Jeremia 49:5 - Iaai Bible 1901 (New Caledonia)

⁵ Wâ bi oge me he ka oâ ot köu, haingen Than Iehova tuhan sabaoth, ûnyi gadra hia tavat adre me igigili u; ke adre me he ka obʼ öbun hnyi je ve cici öbun bi, ke ame he ka ba at he ka hlo tavat adre me he monu.

Jeremia 49:5 ပူးပေါင်းရင်းမြစ်များ

II. Je Than 19:7

Wâ bi, oge me he ka ip hnyi hnyekon ke hanu, ke e ame he ka long ke ûthumetu, me me hmetu ka hnyi iny hnyei; ke oge me he ka ota e ge hele vat hnyi iny hnyei.

Jobu 15:21

E bala bi hnyi li hnyikonyen hwan je ûnyi hnân outen; Kʼ ame he ka o kâu at sei hnyi ûen ae sot.

Ta je Vejec 28:1

A ME kec at ae kong ke ba at ame hnu: Ke haba tavat ae wisa ödra helâ me liona ame ca ot.

Isaia 16:3

Ha ju bongon, owisa thö; bi hmenom ju helâ me lit hnyi jebigo: ikhâlâ ju je hna obâ; ca he ka hâiâ tavat adre kec.

Jeremia 15:8

Adre ose hia je safac unyidra hnyi hnyimakök hon je waönyin köiö: oge hia but hom kodra ûcon hinyen wahidröu, at ame söh hnyi jebigo: oge hia but ie oâ kodra ot me öbubuny.

Jeremia 16:16

Wâ bi, oge me ho ka hawâ tavat thut ae se hia, haingö Iehova, mʼ adre me he ka nuc ödra; ke hwaban e, oge me he ka hawâ tavat hnu meno ae se hia, ke adre me he ka hnu ödra ûnyi hnyi je bucen hia, me je hut hia, me ûnyi hnyi je hmakaniny je kic.

Jeremia 20:4

Anyin a walang hna ha hnö Iehova, ka habe. Wâ bi, oge me he ka wiö u bi hnân ooti u bi me la waem hia: ke adre me he ka ta ge hele vat anyin je iwahnaihmiony mödra, ke ame he li emâkâm ka wâ e: ke oge me he ka hna at Juda hia ka hnyi hnyamen than Babulona, ke ame he ka hum ödra Babulona ai, me hlingʼ ödra ge hele vat.

Jeremia 46:5

Anyin a ieû oge me wâ e? adre me ot me hmetuhmetu; ke adre kot anyidra je taben, adre me kec hwege me ca hwio bi: e hu ûnyi hnân ootâ igigilo, haingö Iehova,

Jeremia 49:29

Adre me hûgûnâ umödra je uma mano, me haledra je hna hat mamoe; adre me he ka hom hobi kodra bi singidra je mano, me anyidra je kaia hia, me haledra je kamela: ke adre me he ka hongot kodra, ka habe, Ûnyi hnân outen hnyi je ke keihen hia.

Jeremia 6:25

Ca he but ka hnyi ta hnyei, ke ca vheno gethen; anyin ae hu hele vat eling anyin iwahnaihmiony, me hnân ootâ hnyi je ke keihen hia.

Je tenge anyi Jeremi 4:15

Adre me hongot kodra, ka habe, He thʼ öbun ae ikiki I he thö, he thö, ca kâlâ bi: Hnyi ûen adre me kec ut ke he monu, me haingen tavat aten ta je hnyei, ka habe, Adre me ca he hmetu ka me laba eang.

Amosa 4:3

Ke öbun e he ka he ehele hnyi je dok ae hmouca ve cici öbun; ke öbun e he ka khûʼ öbun ka hnyi Haremona, haingen Than.

Josua 2:9

ke e ame ha ka li at, ka habe, E khanö nya a Iehova ame ham köbun hnyei, ke a o but kohmun ot gabun, kʼ ame aû but aten hnyei hia thithö hnyi hnyimaköbun.