Jeremia 49:29 - Iaai Bible 1901 (New Caledonia)

²⁹ Adre me hûgûnâ umödra je uma mano, me haledra je hna hat mamoe; adre me he ka hom hobi kodra bi singidra je mano, me anyidra je kaia hia, me haledra je kamela: ke adre me he ka hongot kodra, ka habe, Ûnyi hnân outen hnyi je ke keihen hia.

Jeremia 49:29 ပူးပေါင်းရင်းမြစ်များ

Genese 37:25

Ke ödrin e laba ju ka han, me ödrin e bwele, ke wâ bi ame he jem bunyen anyin at Isamaela ûheny Gileada, me haledrin je kamela ödrin e hok setura, me basama, me muro, ödrin e hok Aigupito ai.

Jobu 1:3

Ke haba haleny omeno me seven thauzan je mamoe, ke theri thauzan je kamela, ke faiv haded je ûcû lo bolok, ke faiv haded je asina momo, ke ti se hia lathnyabainy; me me beönua at eling hon tavat hia aten e deiö.

Salamo 120:5

E köiö gak anyin a inya oge me laba kanyua hnyi Meseka, Ke unyin je uma mano hnyi Kedara!

Salamo 31:13

Anyin oge hia but long hna bifuco hnen tavat ae se, Kʼ adre me öbubuny hnyi je ke keihen hia: Ke adre me tiga tha fakatau nya, Me adre me sihnök he ka ohia anyik möt.

Isaia 13:20

Adre me ca be bala ka laba hnyin, kʼ adre me ca he ka labā e hnyi ke dö me ke dö nyiele balua: kʼ ame ca he at Arabia ka otilâ umen uma mano eling; kʼ ame ca he tavat tuö mamoe ka omokulec e je hnahat mamoe.

Isaia 60:7

Adre me he ka ûkhacaköuâ je hnahat hia hnyi Kedera köu, kʼ ame he je mamoe bagainy Nebaioth hia ka bi athnyabaem: adre me he ka öliâ tabök tap hnyi so, ke oge me he ka omecâ uma umen anyik hmanenang.

Jeremia 10:20

E kong ut umök uma mano, ke mou but anyik je tö hia thithö: a he but lakuk, ke ba but, e ba hmetu at he ka ulolo umök uma mano, me otilâ anyik hak mano.

Jeremia 4:20

Adre me hongot ûhangö me ûhangö; anyin adre söh hia thö hnyei: adre ie söh umök je uma mano, me anyik je hak mano helâ me thuthubadecmak.

Jeremia 46:5

Anyin a ieû oge me wâ e? adre me ot me hmetuhmetu; ke adre kot anyidra je taben, adre me kec hwege me ca hwio bi: e hu ûnyi hnân ootâ igigilo, haingö Iehova,

Jeremia 49:24

Ame sënyin dut Damaseko, e ame hwio he ka kec, ame kât e ge öbubuny: kʼ ame o but kâu hlöuhlöu me vec helâ me momo ame vec hnyekon.

Jeremia 49:5

Wâ bi oge me he ka oâ ot köu, haingen Than Iehova tuhan sabaoth, ûnyi gadra hia tavat adre me igigili u; ke adre me he ka obʼ öbun hnyi je ve cici öbun bi, ke ame he ka ba at he ka hlo tavat adre me he monu.

Jeremia 6:25

Ca he but ka hnyi ta hnyei, ke ca vheno gethen; anyin ae hu hele vat eling anyin iwahnaihmiony, me hnân ootâ hnyi je ke keihen hia.

Habakuka 3:7

Oge me wâ je uma mano umo Kuza hnyi vec: Kʼ ame öbubuny je mano singiny hnyei Midiana.

II. Korinito 4:8

adre ûhneki igigili öhmun, kʼ öhmun ca gum bi; öhmun e hlohlo, ke ca gâ bi ûhmun;

II. Korinito 7:5

Anyin a waleji hnyi hnöhmun hna o but hnyi Makedonia, ame ca menâ bi je unyihmun, ke öhmun e vec hnyi ta je ke keihen hia; e hu vat hnyi hoton, ke ot eû hnyin.

Owisa 6:5

Anyin a adre me tha o me haledrin omeno, me umödra je uma mano, ke adre me o helâ me ûseiny hamon; ke ca hnân öû ödra me haledra je kamela: ke adre me o ka hnyi hnyei he ka ohiâ e.

Owisa 7:12

Ke haba at Midiana, me Amaleka, me aten e deiö, adre me laba hnyi hnyigöuleny bucen helâ me ûseiny hamon; ke haba ûseiny haledrin je kamela helâ ûnyin köiö, ca hnân bi aû.

Owisa 8:21

Ke haba Zeba me Zalemuna ödru me ha, ka habe, Todrö me kuc ohmu: anyin ae ûcû at me tang hwegien. Me ame todrö Gideona me hlingö Zeba me Zalemuna, me hom je hmanenanginy nyin haledru li kamela.

Owisa 8:26

Ke haba ihmakiny je anen hnyikonyen a gol, wale e ame sumâtâ, me wan thauzan ke seven haded je sekel gol; ke ca ha bi je hmanenanginy, me je sawakiny, me je ûkhaû ae udrudrâ a khaûen li than Midiana, ke ca ha bi je sacein hon nyin je kamela.