Jeremia 50:15 - Iaai Bible 1901 (New Caledonia)

¹⁵ Hongot dö goranyai kâu igigilo; a ngâ but; a kolu but je hak, kʼ adre kia thö je hna up haginy: anyin a waleling hmonyin anyi Iehova; bi hwaban ju kâu; ânyâ thö kâu helâ me hnen hna ânyâ.

Jeremia 50:15 ပူးပေါင်းရင်းမြစ်များ

I. Man Ûlabainy Je Than. 29:24

Ke haba ta je taben hia, me tavat hwege, me laku Davita minya, ödrin e nom ju kö Solomona than.

II. Man Ûlabainy Je Than. 30:8

Ke ca he thʼ öbun walang ang ka ohwegiâ je nyibun, helâji me lakamöbun; ke so bi hnʼ öbun dut kö Iehova, me didro ka hnyi anyin dok ae kap, wale e ame hia but okabâ nyiele balua, me bi athnyabai Iehova a Khongubun, me me hwio ûnyi gabun anyin hmonyin ae gan hmâ.

Salamo 149:7

Hnân he ka bi hwaban ka ta je hnyei hia, Me bi hwaban ka tavat hia;

Salamo 94:1

IEHOVA lö, wale Khong at ame bi hwaban hulo, Khong lö, at ame bi hwaban, umumelam but.

Isaia 59:17

Ke e ame khavâ hwakecin ae wisa helâke me hna tube ûlâiny, ke e ame bicâ möt; ke e ame khavâ ûkhaûen bihwaban hnân ûkhaû, me khavâ weny ae gan hmâ helâ me ûkot.

Isaia 59:18

E ame he ka bi hwaban hoton huliwa, wale hmonyin ka tavat a ûcon, me hwaban ka ta je iwahnaihmiony mē; e ame he ka bi hwaban ka je bomene.

Isaia 61:2

he ka haimemenâ hunainy ae ûcû kö Iehova, me bonginy bi hwaban ge Khonguta; he ka otubwelâ tavat hia adre me tenge thungaû;

Isaia 63:4

Anyin a e bi eû hnyi hnyekuk bonginy hmonyin, kʼ ame o but hunainy hnok hna ûco.

Jeremia 46:10

Anyin a bong bongon Than Iehova tuhan sabaoth bong eling, a bong bi hwaban, he ka bi hwaban ka je iwahnaihmiony më: ke ame he hele vat ka an, me sekon, ke ijem drödra me me sekon: anyin ae hu hut ka Than Iehova tuhan sabaoth hnyi hnyei hnyi hwadro hnyi wagewe Euferate.

Jeremia 50:14

Tot metâ thö ka Babulona igigilo, öbun hia thithö tavat hlöu cafana; hlec ut kâu, ca behânâ je fana: anyin a e ame hia but ânyâ hulo kö Iehova.

Jeremia 50:25

Haba Iehova ame hia but khong anyin je uma omjehen vat, me hom but ûnyi hnyin je ûnyi hnân vat hnyi anyin hmonyin: anyin ae hu huliwa anyin Than Iehova tuhan sabaoth, hnyi hnyei Kaledaia.

Jeremia 50:44

Wâ bi, e ame he ka ölö helâ me liona ûnyi hnyi hmanenanginy Joridano ka taun ae hwege: ke oge me he ka ie okeci ödra gan; ke oge me he ka otilâ hon, at adre ûca: anyin a ie at ae ûcû mönyaî ke ie at ame he ka thu ûen könya? ke ie at tuö mamoe ame he ka tot hnyi hnyimakök?

Jeremia 51:11

Khet ju je fana; kât hma ju je bec: Iehova ame otilâ hanon je than Madai; anyin a haba hnen hna ûnykûme ge Babulona, he ka ohia e: anyin a wale hwaban ûnyi ga Iehova, a hwaban umen uma.

Jeremia 51:14

Haba Iehova tuhan sabaoth ame khemanyin gan bi, ka habe, E hnathu oge me he ka ounöngöti u ge at helâ me je wahamon; ke adre me he ka hongot goranyai ûcom.

Jeremia 51:24

Ke oge me he ka bi hwaban kö Babulona, ke tavat hia adre me laba hnyi Kaledaia ta je monu hia waleji adre ânyâ hnyi Ziona hnyi hnyimaköbun, haingö Iehova.

Jeremia 51:25

Wâ bi, bucen lö at ame okongo, e ve inya but möu, haingö Iehova, u at ame okongo hia hmeledrany: ke oge me he ka lau hnyamök hom, me hagutö u ûnyi hnyi hon je kic, me wiö u hnân bucen adre thong.

Jeremia 51:30

Ame ca bevat hnen tavat hwege hnyi Babulona, adre me laba hnyi hnyin je hnabâ: e ba but tang hwegiödra; ödra ûcû me omomo: a thong ut je hnyabadra; ke a mou thö ta je ohmâiny.

Jeremia 51:36

Anyin a wale walang hna ha hnö; Iehova, ka habe, Wâ bi, oge me he ka ivino hobi köu, me bi hwaban hobi köu; ke oge me he ka ohmö anyin köiö, me ohmö anyin hna pupua.

Jeremia 51:44

Ke oge me he ka bi hwaban kö Bel hnyi Babulona, ke oge me he ka hom hmetu ûnyi hnyi hnyimen ûnyi e ame hia but utâ; ke ame ca he ka o kâu je hnyei: eke, ame he ka ta but hna up veto hnyi Babulona.

Jeremia 51:58

Walang hna ha hnö Iehova tuhan sabaoth, ka habe, Adre me he ka thö degecâ je haginy ae lau adre op hnyi Babulona, kʼ adre me he ka thong ge meic je hlinginy homagouleny ae gorany; ke ame he tavat ka huliwa hnân ûnyi baû, me je hnyei hnân meic; ke adre me he ka sënyin.

