Jeremia 5:15 - Iaai Bible 1901 (New Caledonia)

¹⁵ Wâ bi, oge me he ka hom tavat ûnyi hnyi dok ae sâkâû köbun, lap anyi Isaraela, haingö Iehova: hnyei ae hwege, hnyei kâû adrem, hnyei ae ca khanö u hwan idra, ke u me ca wâhmakhmetoâ bi ifucidra.

Jeremia 5:15 ပူးပေါင်းရင်းမြစ်များ

Genese 11:7

E so ate me utut me omonumonâ hwen hodra, me me ca khana ke at hofuc hwan ke at.

Salamo 81:5

E ame otilâ e unyi Josefa hnân ohnathoâ, Hnyi ûheny dut hnyi hnyei Aigupito: Waleji hnyi ûen oge me long hwan hnyei ae ca khanö nya.

Isaia 28:11

Ohe, ke e ame he ka ha ka tavat ang a deny tavat adre ha hofuc hwen kanyua, me hwen ke hnyei bi:

Isaia 29:3

Ke oge me he ka hunuma igigili u, ke o ge me he ka theling u ge je lap tue, me otilâ je uma ae hwege cici u.

Isaia 29:6

Ame he Iehova tuhan sabaoth ka senâ e tha e me hwan than, me hwiöi, me hwan ae gan hmâ, me hou, me weneû, me bâhlân meic ame han.

Isaia 33:19

U ma ca he ka wâ tavat ae hwege hnyimödra, a tavat ae iyong ifucidra, u me ca long bi; ke atkanyua bohmödra, u me ca lönghmakhmeto.

Isaia 39:3

Me haba Isaia perofeta ame he kö Hezekia than me ha kâu, ka habe, Ieû hna ha hnen tavat e? ke ûhedrin ua köu î Me Hezekia ame thu ka habe, Ûhedrin hnyi hnyei ae sâkâû ka o könya, wale Babulona.

Isaia 5:26

Ke e ame he ka ogöranyâ boûdila ka hnyi ta je hnyei ae sâkâû, ke e ame he ka hûlûwhajû kodra ûnyi hnyi obiny hmeledrany: ke wâ bi adre me he ka ie o logot:

Isaia 5:7

Anyin a hnyei vine i Iehova tuhan sabaoth lap anyi Isaraela, ke haba tavat Juda haleny uö ae so: ke e ame elâm hna owisa, ke wâ bi hna ovecâ; kʼ ame elâm hwakecin ae wisa, ke wâ bi hwan tenge bi.

Jeremia 1:15

Anyin a wâ bi, inya oge me he ka hawâ ta je lap hia hnyi dokhu ûnyi hnyi hwadro, haingö Iehova: ke adre me he ka he jem, me ve otilâ anyidra je theron hnyi je homagouleny Jerusalema, me cicö hna up haginy hia igigilo, me cicö je tauniny Juda hia.

Jeremia 2:26

Ame hmehma at venöu at ka wâ e, helâe ame he ka hmehma lap anyi Isaraela; walödra e ta je than, me ta je taben, me tavat bihut, me ta je perofeta;

Jeremia 25:9

Wâ bi, oge me be ka kunâ me hom je lap hia hnyi hwadro, haingö Iehova, me Nebukaneza than Babulona athnyabaik, me oi ödra ûcûdrin hnyei ang, me tavat adre me laba hnyin, me ta je hnyei hia igigilo e; ke oge me he ka ti ohiʼ ödra, me wiʼ ödra hnân kuko me jû, me ba wan nyiele balua.

Jeremia 4:16

ha thö ka ta je hnyei: wâ bi, haimemenâ thö ka Jerusalema, a ame he jem tavat tue ûheny hnyi hnyei ae sâkâû, me kuku goranyai ka hnyi je tauniny Juda.

Jeremia 5:11

Anyin a hia but lap anyi Isaraela, me lap anyi Juda ânyâ hwakecin ae iyawo könya, haingö Iehova.

Jeremia 6:22

Walang hna ha hnö Iehova, ka habe, Wâ bi, ame he ka o tavat ûhedra hnyi hnyei hnyi hwadro; ke adre me he ka obwebwelâ ke hnyei ae gan ûnyi hnyi je can hmeledrany.

Jeremia 9:26

at Aigupito, me Juda, me Edoma, me je laku Amona, me Moaba, me tavat hia adre me giâ ke keihen leûnödra, tavat adre me laba hnyi hnyebuba: anyin adre ca peritomonâ je hnyei hia, ke adre ca peritomonâ lap anyi Isaraela hia eû hnyi je hnyekudra.

Ezekiela 18:31

Degec ut gabun anyibun ta je hulo hia waleji öbun e ânyâ; ke ânyâ thö hobi köbun hnyok a teb ûnyi me hanu a teb ûnyi: ke anyin a ieû öbun e he ka mok lap anyi Isaraela?

Daniela 1:4

a je thoth ae ba hnyikongudrin, hnyat ae hmanenang he ka wâ, ke hnyat ae khanʼ ödrin je metâ hia, kʼ ödrin e wâhmakhmeto, ke tremângâ je hna ûne, hnyat ae ûcû he ka tot hnyi uma umen than; me hamen be ka nʼ ödrin ge ûne ke hwen Kaledaia.

Daniela 7:7

Hwaban e, inya oge me wâ hnyi je hna omanenâ hnyi lit, ke wâ bi meno a vakiny adre outen, ke tren man, ke ti hwege; ke e hu je nyon ae gan a fao; e ame oloû me thu omomono, me ututo je kolon ge je can; ke ve e bi me je meno a bân a kun; ke ten je faoiny.

Amosa 6:14

Ke wâ bi, lap anyi Isaraela lö, oge me be bi nya ka otilâ hnyei ûcûbun, haingo Iehova Khongon sabaoth; ke adre me he ka oveci öbun hwân hnyi homagöuliny Hamath ke ne o but ka hnyi wageweiny dok ae tha hon.

Habakuka 3:16

Oge me long, me ame ututut hnyekuk, Ame öbubuny li esongodik ge hwan; E amam but je jeiök, ke oge me öbubuny hnyi hnok: Mʼ oge me he ka menâ hnyi bonginy vec, Hnyi ûen e ame o but ûcon hnyei wale ame o kâu a je deo vat,

I. Korinito 14:21

Adre sihnalimen hnyi hnanyibu, ka habe, Oge me he ka fuc ka hnyei ang deny tavat a hwen ke hnyei bi, me hnen esongodiny je atkanyua; ke so bi, adre me ca he ka ling nya bi, haingen Than.

Deuteronomi 28:33

Haba wan kânâm kânâ, me ânyâm ta je huliwa hia, me ame he hnyei kanyua he ka han hia thibut; kʼ adre me he thibi ka okongu u, me hlic u balua:

Deuteronomi 28:49

Ke ame he Iehova ka oâ köu vat, a hnyei ûnyi hnyi dok ae sâkâû ûheny hnyi can hmeledrany, helâ me ugâiny aeto; hnyei ae ca khanö u he ka löng hwan;