Jeremia 50:19 - Iaai Bible 1901 (New Caledonia)

¹⁹ Ke oge me he ka ohmetu Isaraela ka hnyi hnyaban; ke e ame he ka han tot hon Karemela me Basana, ke e ame he ka han me sekon hon je hut hnyi Eferaima me Gileada.

Jeremia 50:19 ပူးပေါင်းရင်းမြစ်များ

Ezera 2:1

KE walang tavat aten hnyei, Ödrin e he ûhedrin hnyi hnabâ tavat waleji adre me hom, waleji hnö Nebukaneza than Babulona hna hom Babulona ai, me ödrin e he hmetu Jerusalema me Juda hi, ka hnyi anyidrin je taun;

Khumöng Hwanyi Solomona. 6:5

Wia thö li emâkâm gak, Anyin a oge me ngâ but gadru. E ûcû leûnen bâm me hnahat got, Adre mokut hnyi baten bucen Gileada.

Isaia 33:9

Ame tenge me sēnyin hnyei: e hmehma Lebanona, ke meleca thö: ke ûcû but Sarona me hnyebuba; ke ame öbubuny Basana me Karemela.

Isaia 35:2

E ame he ka vhong gan hmâ me senyin ge hobâ me khumöng; adre me he ka ham kâu hmanenanginy Lebanona me mecin Karemela me Sarona: adre me he ka wâ hmanenangi Iehova, wale mec anyin Khonguta.

Jeremia 23:3

Ke oge me he ka hawâ kolon halek ta je mamoe ûnyi hnyi ta je hnyei hia waleji oge obʼ ödra ka hnyin, me ohmetu ödra ka hnyi hnyeuledra; ke adre me he ka hnokoâ sehia me ti sehia.

Jeremia 3:18

Hnyi je bong eling ame he lap anyi Juda ka tha he me lap anyi Isaraela, ke adre me he ka tha o ûnyi hnyi hnyei hnyi hwadro ka hnyi hnyei waleji oge ham ka lakamöbun me hnân ibun.

Jeremia 30:10

Anyin a wale Jekob lö, athnyabaik, ca ot, haingö Iehova; ke Isaraela lö, ca hlohlo bi: anyin a wâ bi, oge me he ka omeli u ûnyi hnyi dok ae sâkâû, me je mâtrânâm ûnyi hnyi hnyei waleji adre hwenbʼ ödra hnyin; ke ame he Jekob ka hmetu me menâ, me laba hnahic, ke ba at ame he ka ootâ e.

Jeremia 30:18

Walang hna ha hnö Iehova, ka habe, Wâ bi, oge me he ka ohmeto je uma mano umö Jekob adre hom, me betenge ge hnyaban; ke adre me he ka otilâ taun hon hna hagutâ e, ke ame he ka tot uma umen than hoton bongon e.

Jeremia 30:7

Ekölö! anyin ae gan hmâ bong eling, ke ba ke bong a helâe: wale ûen vec kö Jekob; ke so bi, adre me he ka omelo e hnyin.

Jeremia 31:14

Ke oge me he ka osekunâ tavat bihut ge pipikhenya, ke oge me he ka osekunâ lakeik ge soik, haingö Iehova.

Jeremia 31:25

Anyin oge hia but osekunâ tavat hia ae sënyin, me öunöngötâ tavat hia ae hloûhloû.

Jeremia 31:6

Anyin ame he ka hu ûen hongot ge tavat tue hnyi bucen Eferaima, ka habe, Todrö, ate me he Ziona ai kö Iehova Khonguta.

Jeremia 32:37

haingen, ka habe, Wâ bi, oge me he ka hlu ödra ûnyi hnyi ta je hnyei hia, waleji oge obʼ ödra ka hnyin hnyi anyik hmonyin, me anyik wathethot, me hmonyin ae gan hmâ; ke oge me he ka ohmetu ödra ka hnyi dok ang, me olaba khötkici ödra:

Jeremia 46:27

Ke haba u Jekob a athnyabaik, ca ot bi, me Isaraela, ca hlohlo bi: anyin a wâ bi oge me he ka omeli u ûnyi hnyi dok ae sâkâû, me je mâtrânâm ûnyi hnyi hnyei waleji oge hum ödra ka hnyin; ke ame he Jekob ka hmetu, me laba so me menâ, ke ba hmetu bi at ame he ka ootâ e.

