Jeremia 50:6 - Iaai Bible 1901 (New Caledonia)

⁶ Haba je lakeik a hia but helâ me je mamoe a hia, a omonu ödra hnen tavat tuʼ ödra, adre hia but hna degeci ödra hon je bucen: adre me he monu hon je bucen me je hut, adre hnying ut hnödra hna menâ.

Jeremia 50:6 ပူးပေါင်းရင်းမြစ်များ

Salamo 116:7

Hanuk lö, hmetu ju ka hnyi hnâm hna menâ; Anyin a hia but Iehova ânyâ köu so.

Salamo 119:176

Oge hia but he monu helâ me mamoe a hia; ö u elom nya, Anyin oge me ca hnying ânyâm ta je hnanyibu.

Salamo 23:2

E ame omokuli nya hnyi hna önying ae hat: E ame su nya thö ka hnyu je wagewe ame omise.

Salamo 32:7

U thibi hnok hna lubaduöng; u me he ka tuö nya ge vec; U me he ka igigili nya ge je khumönginy ûhomeli. [Sela.

Salamo 90:1

THAN lö, u thibi hnyabahmun Hnyi je dö hia.

Salamo 91:1

HABA at ame laba hnyi hna lubaduöng anyi Beönua, Me ame he ka laba bala huyi hmenon Ataekhanahia.

Isaia 1:3

E khana but bolok at a haleny e, ke e khana but asina taben han ûnyi ge tuhan: ke ca khana Isaraela bi, kʼ ame ca ûnykûme bi lakeik.

Isaia 30:15

Anyin a walang hna ha hnen Than Iehova, Kabi Isaraela, ka habe, Adre me he ka omeli öbun, öbun ka hmetu me menâ; ke haba tang hwegiöbun, me ame he ka e bi hnyi labawia me labageju: ke so bi e ca webun.

Isaia 32:2

Ke ame he at ka helâ me hna lubaduöng ge ang, ke nedrong ge weneû; helâ me je di hnyi dok ae hwahwacit, helâ mē dok ae hmenu hnyi kic ae gan hnyi hnyei ae sēnyin.

Isaia 53:6

Öta hia thithö ate me hia but he monu helâ me je mamoe; ate me ve saû ka hnyi je gethen, ke haba Iehova ame ip hon e anyita ta je hulo hia thithö.

Jeremia 10:21

Anyin a hwakecin dut meno tavat tuö mamoe, me ca elâm bi unyi Iehova; anyin a wale, e ba sot gadra, ke ame vese hia haledra je hna hat mamoe.

Jeremia 13:16

Hna but kö Iehova Khongubun hna ogânâ, e me tiga ca omenekhulumâ, ke e me tiga ca haû je cabun hon je bucen ae lit; ke öbun ka tiga halubahingen melam me e ame wia bi ka hnyi hmenon mok, me lit ae gan.

Jeremia 2:20

Anyin a hwân ehac oge hia but thu degecâ ânyâm hna ûhûkâlâköuâ, me thamuâ hna cö u; ke haingâm, ka habe, Oge me ca he ka bi athnyaba; anyin a u me mokut hon je bucen hia ae beû, ke hmelen je ûö hia ae hât, he ka bi ûnyi monu.

Jeremia 2:32

Hawa, ame he hlu ka hnying je hna theibâ e, ke hlu ame tep faipoipo ka hnying bi ûkhaûen? ke haba lakeik adre me hnying nya hnyi je bong a ca hnân bi aû.

Jeremia 23:1

EKÖLÖ ge tavat tuö mamoe, tavat adre me ohia me oveseâ je mamoe oge me hat! haingö Iehova.

Jeremia 3:23

E hnathu, e ûnyi baû ûhadruo ûnyi hnyi je hut, wale imonumonuny hon je bucen: e hnathu, e unyi Iehova Khonguta ûhomeli anyi Isaraela.

Jeremia 3:6

Ke haba Iehova ame ha könya hnyi je bong bongu Josea than, ka habe, Hawa, u je wâ but hnö Isaraela, at ame labö kolu, hna ânyâ? E ame ölö ka hnyi je bucen hia ae beû goranyai ke he hmelen je ûö hia ae hât, me bi ûnyi monu eling.

Jeremia 33:12

Walang hna ha hnö Iehova tuhan sabaoth, ka habe, Hnyi dok ang ae ba wan, ke ba minya at me meno, me hnyi ta je tauniny hia, ame he ka hu hnyaban tavat tuö mamoe, adre me mokulec haledra je hnahat mamoe.

Jeremia 50:17

Isaraela mamoe adre oveseâ; ame alen e hnen je liona: a bân than Asuria ka an e; ke a biliny Nebukaneza eang than Babulona ame thö je jeien.

Jeremia 50:19

Ke oge me he ka ohmetu Isaraela ka hnyi hnyaban; ke e ame he ka han tot hon Karemela me Basana, ke e ame he ka han me sekon hon je hut hnyi Eferaima me Gileada.

Ezekiela 13:10

Anyin a wale, ke can minya anyin adre me hia but omono lakeik me ha, ka habe, E hnahic ut; ke ca hnahic bi; ke hnyi ûen ame up veto ke at, wâ bi, adre me botru ge dröu adre ca huliwan:

Ezekiela 34:14

Oge me he ka ha ödra hnyi je sajilat ae so, ke ame he ka hnen hagidra hon je bucen ae beû hnyi Isaraela: adre me he ka mokut eling hnyi hak ae so, me han hnyi sajilat ae hât hon je bucen Isaraela.

Ezekiela 34:15

Inya oge me he ka han halek hnahat mamoe, kʼ oge me he ka omokuli ödra, haingen Than Iehova.

Ezekiela 34:16

Oge me he ka elâm at ae hia, me ohmeto hna obâ me ce ujâ at ae hmetru jein, me ohwegiâ at ae sënyin, ke haba at ae pipikhenya ke at ae hwege, me oge me he ka ohia; kʼ oge me he ka ha ödra ge hna owisa.

Mataio 10:6

ke so bi, he thʼ öbun ka ta je mamoe a hia hanen lap anyi Isaraela.

Mataio 15:24

Ke e ame thu me ha, ka habe, E ba ke ûnyi adre kunö nya kâu, ke so bi ka ta je mamoe adre he monu hnyi lap anyin at Isaraela.

Mataio 9:36

Ke e ame wâ tavat ae se hia, me e ame betenge gadra, anyin a ödra sēnyin dut, adre me ve se but, helâ me ta je mamoe e ba at ame tuö.

I. Peteru 2:25

Anyin a öbun e he monu ehac helâ me ta je mamoe adre monon gethen; ke walang ang öbun e hmetuhmetu ka At tuö mamoe, me Pisopiny ta je hanubun.