Jeremia 50:11 - Iaai Bible 1901 (New Caledonia)

¹¹ Anyin a öbun e senyin me hobâ, tavat adre me soh ik, anyin a öbun e ututut helâ me nak kau at ame utö wan hwit, me kuku helâ me je hors ae hwege;

Jeremia 50:11 ပူးပေါင်းရင်းမြစ်များ

Salamo 22:12

E se hia je bolok adre me igigili nya: Kʼ ame tot igigili nya ta je bolokiny Basana hnyat ae hwege.

Ta je Vejec 17:5

Haba at ame hiâ at ae theduoc, me ame haikongoâ At a Op e: Kʼ ame ca he bi ka ba hwaban ka at ame senyinâ ûokonguny.

Isaia 47:6

Oge me hmönyik ka lakeik, oge me okongoâ ik hnyei me hnʼ ödra ka hnyi hnyamâm: e ba hmonyin betenge u je ânyâ kodra; u je ti ohmâkâ ânyâm hna ûhûkâlâköuâ hon wahingat.

Isaia 47:8

Ke walang ang, long ju ang, u at ame labö hnu hoton je senyin, at ame laba khötkic, at ame ha eû hnyi hnyekon, ka habe, Inya thibi, ke ba ju ke at; oge me ca he ka laba helâ me safac, ke haba khaca oge me ca he ka wâ ba nokon:

Jeremia 12:14

Walang hna ha hnö Iehova ge tavat hia ae kong adre me laba hakekenyi nya, tavat adre me kâlâ hnyei waleji oge ham ka lakeik a Isaraela, haingen, ka habe, Wâ bi, oge me he ka uk ödra ûnyi hnyi idra hnyei, me oc lap anyi Juda ûnyi hnyi wanbödra.

Jeremia 46:20

Aigupito kau ae mec unyin; ke ame o but okongon ûheny hnyi hwadro, a o thö e.

Jeremia 46:21

Haba je aten adre me hok hwaban hnyi wanben e, ödra helâ me je nokon kau adre me tuö hnyi uma; anyin adre me hwio minya me tha kec, adre me ca tot hmâ bi: anyin ame o but kodra bong bongudra vec, ûen he ka senʼ ödra.

Jeremia 5:28

Ödra pipikhenya me habubut; eke, adre me beönua hnyi hulö: adre me ca ivinö, wale ivino hobi kâu at a mokcu kamen, mʼ adre me he ka sot; ke adre me ca owisa ge wisainy at ae theduoc.

Jeremia 5:8

Haba hnyi je hnyomakatu ödra ûcû me je hors adre me han so: adre me ve kuku ka ta je laâiân ke at.

Jeremia 50:17

Isaraela mamoe adre oveseâ; ame alen e hnen je liona: a bân than Asuria ka an e; ke a biliny Nebukaneza eang than Babulona ame thö je jeien.

Jeremia 50:27

Hlingâ but haleny je bolok hia; e so adre me he ka hnyi hna hlingâ: ekölö gadra! anyin ame o but bongudra bong, ûen senâ e.

Je tenge anyi Jeremi 1:21

Adre long ut a inya oge mâng; ke ba at ame otubweli nya; A long ut je iwahnaihmiony mönya hia hna okongu nya; adre me senyin a u je hia but ânyâ: U me he ka oâ bong waleji u je thu, mʼ adre me he ka ûcû mönya.

Ezekiela 35:15

Helâji me hnâm hna senyin anyin ae ba wan lap anyi Isaraela, helâe oge me he ka ânyâ köu: bucen Seira lö, ke Edoma hia, u me he ka ba wan, wale hia thibut: mʼ adre me he ka wâ a inya Iehova.

Ezekiela 36:5

anyin a wale, walang hna ha hnen Than Iehova, ka habe, Haba hnyi meiciny anyik ciâ oge hia but ha ka je kolon je hnyei, me ka Edoma hia, waleji adre hom ik hnyei me me idra a hnyi senyin hnyok ae bekhot, me hnyi hûkhötiâ hnen oûnykûm, he ka hna degecâ e hnân söh:

Hosea 10:11

Eferaima kau ae khenen, at ame beututo hwit; ke oge hia but hanyâûâ nyin ae hmanenang: oge me he ka ip at ka hije hu Eferaima; kʼ ame he Juda ka wia kânâ, kʼ ame he Jekob ka trohnenâ kânân kânâ.

Amosa 4:1

LONG ju hofuc ang öbun je kau hnyi Basana, a öbun hnyi je bucen Samaria, a hnyat öbun e ovecâ tavat ae theduoc, me okongoâ tavat ae vec, a hnyat öbun e ha ka latuhöbun, ka habe, Hom but jem me habelihmun.

Obadia 1:12

Ca he ju ka wâ hnyi bonginy kem, hnyi bonginy vec a e, ke ca hobâ lakon Juda hnyi bonginy bâ; ke ca fuc bi gan hnyi bonginy hloûhloû.

Habakuka 1:15

E ame kap goranyai ödra hia ge wage, kʼ ame ohnoki ödra hnyi ûten ert, kʼ ame hum ödra hnyi ûten ert hlihli: anyin a wale e ame senyin me hobâ.

Zakaria 14:12

Ke walang mok ae cap ame he Iehova ka kunâ ka tavat hia waleji adre me vat me Jerusalema: ame he ka aû tot je unyidra ödra ka he bi, ke ame he ka aû tot je emaködra hnyi je hnen, ke ame he ka aû tot je bohmödra hnyi je hnyimödra.

Deuteronomi 32:15

Ke haba Jesuruna ame pipikhenya bi, kʼ ame nyikâ can: U pipikhenya but, me gan unyâm, me habubut: Waleling me me degec Khong at a op e, Me oûnyibâûâ Kic at a omelö e.