Jeremia 50:6

Haba je lakeik a hia but helâ me je mamoe a hia, a omonu ödra hnen tavat tuʼ ödra, adre hia but hna degeci ödra hon je bucen: adre me he monu hon je bucen me je hut, adre hnying ut hnödra hna menâ.

Ezekiela 11:17

Anyin a wale ha thö, ka habe, Walang hna ha hnen Than Iehova, ka habe, Oge me he ka hum öbun ûnyi hnyi je hnyei, me ûkhacaköu öbun ûnyi hnyi je hnyei waleji adre ovesei öbun ka hnyin, ke oge me he ka ham köbun hnyei Isaraela.

Ezekiela 36:24

Anyin a oge me he ka hum öbun unyin tavat, me ûkhacaköu öbun ûnyi hnyi je hnyei hia, me hum öbun ka hnyi ibun.

Ezekiela 36:33

Walang hna ha hnen Than Iehova, ka habe, Haba hnyi bong oge me he ka okalaöti öbun ûnyi hnyi anyibun je hulo hia, me oge me he minya ka olabʼ öbun hnyi je taun, ke adre me he ka op je dok ae ba wan.

Ezekiela 38:8

Ke hwaban je bong ae se hia adre me he ka senö u: ke hnyi je huna a biliny u me he ka o ka hnyi hnyei adre ohmeto ûnyi hnyi hele vat, wale adre ûkhacaköu ûnyi hnyi je hnyei ae se hia, hon je bucen Isaraela ae itremacat but ehac: ke adre hom e ûnyi hnyi je hnyei, ke adre me he ka laba khotkic ödra hia thithö.

Ezekiela 47:18

Ke haba hnyi ke keihen e deiö, wanben Hauran, me Damaseko, me Gileada, me hnyei Isaraela, me e bi Joridano; öbun e he ka tuluto hwân hnyi hnyigot ka hnyi hwadrö ke ne o but köiö e deiö. Wale ke keihen o deiö.

Mika 7:14

Han ju lakem ge ânyâm uci, wale hnahat mamoe a jekhom, wale hnyat adre me hake laba hnyi hnyot hnyi wanben Karemela: e so adre me he ka an tot hmetu hnyi Basana me Gileada helâ me hnyi je bong kâû adrem.

Mika 7:18

Ie ke Khong ae ûcû möu, at ame hna monu, kʼ ame ca oûnyihnathoâ hna hanyâûâ hnen je kolon jekhon? e ame ca tuö anyin hmonyin nyiele balua, anyin a e ame senyin he ka betenge.

Zakaria 10:10

Ke oge me he ka ohmetu ödra ûnyi hnyi hnyei Aigupito, me ûkhacaköu ödra ûhedra Asuria; ke oge me he ka hum ödra ka hnyi hnyei Gileada me Lebanona; ke adre me ca he ka wâ dok hobi kodra.

Numera 32:1

KE haba laku Reubena, me laku Gada ödrin e tren omeno ae se hia: ke ödra adre me wâ hnyei Jazera, me hnyei Gileada, me wâ bi, hnyei ae so hobi kâu ta je meno;

Numera 32:4

wale hnyei Iehova ame kot hnyi hnyimakan ûkhacaköu anyin at Isaraela, me, wale hnyei ae ûcû hobi kâu omeno, ke ohmun tavat tren omeno a lathnyabaem.

Josua 17:15

Ke Josua ame ha ködrin, ka habe, U je ne hnyei ae gan, me e so u ma he ka hnyi hnyot me khutu eling hobi i köu bi hnyi hnyei iny at Perizi me tavat ae beû; anyin ae hnek köu bucen Eferaima.