Jeremia 5:12 - Iaai Bible 1901 (New Caledonia)

¹² Adre hia but ivino Iehova, me ha, ka habe, Ca e bi; ke ame ca he ka o köta ûnyi ae kong; ke ate me ca he ka wâ hele vat me hmiâ:

Jeremia 5:12 ပူးပေါင်းရင်းမြစ်များ

II. Man Ûlabainy Je Than. 36:16

Ke so bi ödrin e hluma je uthumetu anyin Khong, me hûkotiâ hwan hofuc, me hiâ anyin je perofeta, ke ne o but ame okûâ hmonyin anyi Iehova ka lakeiny, ke ne o but ae ba ûnyi hnân omelö.

Salamo 10:6

Haingen eû hnyi hnyekon, ka habe, Oge me ca he ka bwebwet: Hnyi je dö hia oge me ca he balua ka vec.

Salamo 14:1

HAINGEN at ae monu eû hnyi hnyekon, ka habe, E ba Khong. Odra bo kong, adre me ânyâ ta je huliwa ae ikiki; E ba at ame mâdrâ so.

Ta je Vejec 30:9

Wâ e nye sekuk dö, me ivino u, me ha, ka habe, Ia Iehova? Ke wâ iny nye theduoc, me venöu, Me ha monoâ ien Khonguk.

Jeremia 14:22

Hawa, e hu at unyin ta je ûnyi baû anyin ta je wanaithila ae khana he ka bi we? hawa, e khana drany he ka ham we? hawa, ca u bi Iehova Khonguhmun? anyin a wale ohmun e he ka halubahingâm; anyin a u je op ta je ûnyi hia eling.

Jeremia 2:6

Ke haba khaca, adre me ca ha ka habe, Ewa Iehova at ame suʼ öta ûnyi hnyei Aigupito; at ame hum öta hnyi hnyebuba, wanben hnyei a hnyei baga me hu je uthankong, hnyi hnyei ae hwahwacit me hmenon mok, hnyi hnyei ame ca vheno hnen at, ke ba at ame labā e?

Jeremia 28:4

ke oge me he ka ohmetu Jekonia nöku Jehoiakima, than Juda ka hnyi dok ang, me ta je bâ hia anyin at Juda, tavat adre me he Babulona ai, haingö Iehova: anyin oge me he ka thamuâ hna ûhûkâlâköuâ anyin than Babulona.

Jeremia 4:10

Me oge me ha, ka habe, E köiö Than Iehova, e hnathu u je ti omono tavat ang me Jerusalema, me ha, ka habe, Öbun e he ka hu ûsoköu; ke hwâdâ but hele vat ka hnyi hnyok.

Jeremia 43:1

KE a um dö Jeremia ha ka tavat hia thithö ta je hofuc ho Iehova Khongudrin, waleji a kunâ më kodra Iehova Khongudrin, wale ta je hofuc hia eling,

Jeremia 5:31

je perofeta adre me profeta thoi, ke haba tavat bihut me adre me musi ûnyi gadra bi; ke adre me weny helâe hnen lakeik: ke ieû öbun e he ka ânyâ hnyi obiny e?

Jeremia 6:14

Ke adre hia but ometo ûhnyûkongoâ je aat hnân lakeik me ha, ka habe, E hnahic ut, e hnahic ut: ke ba bi hnahic.

Ezekiela 13:6

Adre me hia but wâ ûnyi ae ûnyi baû, ke bi khong thoi, me ha, ka habe, Haingö Iehova; ke ame ca kunʼ ödra ga Iehova: ke adre hia but kunâ tavat he ka geju a ga me he ka hwâdâ but hofuc.

Mika 2:11

Ame ne he ke at wale ame vheno ang me iyawo ka ha thoi, ka habe, Oge me he ka perofeta köu ge waina me grâg; awe, hamen bi he ka perofeta ka tavat ang.

Mika 3:11

Ke haba je homakan, me adre me owisa hnân hwaban, kʼ ame ûne tavat bihut ge hwaban, kʼ ame bi kong hnen je perofetainy ge mone: ke so bi hwakecidra he ka labageju kö Iehova, me ha, ka habe, Hawa ca Iehova hnyi wanböta? ke ba ûnyi ae kong ame he ka o köta.

Deuteronomi 29:19

ke e ka löng hofucin ûhangö eang, me e ame he ka hahnahicâ e bi hnyi hnyekon me ha, ka habe, Eja ke ne oge ne vheno weny hnyekuk, he ka bi hnen ûnyi ae kukuba ge ûnyi ae mada, me oge me he ka so but:

I. Ioane 5:10

Haba at ame labageju ka Nokon Khong, me e hu but eû hnyi hnyekon hna ohnatho: haba at ame ca labageju ka Khong, me ame hai thoiâ e; anyin a e ame ca hia but kap hnen Khong hna ohnathoâ Nokon.

I. Samuela 6:9

Ke wâhmakhmeto ju ame ne he ka gethen hnyi hing hnyigöulen, Bethe-semes ai, awe, e ame hia but ânyâ kötin ta je hna okongo eang ae gan: ke ame ne ca helâe, awe, ame he ka khanʼ ota a ga ca kuc otin ge hnyamen; ke ame ka o baû bi kötin.