Jeremia 5:24 - Iaai Bible 1901 (New Caledonia)

²⁴ Ke adre me ca ha eû hnyi je hnyekudra, ka habe, Ate me he walang ang ka outö Iehova Khonguta, at ame ham we, wale a bân, me beliny hnyi ûen e; at ame tuö hobi köta je wikiny menu adre thu.

Jeremia 5:24 ပူးပေါင်းရင်းမြစ်များ

Genese 8:22

Ke ka e bala bi hmeledrany, me ame ca he ka hia ûen tā, me ûen menu, me megic, me kahwa, me honivakeny, me hnyeun, me lany, me lit.

I. Je Than 17:1

KE haba Elia at Tisebi, hanen tavat adre me laba hnyi Gileada, ame ha kö Ahaba, ka habe, Kia inya Iehova, Khongu Isaraela, wale oge me tot hnyi hnyimakan, a ame he ka ba hau, me we hnyi je huna, ke so bi hoton hok hofuc.

Jobu 29:23

Kʼ adre me halubahing nya helâ me we; Kʼ adre me memang helâke adre me halubahingen we a biliny.

Jobu 38:37

E khanö ia he ka aû je ûlâ ge metâ? Ke khanö ia he ka hingâlâ je kaiainy drany,

Jobu 5:10

Wale at ame ham we ka hnyi hmele drany, Me kunâ köiö ka hnyi hon ta je utkânâ:

Salamo 147:8

At ame tube drany ge ta je ûlâ, Me penapena we hobi kâu hmeledrany, Me okûâ önying hon ta je bucen.

Salamo 65:9

U je senâ hmeledrany, me ödiâ e, U je ohosoâ e; A unöngötö ge köiö wagewe anyin Khong: U je penapena hwit hobi kodra, u je penapena bânâ kânâ.

Isaia 64:7

Ke ba at ame hawâ iâm, me ka bwebwelâ e bi me me he ka kot u: anyin a u je hia but ikhâlâ hnyimâkâm gahmun, ke u je oauʼ öhmun hnen je hwakecin ae monu öhmun e ânyâ.

Jeremia 10:13

e ame fuc kʼ ame bwebwelâ ta je köiö ethö hnyi drany, ke ame öliâ hai ûnyi hnyi can hmeledrany; e ame ânyâ hucuce hobi kâu we, me hom ang ûnyi hnyi tang omjehen.

Jeremia 14:22

Hawa, e hu at unyin ta je ûnyi baû anyin ta je wanaithila ae khana he ka bi we? hawa, e khana drany he ka ham we? hawa, ca u bi Iehova Khonguhmun? anyin a wale ohmun e he ka halubahingâm; anyin a u je op ta je ûnyi hia eling.

Jeremia 2:19

Ame he ka thao u hnen bi ânyâm hulo, ke ame he ka û u hnen bi hnâm je hna kolu: anyin a wale khanö u thö me wâ ûnyi ae hiny me kong, wale ge hnâm hna digic Iehova a Khongom, ke u je outö nya, haingen Than Iehova tuhan sabaoth.

Jeremia 3:3

Anyin a wale adre behânâ je uth we, ke ba but we a biliny; ke hu gam bariny momo hnyi gethen, u je ca hmehma bi

Jeremia 5:22

Hawa, öbun e ca outö nya? haingö Iehova: ke öbun e ca be ka öbubuny gak, at ame ip öny hnân hnyigöulen köiö, hoton hnanyibu ae tethmâ, mʼ adre me ca he bi ka hanyâûâ e.

Jeremia 50:5

Adre me he ka hnö ge Ziona me hnyimakodra kâe, me ha, ka habe, Ai öbun, ate me he ka ûkhacaköu unyi Iehova, hnyi ûhihinyköu a nyiele balua, ke ca hnân hnying.

Hosea 3:5

me hwaban e ame he lakon Isaraela ka hmetu me elom Iehova Khongudrin, me Davita a tuhödra; me adre me he ka o me outö Iehova me anyin so hnyi je bong a biliny.

Hosea 6:1

A I öbun, ate me he hmetu kö Iehova; anyin a e ame hia but oloû kia, me e ame he ka ometo; e ame hia but kot, kʼ ame he bi ka lan.

Joela 2:23

Ke senyin dö, öbun je lakon Ziona me hobâ ga Iehova Khongubun; anyin a e ame ham köbun we a bân ae ûcû, ke e ame kunâ köbun we, wale we a bân me we a biliny, hnyi tehi a bân.

Amosa 4:7

Me oge hia but behânâ we köbun, ke adre me he bi ka menu hwaban kun ta tehi: ke oge me ota we hnyi ke taun, kʼ oge me ca ota hnyi ke taun: kʼ ame ta we ka hnyi hon ke ong dok, ke haba dok ame ca ta we ka hnyin me ame melecâ thö.

Zakaria 10:1

SUMATÖ Iehova thö ge we hnyi ûen we a biliny, Iehova at ame mâdrâ je hucuce; me e ame he ka ham we ae gan kodra me me ve hu gadra önyinginy hnyei.

Mataio 5:45

mʼ öbun e he bi ka lakon Kamöbun ethö hnyi drany: anyin a e ame oâ anyin seûno hon tavat ae kong me tavat ae so, kʼ ame kunâ we ka tavat ae wisa me tavat ae ca wisa bi.

Ta je huliwa 14:17

Ke e bala bi anyin hna ohnatho, anyin a e ame mâdrâ so, wale ame ham köbun we ûnyi hnyi drany, me je ûen ae widrany, me osekunâ je hnyekubun ge jeû me senyin.

Deuteronomi 28:12

Ke ame he Iehova ka khong köu tang omjehen ae so, wale drany he ka ota we hnyi ûen bi hnyi kânâm kânâ, ae ohnahicâ huliwa hia anyin li hnyamâm: ke u me he ka me ham omjeû ka ta je hnyei ae se, kʼ u me ca he bi ka me sumâtâ.

Iakobo 5:7

Anyin a wale hnyat me lakeiny lö, hokhnyok ju ke ne o but ame o thö Than. Wâ bi, haba at belok ame halubahingen okoman hna belok ûnyi eû hnyi kânâ, me hokhnyok ke ne o but ame hu we a bân me we a biliny.

Hna Omanenâ 11:6

E unyidru man he ka hlöng drany me me ca he ka ta we hnyi ta je bonginy perofeta a ödru; ke e hu gadru man hon ta je wagewe he ka wia me me dra, me he ka kot hmeledrany ge ta je mok hia helâ me wedru.