Jeremia 5:31 - Iaai Bible 1901 (New Caledonia)

³¹ je perofeta adre me profeta thoi, ke haba tavat bihut me adre me musi ûnyi gadra bi; ke adre me weny helâe hnen lakeik: ke ieû öbun e he ka ânyâ hnyi obiny e?

Jeremia 5:31 ပူးပေါင်းရင်းမြစ်များ

I. Je Than 22:6

Me haba than Isaraela ame ûkhacaköuâ ta je perofeta, helâ me foa haded, me ha ködrin, ka habe, Hawa, oge me he ka he Ramothe-gileada ai he ka vat, oge ma hna ju? Haingödrin, ka habe, He thö anyin a ame he Iehova ka hna e ka hnyi hnyamen than.

Ta je Vejec 17:4

Haba at ae kong, me ame tevehlöng je esongot ae thoi; Kʼ ame long hoton bohmen ae ûokonguny bi hnen at thoi.

Isaia 10:3

Ke ieû öbun e he ka ânyâ hnyi bonginy sene, ke hnyi hnaûhango ame he ka o ûnyi hnyi dok ae sâkâu? öbun e he ka kec kö ia me me hadruʼ öbun? ke öbun e he ka ip ua anyibun hmanenang?

Isaia 20:6

Ke ame he tavat adre laba hnyi hobat köiö ka tha ha hnyi bong eling, ka habe, Wâ bi, wale hnöta hna geju kâu, mʼ ate me kec kâu me me hadruʼ öta mʼ ate me möt ûnyi ge than Asuria: ke haba öta ate ma hawa ka kec?

Isaia 33:14

Ame ot hnyi Ziona tavat ae kong; kʼ ame o but öbubuny ka tavat adre me ca ot bi. Ie at gata ae khana he ka laba hnyi meic ame han? ie at gata ae khana he ka laba hnyi bâhlân meic nyiele balua?

Isaia 43:27

Ame ânyâ hulo hnen kâmâm a bân, ke ame ûkhin fuc mönya ânyâm je ûthumetu.

Isaia 47:7

Ke u je ha, ka habe, Oge me he bala ka than momo; ke u je ca ûnykûme ta je ûnyi eling eû hnyi hnyekom, u je ca ûnykûme ge obiny ta je ûnyi e.

Jeremia 12:4

Ame he hnyei he ka tenge ke ne o but kehö, me meleca je ûöiny hnyot hia ae ometu? can hulo anyin tavat adre me labā e, adre hia but ohia je meno a vak can, me ta je meno ame gâ; anyin a haingodra, ka habe, E ame ca be ka wâ obiny köta.

Jeremia 14:14

Me Iehova ame ha könya, ka habe, Je perofeta adre me perofeta thoi hnyi iök: oge ca kunʼ ödrin, ke oge ca hûna ködrin, ke oge ca fuc ködrin: ödrin e perofeta köbun me omanenâ thoi, me hna bi khong, me ûnyi ae ba onyen, me iyawo eû hnyi je hnyekudrin.

Jeremia 26:7

Ke haba tavat bihut, me je perofeta, me tavat hia adre me ling Jeremia ame ha ta je hofuc eling hnyi uma umö Iehova.

Je tenge anyi Jeremi 1:9

E hnyi obiny anyin ûkhaû anyin ikiki; e ame ca ûnykûme obiny kâu; Anyin a wale hnân lâiâ hna oûhnyûkongoâ e; e ba at ame otubwelâ e: Iehova lö, wâ bi anyik vec; anyin ame bi gan iwahnaihmiöny.

Je tenge anyi Jeremi 2:14

Ânyâm je perofeta adre hia but wâ hobi köu ta je hna omanenâ ae ûnyi baû me monu; Ke adre me ca omanenâ bi hwakecâm ae monu, he ka ohmetu u ûhem hnyi hna bâ: Ke adre hia but wâ hobi köu je hok ae thoi me hnân omono.

Je tenge anyi Jeremi 4:13

Can hulo anyin je perofetainy, me hulo anyin tavat bihut, Hnyat adre hia but hingâlâ dra dren tavat ae wisa hnyi wanben e.

Je tenge anyi Jeremi 4:18

Adre me cet je nyeûcahmun, me ca khanʼ ohmun he ka vheno dehmun je gethen: E hakekeny jut obiny kohmun, a bekhot ut bonguhmun ta je bong, anyin ame o but obiny kohmun.

Ezekiela 13:10

Anyin a wale, ke can minya anyin adre me hia but omono lakeik me ha, ka habe, E hnahic ut; ke ca hnahic bi; ke hnyi ûen ame up veto ke at, wâ bi, adre me botru ge dröu adre ca huliwan:

Ezekiela 13:6

Adre me hia but wâ ûnyi ae ûnyi baû, ke bi khong thoi, me ha, ka habe, Haingö Iehova; ke ame ca kunʼ ödra ga Iehova: ke adre hia but kunâ tavat he ka geju a ga me he ka hwâdâ but hofuc.

Ezekiela 22:14

Hawa, u me he ka hok hnyokâ, kʼ ame he bi li hnyamâm ka hwege hnyi bong oge me he ka mâdrö u hnyin? Inya Iehova at ame ha, me oge me he ka ânyâ.

Hosea 4:9

Kʼ ame he bi ka khaca bongon tavat me at bihut: ke oge me he ka bi hwaban kodra hoton dedra je gethen, me bi hwaban kodra hoton anyidra je huliwa.

Hosea 6:10

Oge hia but wâ hnyi lap anyi Isaraela ûnyi ae ti kong hmonyin; wale bi ûnyi monu anyi Eferaima, ke kong minya but Isaraela.

Hosea 9:5

Ieû öbun e he ka ânyâ hnyi bonginy ûkhacaköu ae ûnyi hnathu, me hnyi bonginy bijeû anyi Iehova?

Mika 2:11

Ame ne he ke at wale ame vheno ang me iyawo ka ha thoi, ka habe, Oge me he ka perofeta köu ge waina me grâg; awe, hamen bi he ka perofeta ka tavat ang.

Mika 2:6

Haingodra ka habe, Ca perofeta thö. Adre me ca he ka perofeta ka hnyat eling; ame ca he ka hia bi ta je hna haikongoâ.

Mika 3:11

Ke haba je homakan, me adre me owisa hnân hwaban, kʼ ame ûne tavat bihut ge hwaban, kʼ ame bi kong hnen je perofetainy ge mone: ke so bi hwakecidra he ka labageju kö Iehova, me ha, ka habe, Hawa ca Iehova hnyi wanböta? ke ba ûnyi ae kong ame he ka o köta.

Zefania 3:4

Tavat hop me iyawö anyin je perofeta: a hia but anyin tavat bihut okongoâ dok ae kap, adre hia but hanyâûâ hnanyibu.

Deuteronomi 32:20

Me e ame ha, ka habe, Oge me he ka ikhâlâ hnyimakök gadra, Oge me he ka wâ ieû obiny ködra: Anyin a ödra me dö ae ûjöng, Je wanakat ae ba labageju.

Deuteronomi 32:29

Ödra na metâ ju, me wâhmakhmeto ûnyi eang, Mʼadre me he ka ûnykûme obiny ködra!