Jeremia 50:17 - Iaai Bible 1901 (New Caledonia)

¹⁷ Isaraela mamoe adre oveseâ; ame alen e hnen je liona: a bân than Asuria ka an e; ke a biliny Nebukaneza eang than Babulona ame thö je jeien.

Jeremia 50:17 ပူးပေါင်းရင်းမြစ်များ

II. Je Than 15:19

Ke ame o but Pula than Asuria he ka vat me hnyei; ke haba Menahema ame ham kö. Pula khaca thauzan talan sileva, me me hadruâ e he ka ohmâ dökhu unyin.

II. Je Than 15:29

Ke haba hnyi je bong bongu Peka than Isaraela ame o but Tigelathe-pilesera than Asuria, me hûgûnâ Ijon, me Abela-bethemaka, me Janoa, me Kadesi, me Hazora, me Gileada, me Galilaia, hnyei hia Nafatali; me e ame hum ödrin hia a je hwenbâ Asuria ai.

II. Je Than 24:1

HABA hnyi bongon je bong ame o but Nebukaneza than Babulona, me haba Jehoiakima ame bi athnyabainy hnyi kun ta huna: ke e ame tot me hna degecâ e.

II. Je Than 24:10

Ke hnyi ûen e, ame o but lakei Nebukaneza than Babulona ka hnyi Jerusalema, me adre me thelöng taun.

II. Je Than 25:1

KE haba hnyi huna a naininy anyin musi, hnyi tehi a teniny, hnyi bong a teniny tehi, ame o but Nebukaneza than Babulona, me anyin je utbavat hia, ka Jerusalema, me hunuma cicö e; me ödrin e otilâ igigilo e je tap hnân vat.

II. Man Ûlabainy Je Than. 28:20

Ke ame o but kâu Tigelathe-pilesera than Asuria, me ovecâ e, me ca hadruâ e bi.

II. Man Ûlabainy Je Than. 33:11

Anyin a wale haba Iehova ame oâ ködrin ie taben vat anyin than Asuria, me ödrin e hum Manase ge je cen, me ca e ge fao, me hom Babulona ai.

Isaia 15:9

Anyin a unöngötö je aniny Dimon ge dra; anyin a oge me he ka bi hanen monu kö Dimon, oge me he ka kunâ liona ka at Moaba tavat adre me kec, me je kolon hnyei.

Isaia 47:6

Oge me hmönyik ka lakeik, oge me okongoâ ik hnyei me hnʼ ödra ka hnyi hnyamâm: e ba hmonyin betenge u je ânyâ kodra; u je ti ohmâkâ ânyâm hna ûhûkâlâköuâ hon wahingat.

Jeremia 10:25

Hingâlâ but ânyâm hmonyin hon je hnyei ae ca khanʼ ödra u, me hon je lap adre me ca hawâ bi iâm: anyin adre hia but öaûö Jekob, eke, adre hia but utâ e, me ohia e, me öba wan hnyaban.

Jeremia 2:15

Ame hia but kuku je nak liona, me fuc hwege goranyai: ke adre hia but öba wan iny hnyei; adre me thong anyin je taun, me ba at ame labā e.

Jeremia 21:7

Ke hwaban e, haingö Iehova, oge me he ka hnö Zedekia than Juda, me je athnyabainy, me tavat a je kolon hnyi taun ang ûnyi hnyi mok ae cap, me hele vat, me hmiâ, ka hnyi hnyamö Nebukaneza than Babulona, me hnyamen je iwahnaihmiony mödra, me hnyamen tavat adre me elâm he ka hlingʼ ödra: ke e ame he ka kuc ödra ge hele vat; e ame ca he ka omeli ödra, me hnyok kodra, me betenge.

Jeremia 4:7

Ame he but liona ûheny hnyi umen ūhnyot, at ame okongoâ je hnyei; e ame he hnyi deny gethen, e ame he ûheny hnyi hnen; he ka obâ aten em hnyei, me öba wan ânyâm je taun, me ba but aten.

Jeremia 49:19

Wâ bi, e ame he ka ölö helâ me liona ûnyi hnyi hmanenanginy Joridano ka hnyi taun ae hwege, ke oge me he ka ie okecâ e ûheny e; ke haba at adre me ûca, oge me he ka otilâ e hon: anyin a ie at ae ûcû mönya? ke ie at ame he ka thu ûen könya? ke ie at tuö mamoe ame he ka tot hnyi hnyimakök?

Jeremia 5:17

Ke adre me he ka an hnâm hna meno, me âm jeû, wale ae ûcû he ka han hnen lakom obaga me wahlu: adre me he ka an halem je mamoe, me kau; adre me he ka an halem je vine, me halem je meta: adre me he ka kot ge hele vat ânyâm je taun adre up haginy, waleji u je labageju kâu.

Jeremia 5:6

Anyin a wale ame he liona ûnyi hnyi hnyot ka hlingʼ ödra, ame he lukoiny sahac ka sei ödra, ame he lepad ka tuö anyidra je taun, ame he ka oloû usukiʼ ödra tavat adre me didrut ûnyi hnyi hnyin: anyin a ödra ibi ose ûkhin fuc, ke ödra ose hia kolu.

Jeremia 50:6

Haba je lakeik a hia but helâ me je mamoe a hia, a omonu ödra hnen tavat tuʼ ödra, adre hia but hna degeci ödra hon je bucen: adre me he monu hon je bucen me je hut, adre hnying ut hnödra hna menâ.

Jeremia 51:38

Adre me he ka tha kuku helâ me je nokon liona.

Jeremia 52:1

TWENTE wan dut je hunai Zedekia hnyi ûen e ame hwân he ka musi; ke e ame musi eleven je huna hnyi Jerusalema: ke haba ien hinyen, me Hamutala a nöku Jeremia at Libena.

Ezekiela 34:12

Haba at tuö mamoe ame elam hnahat haleny hnyi ûen e ame tha e me hnahat haleny mamoe adre vese, helâe oge me he ka elâm halek hnahat mamoe, ke oge me he ka hum ödra ûnyi hnyi je dok hia waleji adre vese ka hnyin, hnyi bong ae khömet me menekholom.

Daniela 6:24

Ke than ame hûna he ka hom tavat waleji adre me kliûö Daniela, me adre me khûʼ ödrin bi ka hnyi op liona, ödrin, ke lakudrin, ke laöiödrin; ke e hu maniny je liona hudrin, me me hmetru je jeiödrin hia, kʼ ödrin tiga ca kâlâ kânâ eû hnyi hnyin thop.

Joela 3:2

me oge me he bi ka ûkhacaköuâ je hnyei hia, me hum ödra ka hnyi hnyigöulen bucen anyi Jehosafata; ke oge me he ka ûhnei mʼ ödra eling can lakeik me jekhöûk a Isaraela, wale adre oveseâ ka hnyi je hnyei, me khenâ ik hnyei.

I. Peteru 2:25

Anyin a öbun e he monu ehac helâ me ta je mamoe adre monon gethen; ke walang ang öbun e hmetuhmetu ka At tuö mamoe, me Pisopiny ta je hanubun.