Jeremia 5:21 - Iaai Bible 1901 (New Caledonia)

²¹ Long ju hofuc walang ang tavat ae monu me ba hnyekudra: tavat ae hu li ecmak, kʼ adre me ca wâ bi; e hu li hnyiköny kʼ adre me ca long bi:

Jeremia 5:21 ပူးပေါင်းရင်းမြစ်များ

Salamo 94:8

Ûnykûme ju öbun tavat ae ba hnyekubun unyin tavat: Ke haba öbun tavat ae monu, ie ûen öbun e he ka meta hnyin?

Ta je Vejec 17:16

Hnân eû hwaban hnyi hnaymen at ae monu he ka ûcû metâ, Ke ba hnyekon bi?

Isaia 27:11

Ke e ka meleca ta je vheiny, me adre me he ka thu degecâ; ame he omomo ka he bi, me thong ut ge meic: anyin a e hnyei ame ca wâhmakhmeto; anyin a wale ame ca he ka betenge gadra at ame up ödra, ke haba at ame otilʼ ödra, me ame ca he bi ka ânyâ so ködra.

Isaia 43:8

Hö jem tavat ae wadröu ke hu ecmak, ke tavat ae wejiji ke hu hnyiköny.

Isaia 44:18

E ca khanʼ ödra, ke adre me ca wâ ûnykûme: anyin a e ame omûko je emaködra, mʼ adre me ca bwela bi; me je hnyekudra mʼ adre me ca wâhmakhmeto.

Jeremia 10:8

Ke ödra tavat a hwakecin meno me monu hia: haba hna ûnö hnen je hnatheat wale thibi e a hnyiban utö.

Jeremia 4:22

Anyin ae monu but lakeik, e ca khanö nya hnödra; ödra tavat ae monu, ke ödra tavat adre me ca wâhmakhmeto: ödra metâ he ka ânyâ hulo, ke ca khanʼ ödra bi he ka ânyâ so.

Jeremia 5:20

Ha thö e ka lap anyi Jekob, me haimemenâ hnyi Juda me ha, ka habe,

Jeremia 5:4

Me oge me ha, ka habe, Ame ne ta je theduoc ang: adre me hwen monu; anyin ae ca khanʼ ödra bi gethen de Iehova, me hna owisa hnen Khongudrin:

Jeremia 6:10

Oge me he ka fuc me koû köia, me me löng? wâ bi, adre ca peritomonâ je hnyikönyödra, me me ca khanʼ ödra he ka tevehlöng: wâ bi, adre me wia hofuc ho Iehova me me hnân bi ûhiö; adre me ca senyinâ e.

Jeremia 7:13

Ke walang can hnobun hna ânyâ ta je huliwa hia eling, haingö Iehova, ke oge me he ka fuc! köbun, oge me vesâ hnyi hnyomakatu me fuc, ke öbun e ca long bi öbun; ke oge me hawʼ öbun ke öbun e ca ieû bi:

Jeremia 8:7

Eke, e khana but kasidainy drany ûen e: ke a wâhmakhmeto but meköta, me wahalep, me aguru, ûen adre me oʼ hnyin; ke ca khana bi lakeik hna otilâ hnö Iehova.

Ezekiela 12:2

Nokon at lö, u je laba hnyi wanben lap ae ûkhin fuc, tavat ae hu li ecmak hnân bwele, kʼ adre me ca bwele bi, ke hu li hnyikönyödra hnân long, kʼ adre me ca long bi; anyin a ödra lap ae ûkhin fuc.

Hosea 7:11

Ke e ûcû Eferaima me biny ae ûnyibaû me ba hnyekon: adre me hongot ka Aigupito, me he Asuria ai.

Zakaria 7:11

Ke ödra höcö long, me behânâ bajebenyidra, kʼ adre me hlöng je hnyikönyödra, mʼ adre me ca long bi.

Mareko 4:12

mʼ adre me he ka wâ, a wâ thibi, kʼ adre me ca wâ ûnykûme bi; ke long, a long thibi, ke ca wâhmakhmeto bi; wâ adre nye hwio thö, mʼ adre me he ka thang degecâ but anyidra ta je hulö.

Mareko 8:18

E hu li emaköbun, kʼ öbun e ca wâ bi? ke hu li hnyikönyöbun, kʼ öbun e ca long bi? ke öbun e ca ûnykûme bi?

Ioane 12:40

E ame owadruâ ta je emaködra, ke e ame okhötâ je hnyekudra; Wâ adre nye wâ ge je emaködra, me ûnykûme ge je hnyekudra, Wâ adre nye hmetu, Mʼ iny omeli ödra but.

Ta je huliwa 28:26

He thö ka hnyi hnyei ang me ha, ka habe, Öbun e he bala ka long, kʼ öbun e ca he bala ka wâhmakhmetoâ; Ke öbun e he bala ka wâ, kʼ öbun e ca he bala ka wâ ûnykûme:

Roma 1:20

Anyin a haba anyin ta je ûnyi ae iyong, hwân hnyi hna op hmeledrany, me, himanen hmonyin dut, adre me wâhmakhmetoâ hnen ta je ûüyi a op, wale maniny man ae ca ba balua, me bongon Khong; wale me me he ka ba hmetu hnân thu gadra:

Roma 11:8

helâ me hna sihnalimen, ka habe, Khong ame ham kodra hnyok ae bemokut, me je ecmak ame ca bwela bi, me je hnyiköny adre me ca long, ke ne o but hnyi bong ang.

Deuteronomi 29:3

a ta je ûcûbic ae gan waleji a wâ je emaköbun, me je haten, me je ûnyi hnân lâiâ gan eling:

Deuteronomi 29:4

ke a ca ham bi köbun Iehova hnyok ae wâhmakhmeto, me li emakan ae bwela, me li hnyikonyen ame löng, ke ne o but hnyi bong ang.

Deuteronomi 32:6

Hawa, öbun e bi hwaban kö Iehova helâe, Hnyei ae monu, ke ba metâ? Hawa, ca kâmâm bi at ame ûcû u? E ame up u, me otilö u.