Jeremia 49:8 - Iaai Bible 1901 (New Caledonia)

⁸ Aten Dedana lö, kec hmetu ju öbun, laba ju hnyikânâi; anyin a oge me he ka oâ okongon Esau kâu, wale hnyi ûen oge me he ka senâ e.

Jeremia 49:8 ပူးပေါင်းရင်းမြစ်များ

Isaia 2:21

me me dit ka hnyin je esopiny kic, ke je khekheiny je kic ae ûjejong, ûnyi ge outö Iehova me anyin hmanenang ae mec, e ka todrö ka jijingâ hwegiâ hmeledrany.

Isaia 21:13

Hok honen Arabia. Öbun je bunyen Dedana lö, öbun e he ka mokut hnyi hnyot hnyi Arabia.

Isaia 34:5

Anyin a sekon dut anyik hele vat ge hnen hna ijem hnyi drany: wâ bi, e ame he ka utut hon Edoma me hon tavat oge me hangâ, mʼ adre me owisa.

Jeremia 25:23

me Dedana me Tema, me Buza, me ödra hia thithö tavat adre me giâ ke keihen leûnödra;

Jeremia 46:21

Haba je aten adre me hok hwaban hnyi wanben e, ödra helâ me je nokon kau adre me tuö hnyi uma; anyin adre me hwio minya me tha kec, adre me ca tot hmâ bi: anyin ame o but kodra bong bongudra vec, ûen he ka senʼ ödra.

Jeremia 48:28

Öbun tavat öbun e laba hnyi Moaba lö, hna but je taun, ke labā thö je kic; mʼ u me helâ me biny at ame bi umen uma hnyi baten hnyimen op.

Jeremia 48:44

Haba at ame kec ge ot, e ame he ka ta ka hnyi thop; ke haba at ame ölö ûnyi hnyi thop, ame he ka hnok hnyi hnewe; anyin oge me he ka oâ kâu, jia Moaba, huna adre senʼ ödra hnyin, haingö Iehova.

Jeremia 48:6

Kec dö, omeli öbun dö, me öbun e he ka helâ me ûö ae ba lan hnyi hnyebuba.

Jeremia 49:30

Öbun tavat aten Hazora lö, kec dö, he sâkâû ai, laba ju hnyikânâi, haingö Iehova; anyin a hia but ûhnenamö gabun Nebukaneza than Babulona, me ûnykûme hna ânyâ köbun.

Jeremia 49:32

Ke haba haledra je kamela, me hnân hûgûnâ bi, ke hnân söh bi ûseiny haledra omeno: ke oge me he ka oveseâ ka hnyi je ang tavat adre me giâ ke keihen waidra; ke oge me he ka oâ anyidra vec ûheny hnyi je ke keihidra, haingö Iehova.

Jeremia 50:27

Hlingâ but haleny je bolok hia; e so adre me he ka hnyi hna hlingâ: ekölö gadra! anyin ame o but bongudra bong, ûen senâ e.

Jeremia 6:1

TA je lakon Beniamina lö, kec bemöt dö ûnyi hnyi wanben Jerusalema, ke tûâ thö khoto hnyi Tekoa ke ogörânyâ thö haten hnyi hon Beth-akerem: anyin ame selâdrâ ûnyi ae kong ûheny hnyi hwadro, me hna ûhangö ae gan.

Ezekiela 25:13

anyin a wale, walang hna ha hnen Than Iehova, ka habe, Oge me he ka hai hnyamok hon Edoma, me subâ degecâ gan at me meno; ke oge me he ka oba wan gan, hwân hnyi Temana; adre me he ka ta ge hele vat ke ne o but hnyi Dedana.

Malaki 1:3

ke oge me höciö Esau, me wia anyin je bucen me me ba wan, me hna but jekhon ka ta je luko hnyi hnyebuba.

Malaki 1:4

Anyin a haba Edoma ame ha, ka habe, Adre hia but kiâ degeci ohmun, ke ohmun e he ka hmetu ka op je dok ae ba aten; ke walang hna ha hnö Iehova tuhan sabaoth, ka habe, Adre me he ka op, ke oge me he bi nya ka hagutâ hnyikânâi: ke ame he tavat ka hwenyi ödra, ka habe, Hnyigoulen hwakecin ae kong, ke Tavat ame hmonyin kodra Iehova nyiele balua.

Hna Omanenâ 6:15

Ke haba ta je thaniny hmeledrany, me ta je tuhan, me je taben vat ae nua, me tavat tren omjeû, me tavat ae hwege, me ta je athnyaba hia, me tavat he baû hia, adre me ve ikhölö hnyi je hmonop me je khūth hnyi ta je bucen;

Owisa 6:2

Ke hwege at Midiana hon at Isaraela: ke can at Midiana, haba lakon Isaraela adre me ânyâ hobi ködra bi je thop hnyi bucen, me je op, me je hnabâ.

I. Samuela 13:6

Ke a wâ but at Isaraela a gʼ adre vhet ut (anyin ame gâ on tavat,) haba tavat adre me ve lubaduöng hnyi je hmonop, me hnyot, me kic, me op me hna hiny.