Jeremia 51:6

Kec ut ûnyi hnyi Babulona, ke ve omeli öbun dö; ca he öbun ka hnyi mok hnyi anyin bi hulo: anyin a ûen dut ang bi hwaban ga Iehova; e ame he ka ham kâu hwaban.

Jeremia 51:64

ke u me he ka ha, ka habe, Ame he Babulona ka dit helâe, ke ame ca he bi ka höhöi can okongon oge me he ka oâ kâu: ke adre me he ka sënyin. A um dö je hofuc ho Jeremia.

Je tenge anyi Jeremi 5:6

Ohmun e hia but ham hnyam me nom ka at Aigupito, Me at Asuria, me me hnyi sekuhmun.

Ezekiela 17:18

Anyin a e ame hia but hûkotiâ hna khemanyin hnyi hnen hna thamuâ ûhihinyköu; ke wâ bi, e ame hia but ham hnyamen, me ânyâ ta je ûnyi eling hia; e ame ca he ka kec möt.

Ezekiela 21:22

E hnyi hnyamen a metân he ka bi khong ge Jerusalema, he ka ip je ûnyi vat hnân thö, he ka bi hwanumen hnân ûhlingö, he ka ohwegiâ hwakuku, he ka ip je ûnyi vat hnân thö hnyi je homagöule, he ka okhibö kânâ, me ok je tap tue.

Nahuma 1:2

Haba Iehova, me e Khong ame ciâ ke bi hwaban: Iehova ame bi hwaban, ke tren hmonyin; Iehova ame bi hwaban ka je iwahnaihmiony më, ke e ame ip hmonyin hobi kâu je iwahnaihmiony më.

Mataio 7:2

Anyin a haba tulutiny hnobun hna ûnykûme hwalö, adre me he ka ûnykûme hwali öbun bi: helâe minya adre me he ka tulut köbun hoton hnobun hna tuluto.

Luka 21:22

Anyin a ûen bi hwaban eling, me me hwâdâ ta je ûnyi hia adre me sihnalimen.

Roma 12:19

Je oûnykûmik lö, ca he öbun ka bi hwaban monu, ke nom ju ka at ae tren hmonyin: anyin adre hia but sihnalimen, ka habe, Haingen Than ame ha, Hamök he ka bi hwaban monu, oge me he bi nya ka bi hwaban.

Roma 3:5

Ke a ne hnân omanenâ hwakecin Khong ae wisa hnen hwakecita ae ca wisa bi, ieû ate me he ka ha? Hawa, e ca wisa hwakecin Khong, at ame bi hwaban ge hmonyin? (Inya oge me fuc helâ me at.)

Deuteronomi 32:35

Hamök he ka ip hwaban monu, me bi hwaban, Hnyi ûen ame he ka haû je cadra: Anyin ae hakekeny jut bonginy anyidra vec, Kʼ ame he ka logot ta je ûnyi ame he ka o ködra.

Deuteronomi 32:41

Ke oge ne khet anyik hele vat ae hadrongöc, Me hom hna owisa ge hnyamok; Awe, oge me he ka ip hna okongoâ ka; je iwahnaihmiony mönya, Me bi hwaban tavat adre me hûkötiö nya.

Deuteronomi 32:43

Ta je hnyei lö, tha senyin me lakeiny: Anyin a e ame he ka bi hwaban dren lathnyabainy, Me ip hna okongoâ ka je iwahnaihmiony mē, Me ohia hwaban hulöiny iny hnyei, hobi kâu lakeiny.

II. Thesalonika. 1:8

hnyi meic ame ubâhlâ, he ka bi hwaban ka tavat ae ca khanʼ ödra Khong, me ka tavat adre me ca long hoton ûthumetu ae so anyin Tuhöta Iesu Keriso:

Iakobo 2:13

Anyin a haba at ame ca betenge, me adre me ca he bi ka betenge gan hnyi hna ûhnei: anyin ame hobeluâ ibetengiö hnyi ûhnei.

Josua 6:20

Ke ame kuku tavat, me adre tûâ je trutru: ke ame long hnen tavat ifucin trutru, me ame kuku hwege tavat goranyai, me ame ū but hna up veto, me ame ve ölö thö tavat ka hnyi taun cici ödrin, me ödrin e hûgûnâ taun.

Josua 6:5

Ke e ka beû but hna tûâ trutruiny jubeli, ke öbun ka long ut ifuciny trutru me ame he tavat ka kuku hwege: me ame he ka ū but haginy taun adre up veten, me me ve ölö thö tavat hia thithö hnyi hnyimaködra.

Hna Omanenâ 16:6

anyin a adre me hingâlâ dra dren wakap me ta je perofeta, ke u je habelidra ge dra: ae ûcû kodra.

Hna Omanenâ 18:6

Bi hwaban ju kâu helâ me hnen hna ham, ke olo ju bi hwaban kâu hoton anyin huliwa: ke olo ju ûhaniken kâu hnyi utkaia e ame ûhaniken.

Hna Omanenâ 19:2

anyin ae hnathu me wisa hnen hna bi hwaban; anyin a hia but bi hwaban ka momo hnyi gethen ae nua, at ame okongoâ hmeledrany ge anyin bi ûnyi monu, ke a hia but bi hwaban kâu can dren lathnyabainy.

I. Samuela 15:33

Ke Samuela ame ha, ka habe, Hnen ânyâm hele vat hna öba nokon je momo, helâe adre me he ka öba nokon hinyâm unyin je momo. Ke Samuela ame susubö Agaga hnyi hnyimakö Iehova hnyi Gilegala.