Jeremia 50:34 - Iaai Bible 1901 (New Caledonia)

³⁴ E hwege at ame ûcû melidra; Iehova tuhan sabaoth ien: e ame he ka ti ivino hobi ködra, me me he ka omenâ hmeledrany, me oöbubunyâ tavat adre me laba hnyi Babulona.

Jeremia 50:34 ပူးပေါင်းရင်းမြစ်များ

II. Man Ûlabainy Je Than. 6:39

awe, ö u long ju hnyi drany, wale hnyabam, hijidrin hic me hnödrin je hna sumat, me owisa ködrin; me hna monu anyin lakem wale ödrin e monu köu.

Jobu 19:25

Ke oge me wâhmakhmetoâ ae möt at ame ûcû melik, Ke e ame he ka todrö hon kânâ nyiele:

Salamo 35:1

IEHOVA lö, u ma he ka ivino me tavat adre me ivino mönya: Vat dö me tavat adre me vat mönya.

Salamo 43:1

KHONGUK lö, owiso nya, ke ivino ju hobi könya ka hnyei ame ca ot: Ö u omeli nya thö ûnyi ge at iyawö me at ae ca wisa.

Esodo 6:6

Anyin a wale, ha thö ka je lakon Isaraela, ka habe, Inya Iehova, me oge me he ka hum öbun ûnyi hnyi ta je huliwa ae hmak anyin at Aigupito, kʼ oge me he ka hûgûn ʼöbun ûnyi hnyi hnödra hna bwenböbun, kʼ oge me he ka omeli öbun ge hnyam adre hai, me hna owisa ae gan hmâ;

Ta je Vejec 22:23

Anyin ame he Iehova ka ivino hobi ködra, Me hûgûnâ melen tavat adre me sei ödra.

Ta je Vejec 23:11

Anyin ae hwege singidra; E ame he ka ivino hobi kodra möu.

Isaia 41:14

Ca ot bi u Jekob a waahnyöng, ke öbun tavat Isaraela; haingö Iehova, ka habe, Oge me he ka hadruo u; ke haba at ûhomeli u, me Kabi Isaraela.

Isaia 43:14

Walang hna ha hnö Iehova at omeli öbun, a Kabi Isaraela, ka habe, Can gabun, oge me he ka ûkhûnöng Babulona ai, ke oge me he ka hum ödra hia thithö a je bâ, wale at Kaledia, adre me tabâ je hu adre me senyin hnyin.

Isaia 44:6

Walang hna ha hnö Iehova, Tuhö Isaraela, me at ûco anyin möt, wale Iehova tuhan sabaoth: inya ang at a bân, me a biliny; ke ba ju ke Khong ke inya thibi.

Isaia 47:4

At ame ûcû melita, Iehova tuhan sabaoth ien, wale Kabi Isaraela.

Isaia 49:25

Ke so bi, walang hna ha hnö Iehova, ka habe, Adre me he ka hûgûnâ je bâ unyin tavat ae hwege, ke adre me he ka hna but hna söh hnen tavat ae hwege hnyimen: anyin a oge me he ka ivino me at ame ivino möu, ke oge me he ka omelo ta je lakom.

Isaia 51:22

walang hna ha hnen Tuhâm, a Iehova, a Khongom, at ame ivinoâ lakeiny, ka habe, Wâ bi, oge hia but hom ûnyi hnyi hnyamâm kaiainy ta tot; me u me ca he hmetu ka ijem e:

Isaia 54:5

Anyin a âiâm bi at a up u: haba ien, me Iehova tuhan sabaoth: ke haba at a ûcû melam, me Kabi Isaraela; adre me he ka hawâ e me Khongon hmeledrany hia thithö.

Jeremia 10:16

E ca helâe jekhoû Jekob: anyin a e at ame op hia; ke Isaraela tribuiny jekhon: Iehova tuhan sabaoth ien.

Jeremia 15:21

Ke oge me he ka hûgûnö u ûnyi hnyi hnyamen tavat ae kong, ke oge, me he ka ûco melam ûnyi hnyi hnyamen tavat a ödra wathethot.

Jeremia 30:20

Ke ame he lakudra ka helâ me ehac, ke ame he ka tethmâ anyidra ûkhacaköu hnyi hnyimakök, ke oge me he ka bi hwaban kodra hia adre me sedʼ ödra.

Jeremia 31:11

Anyin a Iehova ame hia but omeli Jekob, me hûgûnâ e ûnyi hnyi hnyamen at ae hwege hon.

Jeremia 31:35

Walang hna ha hnö Iehova at ame ham seûno hnân lany hnyi selany, me hnanyibuiny tehi me ta je okhû hnân melam hnyi lit, at ame bwebwelâ köiö me me û je waköiöiny; Iehova tuhan sabaoth ien:

Jeremia 32:18

at ame omanenâ tang betenge ka ta je dö a thauzan, me bi hwaban hulo anyin je kamen ka hnyi ûlainy ta je lakudra hwabödra: Khong ae gan hmâ me man. Iehova tuhan sabaoth ien:

Jeremia 48:15

Adre kot hia thö Moaba, ke adre me he ka hnyi je taun, ke haba anyin je hidröu e ame ûca, adre me he unyin tavat adre me he ka hlingʼ ödra, haingen Than, Iehova tuhan sabaoth ien.

Jeremia 51:19

E ca helâe jekhoû Jekob; anyin a e at ame op hia; ke Isaraela tribuiny a wajekhon: Iehova tuhan sabaoth ien.

Jeremia 51:36

Anyin a wale walang hna ha hnö; Iehova, ka habe, Wâ bi, oge me he ka ivino hobi köu, me bi hwaban hobi köu; ke oge me he ka ohmö anyin köiö, me ohmö anyin hna pupua.

Je tenge anyi Jeremi 3:58

Than lö, u je hia but ivino hobi könya; u je hia but ûcû melik.

Joela 2:11

ke ame fuc Iehova hnyi hnyimakan anyin utbavat; anyin ae gan hmâ hnen hna hunuma; anyin ae hwege at ame ohwâdâ hwan hofuc: anyin ae gan hmâ bong bongu Iehova me linân outen e; ke ie at ae hwege he ka hokhnyok hnyin e?

Mika 4:10

Vec dö, ke hnokoâ but, u hluiny Ziona, helâ me momo ame vec hnyekon: anyin a u me he ka he but walang ang ûnyi hnyi hnyin taun, me laba hnyi ta hnyei, me o ka hnyi Babulona; ke adre me he ka hûgûnö u ûhem e; kʼ ame he Iehova ka ûcû u eling ûnyi ge je iwahnaihmiöny möu.

Mika 7:9

Oge me be ka hok hnyokâ hmonyin anyi Iehova, anyin oge hia but monu kâu; ke ne o but e ame he ka ivino hobi könya, me owisa hobi könya: e ame he ka su nya ka hnyi melam, ke oge me he ka wâ hwakecin ae wisa gan.

Hna Omanenâ 18:8

Anyin a wale ame he ka o kâu anyin je mok hnyi bong a khaca, wale mok, me hlöuhlöu, me hmiâ; ke adre me he ka thong degecâ e hnen meic; anyin ae hwege Than a Khong at ame bi hwaban kâu.