Jeremia 5:7 - Iaai Bible 1901 (New Caledonia)

⁷ Oge me he ka kâmâu he ka hnö u? haba je lakom adre hia but hna degeci nya, adre me khemanyin ge tavat a ca je khong bi: hnyi ûen oge me ha öʼdra sekuni ödra, adre me bi ûnyi monu, me ûkhacaköuâ je deö at hnyi je uma umen momo hnyi gethen.

Jeremia 5:7 ပူးပေါင်းရင်းမြစ်များ

II. Man Ûlabainy Je Than. 13:9

Hawa öbun e ca hia but obâ tavat bihut kö Iehova, je mâtrâni Arona, me at Levi, me otilâ tavat bihut hobi köbun hoton hwakecin aten ke je hnyei? me me a ne he ke at ka tha e me nak bolok me seven ta je mamoe baga hnân okabâ e bi, me e ame he ka at bihut ka at a ca khong bi.

Jobu 31:12

Anyin a e bi meic ame han ke ne o but Hnaûhango, Me ame he ka oc degecâ hia hanen ik.

Salamo 50:18

U je wâ at ae venöu, me u je tha hnyok mê, Ke u je hia but hom jekhom unyin tavat bi ûnyi monu.

Jeremia 12:16

Ke ödra ka he ka ti nâ je gethen deny lakeik, me khemanyin hnyi iök, ka habe, Kia inya Iehova; helâji me hnödra hna nâ lakeik he ka khemanyin ga Baala; awe, adre me he ka up ödra goranyai wanben ik hnyei.

Jeremia 13:27

Oge hia but wâ hwakecâm ae ikiki, wale hnâm je hna bi ûnyi monu, me hwâm hwakuku helâ me hors, me ûganiny hnâm hna bi ûnyi monu hon je dok ae hut hnyi ta hnyei. Ekölö gam Jerusalema! u me ca he ka bo so; ke ne o but kehö?

Jeremia 16:11

me u me he bi ka ha kodra, ka habe, Can lakamöbun ödrin e hna degeci nya, haingö Iehova, me hnu hoton je khong, me bi athnyaba ködrin, me khudrung ködrin, ke adre me hna degeci nya bi, me ca tuö bi anyik hnanyibu;

Jeremia 16:20

Hawa, ame he ke at ka ânyâ je khong hobi kâu, ke ca je khong bi thö?

Jeremia 2:11

Hawa, e hu hnyei ame wia je khongon, ke ca je khong bi? ke so bi, a hia but lakeik wia anyidra hmanenang, mʼ adre me hom bi ûnyi ae ba troban.

Jeremia 2:31

Do lö, wâ ju hofuc ho Iehova. Hawa, oge hia but helâ me hnyebuba ka at Isaraela? ame ne hnyei ae khömet? anyin a ieû ame ha lakeik, ka habe, Ohmun e monu, ohmun e ca he hmetu köu?

Jeremia 23:10

Anyin a unöngötö hnyei ge tavat bi ûnyi monu; anyin ame tenge hnyei can hna hângâ: e atgec dö je dok a je sajilat hnyi hnyebuba: ke kong dedra je gethen, ke ca wisa tang hwegiödra.

Jeremia 3:19

Ke oge me ba, ka habe, Oge me he ka kâmâu ka ip u unyin je lakon, me ham köu hnyei ae so, a jekhom ae so unyin je döiny ta je hnyei? ke oge me ha, ka habe, Öbun e he ka hao nya, ka habe, Cica; me ca he ka hwio hmetu gak.

Jeremia 3:8

Ke oge me wâ but, anyin a hnyi hna bi ûnyi monu hnö Isaraela, at ame labö kolu, me oge me degec e, me ham kâu tusiny thang hna faipoipo, ke so bi, ame ca ot bi Juda at iyawo a liamekeiny më; ke e ame he minya bi, me bi ûnyi monu.

Jeremia 7:9

Hawa, öbun e he ka venöu, me ûhlingö, me bi ûnyi monu me khemanyin thoi, me leû utö ae bo so kö Baala, me hnu hoton ke je khong, wale ae ca khanʼ öbun,

Jeremia 9:1

E NA köiö ju bok, ge pupuainy deköien li emakök, me inye he ka tenge hnyi lany me lit can tavat adre me hlingâ aten hluiny ik hnyei!

Jeremia 9:2

E na hu ju gak hnyi hnyebuba omtabaga wale hna menâ hnen tavat adre me he, me inye he bi ka hna lakeik, me he digic ödra! anyin a ödra hia thithö tavat bi ûnyi monu ûkhacaköu anyin tavat iyawo.

