Jeremia 5:26 - Iaai Bible 1901 (New Caledonia)

²⁶ Anyin adre wâ tavat ae kong unyin lakeik: adre me tuö, helâ me ûyâûiny at ame töu hnewe: adre me hwa ofific me me hnok at.

Jeremia 5:26 ပူးပေါင်းရင်းမြစ်များ

Salamo 64:5

Adre me sihwegi ödra bi hnyi ûnyi ae kong; Adre me vak he ka töu hnewe hnyi dok ae iyong; Haingodra, ka habe, Ie at ame he ka wâ?

Ta je Vejec 1:11

Adre me ne ha, ka habe, Öta be, Ate me mokulec at, Ate me he ka tuö at ae ba hnyikongon, ke ba can;

Isaia 32:7

Ke e kong je bihihwakecin anyin at iyawo: e ame elâm je ûokonguny, me me ohia tavat ae ilemuk ge hofuc ae thoi, eja ke ne a ne wisa ifucin at ae ba ta ûnyi.

Isaia 58:1

HONGOT hwege ju, hai goranyai ifucâm helâ me trutru, ke haimemenâ thö ka lakeik hnödra hna hanyâûâ, ke haimemenâ thö ka lap anyi Jekob anyidra ta je hulo.

Jeremia 18:20

Hawa, adre me he ka bi hwaban so ge kong? anyin adre hia but hiny thop, me inye he ka mok. Ûnykûme ju waleji hnök hna tot hnyi hnyimâkâm he ka khöûâ so hobi kodra, me ohavâ ânyâm hmonyin gadra.

Jeremia 18:22

E so adre me long tenge hnyi umödra je uma, hnyi ûen u me he ka ie oâ kodra deo vat; anyin adre hia but hiny thop hnân odili nya, me ikhâlâ je hnewe hnân li cak.

Jeremia 4:22

Anyin ae monu but lakeik, e ca khanö nya hnödra; ödra tavat ae monu, ke ödra tavat adre me ca wâhmakhmeto: ödra metâ he ka ânyâ hulo, ke ca khanʼ ödra bi he ka ânyâ so.

Jeremia 9:8

Fana adre me mekiny ta je bohmödra; e ame fuc iyawo: ke at ame ha ûsoköu ge hnyimen ka ke at, ke e ame ip hnân hobi kâu e eû hnyi hnyekon.

Mika 6:10

Hawa, e bala bi tang omjeû a hwaban hulo eio hnyin uma umen at ae kong, ke efa ae hâhâ a ûnyi ae kong?

Mika 7:2

E hia but at ae so eang hmeledrany, ke ba at ae fofâ unyin tavat: ödra hia adre me mokut he ka mâdrâ dra; adre me ve hnu je lawaedra ge ert.

Luka 5:10

ke helâe minya Iakobo me Ioane, a li laku Zebedaio, li at ödru me tha thut me Simona. Haba Iesu ame ha kö Simona, ka habe, Ca ot; hwân dö ang u me be ka kât tavat.