Jeremia 49:26 - Iaai Bible 1901 (New Caledonia)

²⁶ Anyin a wale ame he ka ta wahidrouiny hnyi je getheniny, ke ame he ka mok hia aten vat hnyi bong eling, haingö Iehova tuhan sabaoth.

Jeremia 49:26 ပူးပေါင်းရင်းမြစ်များ

Jeremia 11:22

Anyin a wale walang hna ha hnö Iehova tuhan sabaoth, ka habe, Wâ bi, oge me he ka bi hwaban kodra: ame he wahidröu ka mok ge hele vat; ame he lakudra obaga me wahlu ka mok ge hmiâ;

Jeremia 50:30

Anyin a wale ame he ka ta hnyi ta je getheniny wahidröuiny, ke adre me he ka ohia anyin tavat vat hia hnyi bong eling haingö Iehova.

Jeremia 9:21

Anyin ame o but mok a deny hnyi anyita je mamalama, ame dit ka hnyi umöta je umen than: he ka subâ degecâ ta je wanakat eû hnyi hwanuma, me wahidröu eû hnyi ta je gethen.

Je tenge anyi Jeremi 2:21

Wahidröu me wahingat adre me mokut hnyi kânâ eû hnyi gethen; Anyik wahlu me wahidröu adre me ta ge hele vat: U je hia but hlingʼ ödra hnyi bonginy ânyâm hmonyin; u je hia but kot me ca betenge bi.

Ezekiela 27:27

Haba je omjehem, me ânyâm je hna ûcû, me ânyâm ta je ûnyi hnân ûcû, me je aten hom je hu, me ânyâm tavat adre kû deny hu, me ânyâm tavat bi ouge, me tavat adre me ûco ânyâm ta je ûnyi, me ânyâm tavat vat hia hnyi wanbâm, me ânyâm bunyen hia thithö hnyi wanbâm, adre me he ka tha û eû hnyi köiö hnyi bong adre me he ka hangö u hnyin.

Amosa 4:10

Oge hia but kunâ köbun mok ae cap helâ me hnyi Aigupito: oge hia but hlingâ wahidröu gabun ge hele vat, me hûgûnâ halebun je hors: ke oge hia but oâ bokonginy hnobun hna hunuma ka hnyi je hnyingöibun: ke öbun e ca hmetu könya haingo Iehova.