Jeremia 49:3 - Iaai Bible 1901 (New Caledonia)

³ Kuku tenge thö, Hesebona, anyin ae kong ut Ai; hongot dö goranyai wahlu laku Raba, oweikʼ öbun ju ge ec mano ae gan nân: tenge thungaû thö, me he monu hnyi je hak; anyin ame he ka bâ Malekama, tha e me anyin tavat bihut, me anyin ta je taben.

Jeremia 49:3 ပူးပေါင်းရင်းမြစ်များ

II. Samuela 11:1

KE ame o hmetu but huna a ûen ame labö he je than he ka vat hnyin, me haba Davita ame kunö Joab me lakeiny unyin, me Isaraela hia; ke ödrin e ohia lakon Amona me thelöng Raba. Ke Davita ame laba hnyi Jerusalema.

I. Je Than 11:33

can ödrin e digic nya, me khudrung kö Aseira khong momo anyin at Zidona, me Kemosa khongon at Moaba, me Milekoma khongon laku Amona; ke ödrin e ca vheno dek je gethen, he ka ânyâ wisa hnyi hnyimakök, me tuö anyik je hnanyibu helâ me Davita a kamen.

I. Je Than 11:5

Anyin a Solomona ame hnu hotu Aseira khong momo anyin at Zidona, me Milekoma ae ikiki anyin at Amona.

II. Je Than 23:13

Ke haba je dok ae görany cicö Jerusalema hnyi ke keihen metân buceniny hnaûhango, waleji a ânyâ Solomona than Isaraela hobi kö Aseira ûnyi ae ikiki anyin at Zidona, me hobi kö Kemosa ûnyi ae ikiki anyin at Moaba, me hobi kö Milekoma ûnyi ae ikiki anyin je laku Amona, me haba than ame oikikiâ.

Ezera 2:28

At Beth-ela me Ai, ödrin tu haded ke twente theri.

Isaia 13:6

Tenge ju öbun; anyin a e but ang bong bongu Iehova; ame he ka o helâ me hna ohia hneû Ataekhanahia.

Isaia 14:31

Homagöule lö, kuku tenge thö; taun lö, tenge thö: Filisiti hia lö, u je aû hia but; anyin ame o hai ûnyi hnyi hwadro, ke ba at ame he ka tot baû e ka o thö bonginy bong adre thu.

Isaia 15:2

Me e ame ölö ka hnyi uma kap, me Dibona, ka hnyi je dok ae gorany he ka tenge: Moaba ame kuku tenge ge Nebo, me Medeba: ame hadreû je bödra hia, kʼ adre me sö degecâ je waidra hia thithö.

Isaia 16:7

Anyin a wale, ame he Moaba ka tenge kuku ge Moaba, adre me he hia ka tenge: öbun e he ka mâng ge je taben Kira-haraseth, adre ti okongoâ.

Isaia 23:1

HOK honen Turo. Je huiny Tasesa lö, kuku tenge thö; anyin ae ba wan e, ke ba uma, ke ba hna dit: adre me omanenâ e kodra ûnyi hnyi Kitim.

Isaia 23:6

He thʼ öbun Tasesa ai; kuku tenge thö, öbun tavat öbun e labā bomene.

Jeremia 4:8

Can e, weikâ ju öbun mano ae gan nân, tenge thö me kuku; anyin ame ca hmetu gata hmonyin ae gan hmâ anyi Iehova.

Jeremia 46:25

Haingö Iehova tuhan sabaoth, Khongu Isaraela, ka habe, Wâ bi, oge me he ka bi hwaban kö Amona ûheny No, me Farao, me Aigupito, tha e me je khongon, me je thaniny; wale Farao, me tavat adre me labageju kâu:

Jeremia 48:2

E ba but hmetu hna ogânâ Moab: kʼ adre hia but penapena okongon hobi kâu bi hnyi Hesebona, haingodra, ka habe, Ate me he ka subâ degecâ e me me ca hnyei hmetu bi. Ke haba u Mademena lö, adre me he minya ka ohnyibû u; kʼ ame he hele vat ka hnu u.

Jeremia 48:20

A hmehma but Moaba; anyin adre hagutâ e: kuku thö goranyai me tenge; ha thö e hnyi Arenona a ga aû hia but Moaba.

Jeremia 48:37

Ke hadreû je hodra hia, ke adre giâ je waidra hia: e hu hwadeny hna kave hon je hnyam hia, ke ecmano ae gan nân hon je nyidra.

Jeremia 48:7

Anyin a hnyi hnâm hna labageju ka ânyâm ta je huliwa me tang omjehem, adre me he ka hum u minya: ke ame he Kemosa ka hnyi bâ me anyin tavat bihut, me anyin je taben.

Jeremia 49:1

GE je laku Amona. Walang hna ha hnö Iehova, ka habe, Hawa, e ba laku Isaraela? ke ba at he ka hwöhwa-ban? ke anyin a ieû ame hwöhwabö Gada hnö Malekama, ke ta je aten adre me labā je tauniny?

Jeremia 51:8

Ame ie ta but Babulona me aû but: kuku tenge thö gan; hok basama thö hnân eny anyin vec, kʼ ame ne he la ka mot.

Jeremia 6:26

Nokon ik hnyei a hlu lö, oweikö u ju ge mano ae gan nân, seset ju hnyi hnabadröu: tenge thungaû thö helâ me at ame tenge ge nokon a khaca, ame tenge thungaû hwege; anyin ame he ka ie o köta at sei.

Amosa 1:15

ke ame he ka bâ tuhödra, e me anyin je taben, haingo Iehova.

Zefania 1:5

ke tavat adre me hic hon ban je uma ka ta je ûnyi hnyi drany, ke tavat adre me khemanyin ko Iehova, kʼ adre me khemanyin ge anyidrin than;

Iakobo 5:1

E ÖBUN watren omjeû, tenge thö me kuku can ta je vec ame he ka o köbun.

Josua 7:2

Ke haba Josua ame kunâ ke je hnyat ûheny Jeriko Ai ai, wale ae hakekeny Beth-aven, hnyi ke keihen Beth-ela ke deiö, me ha ködra, ka habe, He thʼ öbun me ecmâkâ hnyei Me ame he je hnyat me ecmâkâ Ai.

Josua 8:1

KE haba Iehova ame ha kö Josua, ka habe, Ca ot bi me öbubuny: ke tha hom dö tavat vat hia thithö mou, ke höhöi thö me he Ai ai: wâ bi oge hia but ham ka hnyi hnyamâm thaniny Ai, me lakeiny, me anyin taun, me iny hnyei:

Josua 8:28

Me Josua ame thong degecâ Ai, me wia e hnân ve ta ûnyi nyiele balua; me obâ wan ke ne o but hnyi bong ang.