Jeremia 5:1 - Iaai Bible 1901 (New Caledonia)

¹ WADRINGÂ thö je gethen hnyi Jerusalema, me wâ walang ang, me khana, me elâm hnyi je dok ae nedrong, ame ne he ka wâ at, ame ne hu at ame ânyâ wisa me elâm hnathu; me oge me he ka hna anyin hulo.

Jeremia 5:1 ပူးပေါင်းရင်းမြစ်များ

I. Je Than 19:10

Haingen, ka habe, Inya oge ciâ ga Iehova, Khongon sabaoth; anyin a lakon Isaraela ödrin e hna degecâ ânyâm ûhihinyköu, me hagutâ hnyikânâi ânyâm taben hut, me hlingâ ânyâm je perofeta ge hele vat: ke hake inya thiju kolon; ke ödrin e elâm anyik möt he ka ohia e.

II. Man Ûlabainy Je Than. 16:9

Anyin ame labö ngele mweimwei li emakö Iehova hnyi hmeledrany hia, he ka hadruâ tavat ae bekhot ut je hnyekudrin kâu. U je hwen monu hnyi ûnyi ang; anyin a hwân hnyi ûen ang u me he bala ka labö vat.

Salamo 12:1

IEHOVA lö, omelo thö; anyin ae ba at ae wisa hwakecin; Kʼ ame hia but tavat ae hnathu unyin lakon tavat.

Salamo 14:2

Iehova ame bwele jem ethö hnyi drany ka wâ lakon at, Me me wâ thö, hawa, e hu at ame wâ ûnykûme, A at ame elâm Khong.

Salamo 14:3

Odra hia adre me saû; kʼ adre me tha kong ut; E ba at ame mâdrâ so, e ba hmonyin me khaca.

Salamo 94:16

Ie at ame he ka tot hobi könya ka tavat adre ânyâ hulo? Ie at ame he ka tot hobi könya ka tavat adre me ânyâ ûnyi ae kong?

Ta je Vejec 20:6

E se hia tavat adre me ve ha hwakecidra bi ae betenge: Ke ie at ae khana elâm at ae hnathu?

Ta je Vejec 23:23

Ûco thö hnathu, ke ca ûco degecâ hmetu bi; Eke, metâ, me ûne, me wâ ûnykûme.

Ta je Vejec 8:3

Hnyi je homagöule, hnyi hna dit ka hnyi taun, Ke hnyi hna dit ka hnyi je hwanuma, e ame kuku, ka habe,

Khumöng Hwanyi Solomona. 3:2

Oge me he ka tot walang ang me vheno taun, Hnyi je gethen me je hna cit gethen, Oge me he ka elâm at oge me hnyok kâu: Oge me elâm, ke oge me ca wâ bi.

Isaia 59:4

E ba at ame hawâ hnyi hwakecin ae wisa, ke ba at ame ivino hnyi hnathu: adre me labageju ka ûnyi ae ba onyen, me ha thoi; kʼ adre me erkinâ ûokonguny, me hnokoâ but hulo.

Jeremia 2:29

Geû öbun e ivino mönya? öbun hia öbun e hia but ûkhin fuc mönya, haingö Iehova.

Jeremia 44:15

Me ame thu kö Jeremia hnen ta je baga hia tavat ae khanʼ ödra a haba laöiödra adre me leû utö ae bo so ka ke je khong, me je momo hia adre me ûtitilen, a ûkhacaköu ae gan hmâ, me tavat hia adre me laba hnyi Aigupito, hnyi Patherusi me ha, ka habe,

Jeremia 8:6

Oge me tevehlöng me long, ke adre me ca fuc wisa: e ba at ame ietra anyin hulo me ha, ka habe, Ieû hnok hna ânyâ? ödra hia thithö adre me ve hmetu ka hnyi dedra je gethen, helâ me hors ame ie wadring ka hnyi vat.

Jeremia 9:2

E na hu ju gak hnyi hnyebuba omtabaga wale hna menâ hnen tavat adre me he, me inye he bi ka hna lakeik, me he digic ödra! anyin a ödra hia thithö tavat bi ûnyi monu ûkhacaköu anyin tavat iyawo.

Jeremia 9:7

Anyin a wale walang hna ha hnö Iehova tuhan sabaoth, Wâ bi, oge me be ka oköiʼ ödra, me cubic ödra; anyin a ieû hmetu ke ûnyi oge me he ka ânyâ, can hluiny ik hnyei?

Ezekiela 22:30

Ke oge me elâm gadra at he ka op hagik hak, me tot hnyi hnyi-makök hnyi dok ae khekhe hobi kâu hnyei, mʼ oge me ca he ka ohia e: ke ba bi at oge me wâ.

Ezekiela 9:9

Me e ame ha könya, ka habe, E ti gan hmâ hulo anyin lap Isaraela me Juda, ke ame unöngötö hnyei ge dra, kʼ ame unöngötö taun ge hna ohwalö je hna owisa: anyin a haingodra, ka habe, Iehova ame hia but hna degecâ hmeledrany, ke ame ca wâ bi Iehova.

Daniela 12:4

Ke haba u Daniela lö, ikhâlâ ju je hofuc, me ohmâ ju haten tusi, ke ne o but hnyi ûen obiny: kʼ ame he tavat ae se ka wadring ehele, me ame he metâ ka gan tot.

Joela 2:9

Adre me utut ka hnyi taun; adre me wadring hon hak veto; adre me ölö ka hnyi hnyin je uma; kʼ adre me didro hnyi je mamalama helâ me at venöu.

Amosa 8:12

Ke adre me he ka he monu ûnyi hnyi ke köiö ka, hnyi ke köiö, ke ûhedra hnyi hwadro ke ne o but jimeyö; adre me he ka wadring monu he ka elâm hofuc ho Iehova, ke adre me ca he bi ka wâ.

Zakaria 2:4

me haingen kâu, ka habe, Më wadring dö he ka ha ka hidröu eling, ka habe, Adre me he bi ka labâ Jerusalema helâ me je taun ae ba haginy, anyin ae se hia but tavat me meno hnyi wanben e.

Luka 14:21

Me ame o but athnyaba, me omanenâ ta je ûnyi eling ka tuhan. Me ame hmonyin tuhan uma, me ha ka athnyabainy, ka habe, Ie he bi thö ka hnyi je gethen me je hna ngenu hnyi taun, ke hawâ thö jem ta je theduoc, me ta je bâbu, me ta je wadröu, me ta je mat.

II. Thesalonika. 2:10

me tang iyawo hia thithö hnyi hwakecin ae ca wisa bi unyin tavat adre me he ka hnaûhango; anyin adre me ca kap hnyok ka hnyi hnathu, mʼ adre me he ka möt.