Jeremia 5:6 - Iaai Bible 1901 (New Caledonia)

⁶ Anyin a wale ame he liona ûnyi hnyi hnyot ka hlingʼ ödra, ame he lukoiny sahac ka sei ödra, ame he lepad ka tuö anyidra je taun, ame he ka oloû usukiʼ ödra tavat adre me didrut ûnyi hnyi hnyin: anyin a ödra ibi ose ûkhin fuc, ke ödra ose hia kolu.

Jeremia 5:6 ပူးပေါင်းရင်းမြစ်များ

II. Man Ûlabainy Je Than. 36:14

Khaca haba ta je taben tavat bihut hia, me tavat, ödrin e ânyâ hwegiâ monu, hoton hwakecin ae ikiki anyin je wanaithila; me ödrin e oikikiâ uma umö Iehova waleji e ame hia but okabâ hnyi Jerusalema.

Ezera 10:10

Haba Ezera at bihut ame todrö me ha ködrin ka habe, Öbun e hia but monu, me hok momo kanyua, he ka bi hanen ka hulo anyin Isaraela.

Ezera 9:6

me oge me ha, ka habe, Khonguk lö, iny hmehma but me hmak he ka hngele hnyidranyai köu Khonguk: anyin ae gan hmâ hnyikonguhmun hnyi hon je hohmun, ke gan hmâ anyihmun hulo ke ne o but hnyi drany.

Jobu 10:16

A ne hamen bök he ka ogöranyâ e bi, u je hnu nya helâ me liona: Ke u me he ka ânyâ hmetu könya je ûnyi hnân lâiâ.

Salamo 104:20

U je ânyâ menekholom me ame hnyinghet ut; Wale ûen ame ibi hwân je menoiny hnyot he ka ngenu.

Salamo 80:13

Ame oloû usukia e hnen buakainy hnyot, Me an e hnen menoiny hnyot.

Isaia 1:23

Tavat ûkhin fuc je tuhâm, ke lahanen tavat venöu; ödra hia thithö adre me hnyok ta je bwihlany, ka hnu hoton je hwaban: adre me ca owisa hobi kâu at a mokcu kamen, ke adre me ca oâ kodra hna ivino hobi kâu safac.

Isaia 59:12

Anyin ae se hia hnöhmun je hna hanyâûâ hnyi hnyimâkâm, ke ame hai öhmun anyihmun je hulo: anyin a e bi unyihmun hnöhmun je hna hanyâûâ, ke e khanʼ öhmun dut anyihmun ta je monu:

Jeremia 14:7

Iehova jö, eja ke ne a ne hwâdâ kö hmun anyihmun ta je hulo, ânyâ bi thö u can iâm; anyin a ohmun e osehia but kolu: ohmun e hia but ânyâ hulo köu.

Jeremia 2:15

Ame hia but kuku je nak liona, me fuc hwege goranyai: ke adre hia but öba wan iny hnyei; adre me thong anyin je taun, me ba at ame labā e.

Jeremia 2:17

Hawa, u je ca ânyâ hobi köu bi, hnyi hnâm hna digic Iehova a Khongom, waleji hnyi ûen e ame su u eû hnyi gethen?

Jeremia 2:19

Ame he ka thao u hnen bi ânyâm hulo, ke ame he ka û u hnen bi hnâm je hna kolu: anyin a wale khanö u thö me wâ ûnyi ae hiny me kong, wale ge hnâm hna digic Iehova a Khongom, ke u je outö nya, haingen Than Iehova tuhan sabaoth.

Jeremia 2:31

Do lö, wâ ju hofuc ho Iehova. Hawa, oge hia but helâ me hnyebuba ka at Isaraela? ame ne hnyei ae khömet? anyin a ieû ame ha lakeik, ka habe, Ohmun e monu, ohmun e ca he hmetu köu?

Jeremia 25:38

A hia but hna degecâ umen uma helâ me liona: anyin adre hia but wia idra hnyei me hnân lâiâ hnen hwegien at ûöveci, me hnen anyin hmonyin ae hwege.

Jeremia 30:14

A hnying u but hnen je lawaem hia; adre me ca elom u: anyin oge kuc u helâ me hna kot hnen iwahnaihmiony, me hna kot hnen at ame beovecâ: can ûganiny hwakecâm ae kong, anyin ae se hia ânyâm ta je hulo.

Jeremia 30:15

Ieû gam u me tenge can hna kuc u? e ca hnân e eny ânyâm vec: oge ânyâ e köu can ae se hia je hwakecâm ae kong, ke ti se hia ânyâm je hulo.

