Jeremia 50:27 - Iaai Bible 1901 (New Caledonia)

²⁷ Hlingâ but haleny je bolok hia; e so adre me he ka hnyi hna hlingâ: ekölö gadra! anyin ame o but bongudra bong, ûen senâ e.

Jeremia 50:27 ပူးပေါင်းရင်းမြစ်များ

Jobu 18:20

Ame he tavat adre me o hwaban ka uthmâhmâ ge bongon bong, Ke haba dö a bân ödrin e ti ot.

Salamo 22:12

E se hia je bolok adre me igigili nya: Kʼ ame tot igigili nya ta je bolokiny Basana hnyat ae hwege.

Salamo 37:13

Ame he Than ka hlumâ e: Anyin a e ame wâ ae hakekeny jut bongon bong.

Isaia 21:12

Ke ame thu ge at hmâkâ me ha, ka habe, Ame o hnyomakatu, kʼ ame o minya lit: öbun e ne he ka hnö, hnö thö: hmetu ju öbun me he jem.

Isaia 34:6

A sekon dut ge dra hele vat anyi Iehova, adre me opipikhenya e hnen dren lakon ta je mamoe me ta je got, me pipikhenyainy je wagien je mamoe baga: anyin ae hu hut kö Iehova hnyi Bozera, me ûhlingö ae gan hmâ hnyi knyei Edoma.

Isaia 34:7

Ke ame he je bolokiny hnyot ka tha ta mödra, me je nokon kau me je bolok; ke ame he ka monu idra hnyei ge dra, me ame he ka opipikhenya könödra kânâ.

Jeremia 12:3

Ke haba u Iehova lö, u je wâhmakhmetu nya: u je ö nya, me cubec hnyekuk gam: lili ödra but helâ me je mamoe hnân he ka hlingâ, me penapenʼ ödra hobi kâu bong he ka hlingâ hnyin.

Jeremia 25:34

Kuku tenge thö, öbun tavat tuö mamoe; ke tenge thö me seset hnyi kânâ öbun je homakan hnahat mamoe, anyin a hwâdâ thö je bong hnân he ka hlingʼ öbun, ke oge me he ka tha oamemʼ öbun, ke öbun e he ka kolu helâ me kaia ae so.

Jeremia 27:7

Ke ame he je hnyei hia thithö ka bi athnyabainy, me lakon, me laöbiny, ke ne o but ame o but ûen iny hnyei bi: ke ame he bi je hnyei ae se hia, me je than ae gan ka thaluâ e.

Jeremia 46:21

Haba je aten adre me hok hwaban hnyi wanben e, ödra helâ me je nokon kau adre me tuö hnyi uma; anyin adre me hwio minya me tha kec, adre me ca tot hmâ bi: anyin ame o but kodra bong bongudra vec, ûen he ka senʼ ödra.

Jeremia 48:10

E ka mok at ame mâdrâ iyawoâ huliwa anyi Iehova, ke e ka mok at ame behânâ anyin hele vat ka hnyi dra.

Jeremia 48:15

Adre kot hia thö Moaba, ke adre me he ka hnyi je taun, ke haba anyin je hidröu e ame ûca, adre me he unyin tavat adre me he ka hlingʼ ödra, haingen Than, Iehova tuhan sabaoth ien.

Jeremia 48:44

Haba at ame kec ge ot, e ame he ka ta ka hnyi thop; ke haba at ame ölö ûnyi hnyi thop, ame he ka hnok hnyi hnewe; anyin oge me he ka oâ kâu, jia Moaba, huna adre senʼ ödra hnyin, haingö Iehova.

Jeremia 50:11

Anyin a öbun e senyin me hobâ, tavat adre me soh ik, anyin a öbun e ututut helâ me nak kau at ame utö wan hwit, me kuku helâ me je hors ae hwege;

Jeremia 50:31

Wâ bi, iny iwahnaihmiony möu, u at bigan, haingen Than. Iehova tuhan sabaoth: anyin ame o but bongom bong, wale ûen oge me he ka senö u.

Jeremia 51:40

Oge me he ka hum ödra helâ me lakon mamoe he ka hlingʼ ödra, helâ me je mamoe baga me je got baga.

Je tenge anyi Jeremi 1:21

Adre long ut a inya oge mâng; ke ba at ame otubweli nya; A long ut je iwahnaihmiony mönya hia hna okongu nya; adre me senyin a u je hia but ânyâ: U me he ka oâ bong waleji u je thu, mʼ adre me he ka ûcû mönya.

Hna Omanenâ 18:10

ke ödrin e tot sâkâû anyin a ödrin e outen anyin vec, me ha, ka habe, Ekölö, ekölö ge taun ae gan a Babulona, taun ae hwege! anyin ame o but hwaban köu hnyi awa a khaca.

Hna Omanenâ 19:17

Ke oge me wâ ke angela ame tot hnyi seûno; ke e ame ha ge hwan ae gan, ame ha ka ta je meno ame gâ ethö, ka habe, Ai öbun ka ûkhacaköu ka hnyi bijeû ae nua anyin Khong;