Jeremia 49:31 - Iaai Bible 1901 (New Caledonia)

³¹ Todrö, ke he thʼ öbun ka hnyi hnyei ame laba so, kʼ adre me labā ke ba hmak, haingö Iehova, tavat ae ba hlinginy hwanuma me ohmâiny, kʼ adre me hake laba.

Jeremia 49:31 ပူးပေါင်းရင်းမြစ်များ

Salamo 123:4

Ame ti unöngöt hanuhmun Ge hna hmiân hnen tavat adre me laba khötkic, Me hna ûbiö hnen tavat bi gan.

Salamo 73:12

Wâ bi, wale bi eling tavat ae kong; Adre me laba khötkic bala bi, me se hia tot je omjehedra.

Isaia 32:11

Öbun je momo adre me laba wia lö, öbubuny ju; tavat adre me laba monu lö, ot ju: uny jut me me ba ûkhaû, ke hûkölö hnamejibun ju mano ae gan nân.

Isaia 32:9

Omomo lö, tavat adre me laba wia lö, todrö, long ju ifucik; wahlu, tavat adre me laba monu lö, tevehlöng ju hok hofuc.

Isaia 42:11

E so ame fuc goranyai hnyebuba me je tauniny, a je taun ae ûhnyûkong ame labā at Kedara; e so ame khumöng tavat a aten Sela, e so adre me he ka hongot ethö hon bucen.

Isaia 47:8

Ke walang ang, long ju ang, u at ame labö hnu hoton je senyin, at ame laba khötkic, at ame ha eû hnyi hnyekon, ka habe, Inya thibi, ke ba ju ke at; oge me ca he ka laba helâ me safac, ke haba khaca oge me ca he ka wâ ba nokon:

Jeremia 48:11

Haba Moaba ame hia but laba menâ hwân ke tiga hidröu, me laba hon anyin je atmen, ke adre ca hingâlâ e ûnyi hnyi ke kaia ka hnyi ka kaia, ke adre ca hia but hom hwenbâ e: anyin a wale e bi hnebwiainy, ke ame ca wia bi bunen e.

Ezekiela 30:9

Hnyi ûen eling ame he ka he but je ûthumetu ûheny unyik adre tabâ je hu he ka ootâ at Aithiop tavat adre me laba sot; ke adre me he ka hu vec helâ me je bonginy Aigupito; anyin a wâ bi, e but ang.

Ezekiela 38:11

ke u me he ka ha, ka habe, Oge me he ka he ka hnyi hnyei ae hu je taun hnyin ae ba haginy; oge me he ka he kodra tavat adre me laba sot, adre me laba khotkic, ödra hia adre me laba ke ba hak adre op, ke ba ohmâiny me hlinginy homagöule:

Ezekiela 39:6

Ke oge me he ka kunâ meic kö Magog, me ka tavat adre me laba khotkic hnyi je bomene: me adre me he ka wâ a inya Iehova.

Mika 7:14

Han ju lakem ge ânyâm uci, wale hnahat mamoe a jekhom, wale hnyat adre me hake laba hnyi hnyot hnyi wanben Karemela: e so adre me he ka an tot hmetu hnyi Basana me Gileada helâ me hnyi je bong kâû adrem.

Nahuma 1:12

Walang hna ha hnö Iehova, ka habe, Eja ke ne ödrin e ne bekhöt me se hia, helâe minya adre me he ka subâ degeci ödrin, ke e ame he ka hia. Oge hia but oveci u, ke oge me ca he hmetu ka oveci u.

Zefania 2:15

Walang taun waleji ame senyin me laba wia, at ame ha eû hnyi hnyekon ka habe, Inya thibi, ke ba hmetu ke at: Ekölö, e ba but wan e, hnân mokut hnen je meno ae hiny! ame he tavat adre me he unyin ka jû, me nyinyikâ ban.

Numera 23:9

Oge me wâ e ûnyi hnyi hon kic, Oge bwele kâu ûnyi hnyi dok ae görany: Wâ bi, wale tavat adre me he ka hake laba, Kʼ adre me ca he ka tha öû ödra me ta je hnyei.

Deuteronomi 33:28

Ke Isaraela ame laba khötkic, Hake e pupuainy Jekob, Hnyi hnyei ae hu hwit me waina; Eke, ame ta hau ûnyi hnyi anyin drany.