Jeremia 30:24

Ame ca he hmonyin ae hwege anyi Iehova ka hmetu, ke ne o but e ame hia but mâdrâ, me ohwâdâ je ûnykûmenen hnyekon; öbun e he ka wâhmakhmetoâ hnyi je bong a biliny.

Jeremia 4:7

Ame he but liona ûheny hnyi umen ūhnyot, at ame okongoâ je hnyei; e ame he hnyi deny gethen, e ame he ûheny hnyi hnen; he ka obâ aten em hnyei, me öba wan ânyâm je taun, me ba but aten.

Jeremia 49:19

Wâ bi, e ame he ka ölö helâ me liona ûnyi hnyi hmanenanginy Joridano ka hnyi taun ae hwege, ke oge me he ka ie okecâ e ûheny e; ke haba at adre me ûca, oge me he ka otilâ e hon: anyin a ie at ae ûcû mönya? ke ie at ame he ka thu ûen könya? ke ie at tuö mamoe ame he ka tot hnyi hnyimakök?

Jeremia 8:5

Anyin a ieû ame hmetuhmetu tavat ang wale Jerusalema ke ame labö kolu balua? adre me kât hmâ thoi ödra, höcö he ka hmetu.

Jeremia 8:7

Eke, e khana but kasidainy drany ûen e: ke a wâhmakhmeto but meköta, me wahalep, me aguru, ûen adre me oʼ hnyin; ke ca khana bi lakeik hna otilâ hnö Iehova.

Je tenge anyi Jeremi 1:5

E beönua tavat adre me okongoâ e, kʼ ame sot bi je iwahnaihmiony më; Anyin a Iehova ame hia but ovecâ e, can hnen je hna hanyâûâ ae se hia: Adre me hom bâ lakon ae ûhnyûkong hnyi hnyimakan je iwahnaihmiöny.

Ezekiela 16:25

U je hia but op ânyâm je dok ae gorany, hnyi je hna saû hia, me oikikiâ ânyâm hmanenang, ke u je öûsakâûöâ li hnyeûcam ka tavat adre me gethen unyâm, me osehia hnâm hna bi ûnyi monu.

Ezekiela 22:27

Haba je taben hnyi wanben e, me helâ me je luko adre me oloû kia je hanidra; he ka hingâlâ dra, me ohia at, mʼ adre me hu omjeû a deny ta je ûnyi ae ca ûcû.

Ezekiela 23:19

Ke e ame osehia hnen hna bi ûnyi monu, ame ûnykûme je bonginy anyin hlu, waleji e ame bi ûnyi monu hnyi hnyei Aigupito.

Daniela 7:4

Haba at a bân, me helâ me liona, ke hu li labenyin aeto gan: inya oge me wâ ke ne o but adre hia thö hnimö li labenyin, ke adre kap e goranyai ûnyi hnyi kânâ, me otilâ e ge li can helâ me at, ke adre me ham kâu hnyekon at.

Daniela 7:6

Hwaban e, inya oge me wâ, ke wâ bi ke meno helâ me lepad, ke e hu hnyi hoton vak ta labenyin meno ame gâ; ke vak ta ban meno eling; ke adre ham kâu he ka musi.

Hosea 5:14

Anyin a oge me he ka helâ me liona ka Eferaima, ke helâ me nak liona ka lap anyi Juda: haba inya me oge me he ka oloû kia me he but; oge me he ka hom, ke ba at ame he ka hûgûnâ.

Habakuka 1:8

E logot minya haledra je hors hon je lepad, ke hwege hnyimak hon je luko hnyi sahac; tavat tabö hors unyidra adre me ave ehe thibut: eke, anyidra tavat tabö hors ûhedra sâkâû; adre me gâ helâ me aeto at ame logot ka an haniny.

Zefania 3:3

Haba anyin je taben unyin, me helâ me je liona ame kuku; anyin bi tavat owisa, me helâ me je luko adre o hnyi sahac; adre me ca hna kolon bi hobi kâu nyi.

Numera 32:14

Ke wâ bi, öbun e o biju hwaban lakamöbun, a hanen tavat ae kong, he ka ogânâ hmönyin ae gan anyi Iehova kö Isaraela.

Hna Omanenâ 13:2

Ke haba meno oge me wâ, me helâ me lepad, ke haba je can me helâ me je can bea, ke haba hnyimen me helâ me hnyimen liona: ke drakona ame ham kâu maniny man, me anyin theron, me musi ae gan.