Jeremia 5:22 - Iaai Bible 1901 (New Caledonia)

²² Hawa, öbun e ca outö nya? haingö Iehova: ke öbun e ca be ka öbubuny gak, at ame ip öny hnân hnyigöulen köiö, hoton hnanyibu ae tethmâ, mʼ adre me ca he bi ka hanyâûâ e.

Jeremia 5:22 ပူးပေါင်းရင်းမြစ်များ

Genese 1:9

Haba Khong ame ha, ka habe, E so adre me ûkhacaköuâ ta je köiö eû hmelen drany ka hnyi dok a khaca me me manen dut dok ae mada: ke e but e.

I. Je Than 13:28

Me e ame he me wâ komok adre khûâ eû hnyi gethen, me asina me liona ödru me tha tot hakekenyâ komok: haba liona ame ca an komok, kʼ ame ca kia minya asina.

Jobu 26:10

E ame bi hnyigot hon köiö, Ke ne o but hnyigöulen lany me menekholom.

Jobu 37:24

Anyin a wale ame outen e ge tavat: Ke ame ca wâ hmâ tavat adre me hnyokâ wisa.

Jobu 38:8

Ke ia hlöng hwanumen köiö ae gan, Hnyi ûen e ame patrutrua helâke ûheny eû hnyi hnyok;

Salamo 104:9

U je hia but bi hnyigöulen, me me ca he bi ka hanyâûâ; Me he hmetu he ka tube hmeledrany,

Salamo 119:120

Ame öbubuny vik ge hnok hna outö u; Ke iny ot ge hnâm ta je hna owisa.

Salamo 33:7

E ame ûkhacaköuâ köien köiö helâ me dok ae hut: E ame hip je waköiö hnyi je uma omjeû.

Salamo 46:3

Eja ke ne a ne ū me ûkhutukhaûâ je waköien, Me bwebwet je bucen ge ûkhibiny [Sela.

Salamo 99:1

IEHOVA ame musi; e so he ka öbu-buny ta je hnyei: E ame laba hon li kerubi; e so e he hmeledrany ka bwebwet.

Ta je Vejec 8:29

Hnyi ûen e ame bi hnyigöulen köiö Me me ca he je köiö ka hanyâûâ hnen hna hûna: Hnyi ûen e ame bi taben hmeledrany:

Isaia 50:2

Ieû can a e ba at hnyi ûen oge me o hnyin? ke oge me hongot ke ba at âme ieû? Hawa, e okhulit hnyamok me ca khanö nya he ka omelo? ke ba but manik man he ka hûgûnâ? Wâ bi, hnyi hnok hna thawâ oge me omada köiö, me wia je wagewe me me hnyebuba bi: ame bokong ut haledra je wâ anyin ae ba köiö, ke adre mok ut ge beic.

Isaia 64:2

helâ me meic ame vâc je ong utö, me ame citröu köiö ge meic: he ka omanenâ iâm ka ta je iwahnaihmiony möu, me me öbubuny je hnyei hnyi hnyimâkâm!

Isaia 66:5

Long ju öbun hofuc ho Iehova, tavat adre me öbubuny ge hwan hofuc, ka habe, A hia but ha hnen je liamekeiny möbun tavat adre me hûkötiʼ öbun, me digic öbun can iök, ka habe, E so adre oganö Iehova, mʼ öhmun e he ka wâ anyibun senyin; ke adre me he ka hmehma.

Jeremia 10:7

Ie at ame ca he ka outö u, Tuhan ta je hnyei? anyin ae ûcû u: ke haba khaca, me ba ju ke at ae ûcû möu unyin tavat ae metâ hia hnyi ta je hnyei me hnyi ta je dökhudra hia.

Jeremia 2:19

Ame he ka thao u hnen bi ânyâm hulo, ke ame he ka û u hnen bi hnâm je hna kolu: anyin a wale khanö u thö me wâ ûnyi ae hiny me kong, wale ge hnâm hna digic Iehova a Khongom, ke u je outö nya, haingen Than Iehova tuhan sabaoth.

Jeremia 31:35

Walang hna ha hnö Iehova at ame ham seûno hnân lany hnyi selany, me hnanyibuiny tehi me ta je okhû hnân melam hnyi lit, at ame bwebwelâ köiö me me û je waköiöiny; Iehova tuhan sabaoth ien:

Daniela 6:26

Inya oge me otilâ hnanyibu, ka habe, haba hnyi ta je ke keihen hia dökhuk dokhu, me hamen tavat he ka ot me öbubuny hnyi hnyimakan Khongu Daniela: anyin a e Khong ae möt, kʼ ame tethmâ nyiele balua, ke adre me ca he bi ka ohia dokhon dokhu, ke hamen bi he ka musi ke ne o but hnyi obiny:

Amosa 4:12

Anyin a wale, oge me he ka ânyâ helâe köu Isaraela: ke can anyin oge me he ka ânyâ helâe köu, penapena thö he ka iouny me Khongom, Isaraela.

Amosa 9:6

e thibi at ame op je hnyeuleny ethö hnyi drany, kʼ ame bi taben hnyeuleny hnyi hmeledrany: at ame hawâ köien köiö ae gan me hingâlâ ka hnyi hon kânâ, Iehova ien.

Jona 1:16

Haba tavat ödrin e ot gan hmâ ga Iehova, me bi hut kö Iehova, me bi khöbi.

Nahuma 1:4

E ame thawâ köiö me omada e, me ohmö ta je wagewe hia: e sënyin thö Basana me Karemela, e meleca thö vongon hnyi Lebanona.

Mataio 10:28

Ke ca ot bi ge tavat adre me hlingâ unyin, ke ca khanʼ ödra bi he ka hlingâ hanu: ke so he ka outen at ae khana he ka ohnaûhangoâ unyin me hanu hnyi gena.

Mareko 4:39

Me e ame hmak dö me thawâ ang, me ha ka köiö, ka habe, Ca mede, ca bwebwet hmetu. Me ame hia but ang me ta but hau ae gan hmâ.

Luka 12:5

Ke oge me he ka kû köbun at öbun e he ka outen: Outen ju e at ae tren man he ka khûâ hnyi gena, at ka hia but hlingâ; eke, inya oge me ha köbun, outen ju e.

Deuteronomi 28:58

U je ne ca he ka wâ wia he ka ânyâ ta je hofucin hia hnanyibu wale adre sihnalimen hnyi tusi ang, me u me outen ien ae hmânenang me hnân outen, wale Iehova Khongom;

Hna Omanenâ 15:4

Than lö, ie at ame ca he ka ot me ogânâ iâm î anyin a hake u ke thibi at ae kap; anyin ame he ka o ta je hnyei hia thithö he ka khudrung hnyi hnyimâkâm; anyin adre hia but omanenâ ânyâm ta je huliwa ae wisa.