Je tenge anyi Jeremi 3:42

Ohmun e hia but hanyâûâ me thu musi; ke u je ca hna.

Ezekiela 22:11

Kʼ ame hia but ânyâ ke at ûnyi ae ikiki me âiân ke at; kʼ ame hia but ke at bi ûnyi monu me ûngon; kʼ ame hia but ke at unyâm okongoâ haniny a nokon kamen.

Hosea 11:8

Eferaima lö, oge me he ka kâmâu ka hna degeci u? Isaraela lö, oge me he ka kâmâu ka hnö u? oge ma kâmâu ka wiö u helâ me Adema? me ip u helâ me Zeboim? kʼ ame hwio oûnykûmik eû hnyi hnyekuk, kʼ ame tha kû gan hmâ thö anyik je tang betenge.

Hosea 13:6

Adre me ka sekudra hoton ö ʼdra jeû; e sekudra thö me ame bi gan je hnyekudra: anyin a wale adre me hnying nya.

Hosea 4:2

Adre me khemanyin thibi, me thoi, me hlingâ at, me venöu, me bi ûnyi monu: kʼ adre me utut, me dra ame kâlâ dra bi.

Hosea 7:4

Ödra tavat bi ûnyi monu hia; ödra helâ me wahnainyâ ame khutâ at ame inyâ; e ame ca ânyâwia hmetu meic hwân hnyi hna up falawa ke ne o but ame khibi thö.

Levitiko 20:10

Haba at ame bi ûnyi monu me âiân ke at, me adre me he ka tha hlingâ baga me momo, a li at bi ûnyi monu.

Amosa 8:14

Tavat adre me khemanyinâ hulöiny Samaria me ha, ka habe, Dana lö, kia inya Khongom; ke kia inya gethen ûheny Bere-seba; ke adre me he ka ta, ke adre me ca he hmetu bi ka tot.

Zefania 1:5

ke tavat adre me hic hon ban je uma ka ta je ûnyi hnyi drany, ke tavat adre me khemanyin ko Iehova, kʼ adre me khemanyin ge anyidrin than;

Malaki 3:5

Ke oge me he ka hakekeny köbun he ka owisa; ke oge me he ka ie omanenâ at ae tren khong, me tavat bi ûnyi monu, me tavat khemanyin thoi; me tavat ovecâ at ame huliwa ge hwaban e, me safac, me nakahme, me tavat ohavâ wisa ka atkanyua, me ca outö nya, haingö Iehova tuhan sabaoth.

I. Korinito 6:9

Ke ca khanʼ öbun a haba tavat ae ca wisa hwakecidra, me adre me ca he ka hnyi hanen dokhu dokhon Khong? Ca omonu öbun bi: haba tavat adre me bi ûnyi monu, me tavat adre me hmi ka hnatheat, ʼme tavat adre me venöu âiân ke at, me tavat wagelue, me tavat adre me hwen sodoma,

I. Korinito 8:4

Haba ge hna an ta je ûnyi adre hudo ka ta je hnatheat, e khanʼ öta ae ûnyi baû eang hmeledrany hnatheat, ke ba minya ju ke Khong, ke khaca thibi.

Galatia 4:8

Ke haba ehac, waleji ae tiga ca khanʼ öbun Khong, me adre me hwenbʼ öbun hnen ta je ûnyi a ca je hing khong:

Deuteronomi 32:15

Ke haba Jesuruna ame pipikhenya bi, kʼ ame nyikâ can: U pipikhenya but, me gan unyâm, me habubut: Waleling me me degec Khong at a op e, Me oûnyibâûâ Kic at a omelö e.

Deuteronomi 32:21

Adre hia but okûâ anyik ciâ can ûnyi a ca Khong bi; Adre hia but ohmönyini nya ge anyidra ta je ûnyi baû: Me oge me he ka okûâ anyidra ciâ ge je hnyat a ca hnyei bi; Oge me he ka ohmönyini ödra ge hnyei ae monu.

Heberu 13:4

E so e he tavat hia he ka oûnyihnathoâ hna faipoipo, me hna mokut ae ba hnyikongon: anyin ame he Khong ka ohnaûhangʼ ödra adre me bi ûnyi monu, me tavat adre me venöu âiân ke at.

Iakobo 4:4

Öbun tavat bi ûnyi monu, hana, e ca khanʼ öbun a iwahnaihmiony me Khong he ka hanen hmeledrany? Anyin a wale haba at ame behe ka hanen hmeledrany me wale iwahnaihmiony me Khong.

Josua 23:7

mʼ öbun e ca he bi ka laba unyin je hnyei eling, wale je kolon unyibun, me ca ha ien anyidrin je khong, me khemanyinâ, me huliwa ködrin, me khudrung ködrin: