hnyabadra mödra.