Jeremia 50:31 - Iaai Bible 1901 (New Caledonia)

³¹ Wâ bi, iny iwahnaihmiony möu, u at bigan, haingen Than. Iehova tuhan sabaoth: anyin ame o but bongom bong, wale ûen oge me he ka senö u.

Jeremia 50:31 ပူးပေါင်းရင်းမြစ်များ

Isaia 2:12

Anyin ame he ka o ke bong bongu Iehova tuhan sabaoth, ka hnyi hon tavat begörany me bi gan hia, ke tavat hia adre me ogânʼ ödra; me adre me he ka ohnyikönʼ ödra:

Jeremia 21:13

Wâ bi, ûcûk u, at ame laba hnyi hnyigöulen kicin dok ae tha hon, haingö Iehova, öbun tavat, öbun e ha, ka habe, Ie at ame he ka utut köta? ke ie at ame he ka dit ka hnyi je hnyabata?

Jeremia 48:29

Ohmun e löng ut bigan anyi Moab, a e gan hmâ hop; kʼ ame begörany, ke bi gan, ke bemusi, ke khulelau hnyekon.

Jeremia 49:16

Ame iyawo u bi hnen hnyekom ge hnâm hna ootâ, u at ame laba hnyi je khekheiny kic, me je dok ae göranyin bucen: eja ke ne u je ne ip haûâm? ethö helâ me aeto, oge me he ka höi u ûheny e, haingö Iehova.

Jeremia 50:29

Hawâ ûkhacaköuâ thö ka Babulona tavat hlic fana, tavat hia adre me hlöu cafana; hunuma ju igigilo e; ca hna ke at ka kec mot: ham dö kâu helâ me anyin huliwa; ânyâ hia thö kâu helâ hiaji me hnen hna ânyâ: anyin a e ame hia but hwege hnyimakan kö Iehova, Kabi Isaraela.

Jeremia 50:32

Ke ame he ka haû me ta at ae bigan, ke ba at ame he ka hai hmetu e: ke oge me he ka hû meic hnyi tauniny, kʼ ame he ka an e igigilo hia.

Jeremia 51:25

Wâ bi, bucen lö at ame okongo, e ve inya but möu, haingö Iehova, u at ame okongo hia hmeledrany: ke oge me he ka lau hnyamök hom, me hagutö u ûnyi hnyi hon je kic, me wiö u hnân bucen adre thong.

Ezekiela 29:3

ha thö, ke habe, Walang hna ha hnen Than Iehova, ka habe, Wâ bi, ûcûk u, Farao than Aigupito, a tanimo ae gan at ame laba hnyi je wagewiny, at ame hia but ha, ka habe, Haba anyik wagewe me ka anyik bi, ke oge me ka op e hobi könya bi.

Ezekiela 38:3

me ha, ka habe, Walang hna ha hnen Than Iehova, ka habe, Wâ bi, ûcûk u Gog, tuhan Rosha, me Meseka, me Tubala:

Ezekiela 39:1

KE haba u, nokon at, perofeta thö ûcon Gog me ha, ka habe, Walang hna ha hnen Than Iehova, ka habe, Wâ bi, ûcûk u Gog lö, tuhan Rosha, me Meseka, me Tubala:

Ezekiela 5:8

anyin a wale, walang hna ha hnen Than Iehova, ka habe, Wâ bi, e ve inya möu, a inya; ke oge me he ka ti bi hwaban köu eû hnyi wanbâm hnyi hnyimakan ta je hnyei.

Nahuma 2:13

Wâ bi, e ve inya möu haingö Iehova tuhan sabaoth, ke oge me he ka thong anyin je kariota hnyi hai, kʼ ame he hele vat ka an halem je nak liona: ke oge me he ka subâ degecâ hanem ûnyi eang hmeledrany, ke adre me ca he hmetu ka long ifucin ânyâm je ûthumetu.

Nahuma 3:5

Haingö Iehova tuhan sabaoth, ka habe, Wâ bi, e ve inya but möu, ke oge me he ka hai ânyâm ûkhaû ka hnyi hnyimâkâm; ke oge me he ka omanenö u ka ta je hnyei ke ba ûkhaûâm, me ânyâm hmehma ka ta je dökhu.

Iakobo 4:6

Ke e ame bi hanen ibetengiö baû. Anyin a wale hna ha, ka habe, Khong ame hagutâ tavat bi gan, me ham ibetengiö baû ka tavat a Ödra hnyikânâ.

I. Peteru 5:5

Helâe minya öbun hnyat ae teb unyi, löng ju hoton wahingat. Eke, öbun hia thithö lö, weikâ ju hwakecin ae hnyikânâ he ka uhuliwaköu: anyin a Khong ame hagutâ tavat bi gan, me ham ibetengiö baû ka tavat ae hnyikânâ oûnykûmidra.

Hna Omanenâ 18:8

Anyin a wale ame he ka o kâu anyin je mok hnyi bong a khaca, wale mok, me hlöuhlöu, me hmiâ; ke adre me he ka thong degecâ e hnen meic; anyin ae hwege Than a Khong at ame bi hwaban kâu.