Jeremia 5:5 - Iaai Bible 1901 (New Caledonia)

⁵ oge me he ka he ka tavat ae ûnyi hnathu, me fuc kodra; anyin ae khanʼ ödra gethen de Iehova, me hna owisa hnen Khongudrin. Ke haba tavat ang adre hia but tha thamuâ hnaûhûkâlâköuâ, me thu je wen.

Jeremia 5:5 ပူးပေါင်းရင်းမြစ်များ

II. Man Ûlabainy Je Than. 36:14

Khaca haba ta je taben tavat bihut hia, me tavat, ödrin e ânyâ hwegiâ monu, hoton hwakecin ae ikiki anyin je wanaithila; me ödrin e oikikiâ uma umö Iehova waleji e ame hia but okabâ hnyi Jerusalema.

Esodo 32:25

Ke a wâ but Mose a ga monumonu but tavat; anyin Arona ame omonu odra me me he ka hlumʼ odra hnen je iwahnaihmiöny mʼ ödra:

Isaia 1:23

Tavat ûkhin fuc je tuhâm, ke lahanen tavat venöu; ödra hia thithö adre me hnyok ta je bwihlany, ka hnu hoton je hwaban: adre me ca owisa hobi kâu at a mokcu kamen, ke adre me ca oâ kodra hna ivino hobi kâu safac.

Jeremia 2:20

Anyin a hwân ehac oge hia but thu degecâ ânyâm hna ûhûkâlâköuâ, me thamuâ hna cö u; ke haingâm, ka habe, Oge me ca he ka bi athnyaba; anyin a u me mokut hon je bucen hia ae beû, ke hmelen je ûö hia ae hât, he ka bi ûnyi monu.

Jeremia 2:31

Do lö, wâ ju hofuc ho Iehova. Hawa, oge hia but helâ me hnyebuba ka at Isaraela? ame ne hnyei ae khömet? anyin a ieû ame ha lakeik, ka habe, Ohmun e monu, ohmun e ca he hmetu köu?

Jeremia 30:14

A hnying u but hnen je lawaem hia; adre me ca elom u: anyin oge kuc u helâ me hna kot hnen iwahnaihmiony, me hna kot hnen at ame beovecâ: can ûganiny hwakecâm ae kong, anyin ae se hia ânyâm ta je hulo.

Jeremia 6:13

Anyin a hwân ge tavat ae ûhnyûkong gadra, ke ne o but ge tavat ae gan gadra, ödra hia thithö adre me behnyekudra omjeû; ke hwân ge ta je perofeta ke ne o but ka tavat bihut adre me ânyâ thoi.

Jeremia 8:7

Eke, e khana but kasidainy drany ûen e: ke a wâhmakhmeto but meköta, me wahalep, me aguru, ûen adre me oʼ hnyin; ke ca khana bi lakeik hna otilâ hnö Iehova.

Jeremia 9:3

Ke adre me lau je bohmödra helâ me anyidra je cafana hnân thoi; ke adre me hwege hnyi hnyei ke ca hnân bi hnathu: anyin adre me ogânâ tilâ anyidra hulo, ke ca khanʼ ödra inya haingö Iehova.

Ezekiela 11:2

Ke e ame ha könya, ka habe, Nokon at lö, wale tavat adre me vak hulo, me ûhnenamö iyawi; hnyi taun ang:

Amosa 4:1

LONG ju hofuc ang öbun je kau hnyi Basana, a öbun hnyi je bucen Samaria, a hnyat öbun e ovecâ tavat ae theduoc, me okongoâ tavat ae vec, a hnyat öbun e ha ka latuhöbun, ka habe, Hom but jem me habelihmun.

Amosa 6:1

EKÖLÖ ge tavat adre me laba wia hnyi Ziona, me tavat adre me laba khotkic hnyi je buceniny Samaria, je at hnathu hnyi je hnyei ae beonuâ, wale ame he ködrin lap anyi Isaraela!

Mika 3:11

Ke haba je homakan, me adre me owisa hnân hwaban, kʼ ame ûne tavat bihut ge hwaban, kʼ ame bi kong hnen je perofetainy ge mone: ke so bi hwakecidra he ka labageju kö Iehova, me ha, ka habe, Hawa ca Iehova hnyi wanböta? ke ba ûnyi ae kong ame he ka o köta.

Malaki 2:7

Anyin a hamen li esongodiny at bihut he ka tuö metâ, ke e ûcû he ka elâm hnanyibu hnyi hnyimen: anyin a e ûthumetu anyi Iehova tuhan sabaoth.

Luka 18:24

Ke ame wâ e Iesu, me haingen, ka habe, Huliwa but at ae tren omjeû he ka didro ka hnyi dokhu dokhon Khong!

Luka 19:14

Ke ame hociâ e hnen aten iny hnyei, ke adre me kunâ ûthumetu he ka wadring hoton he ka ha, ka habe, E ca wehmun me me musi ohmun at ang.