Jeremia 50:9 - Iaai Bible 1901 (New Caledonia)

⁹ Anyin a wâ bi oge me he ka bwebwet, me oâ ka Babulona ta je hnyei ae gan ke se hia ûheny hnyi hwadro: ke adre me he ka tot metâ kâu; adre me he ka hom e ûheny e; ame he anyidra je fana ka helâ me je fana anyin at ae hwege ae khenen vat; e ba at gadra ame he ka hmetu baû.

Jeremia 50:9 ပူးပေါင်းရင်းမြစ်များ

II. Samuela 1:22

Ame ca hwio cafana anyi Jonathana, Kʼ ame ca hmetu baû hele vat anyi Saulo Ûnyi hnyi dren hna hlingâ, me ûnyi hnyi pipikhenyainy tavat ae hwege,

Khumöng Hwanyi Solomona. 3:8

Ödrin hia ödrin e hok hele vat, adre nʼ ödrin he ka vat: Adre ve weikâ anyidra je hele vat hnyi je jevadrin, Can ot hnyi hnyinghet.

Isaia 21:2

Adre thumetu nya ge hna omanenâ ae hmak; at ânyâ hwakecin iyawâ ame iyawâ, ke at sei ame söh. Elama lö, ölö thö; Madai lö, igigilo ju; oge hia but umo je bongon mâng hia.

Isaia 41:25

O ge hia but oâ ke at ûheny hnyi hwadro, ke e ame he jem; ke ûheny hnyi hna o hnen seûno, oge me oâ ke at ame hawâ iök: e ame he ka je than helâ me hna dâ dröu, ke helâ me at ame op kaia ame ututo kânâ ae kece.

Jeremia 15:14

Ke oge me he ka tha ohei ödra me je iwahnaihmiony möu ka hnyi hnyei ae ca khanö u: anyin ame ubâhlâ meic hnyi anyik hmonyin, ke ame he ka thong hubun.

Jeremia 25:14

Anyin ame he je hnyei ae se hia me je than ka thaluʼ ödra, ke oge me he ka bi hwaban kodra helâ me hwakecidra, me helâ me hna ânyâ hnen je hnyamödra.

Jeremia 25:26

me ta je than hia hnyi hwadro, tavat ae hakekeny me sâkâû, ke at me ke at, me ta je dökhuiny hia hmeledrany hnyi hon kânâ: ke ame he than Sesaka ka ic hnyi hwa-bödra.

Jeremia 50:14

Tot metâ thö ka Babulona igigilo, öbun hia thithö tavat hlöu cafana; hlec ut kâu, ca behânâ je fana: anyin a e ame hia but ânyâ hulo kö Iehova.

Jeremia 50:21

He thö ka hnyi hnyei Merathaim, he ka vat më, me ûcon tavat adre me laba hnyi Pekoda: hlingâ ju me ti ohia hwa-bödra, haingö Iehova, ke ânyâ hia thö helâji me hnok hna hûna köu.

Jeremia 50:26

Ai öbun kâu ûhebun hnyi je dok ae sâkâû, khong ut je omjehen; jien dö e goranyai helâ me hna digic thatûnyi, ke ti ohiâ e; me me ba but kolon.

Jeremia 50:29

Hawâ ûkhacaköuâ thö ka Babulona tavat hlic fana, tavat hia adre me hlöu cafana; hunuma ju igigilo e; ca hna ke at ka kec mot: ham dö kâu helâ me anyin huliwa; ânyâ hia thö kâu helâ hiaji me hnen hna ânyâ: anyin a e ame hia but hwege hnyimakan kö Iehova, Kabi Isaraela.

Jeremia 50:3

Anyin ame o ke hnyei ûcon ûnyi hnyi hwadro, ame he ka öba wan iny hnyei, e ba at ame he ka labā e: adre kec ut, e hiʼ ödra, wale at me meno.

Jeremia 51:11

Khet ju je fana; kât hma ju je bec: Iehova ame otilâ hanon je than Madai; anyin a haba hnen hna ûnykûme ge Babulona, he ka ohia e: anyin a wale hwaban ûnyi ga Iehova, a hwaban umen uma.