Jeremia 49:25 - Iaai Bible 1901 (New Caledonia)

²⁵ Ieû adre ca hna degecâ gan taun ae lung, taun oge me senyin kâu?

Jeremia 49:25 ပူးပေါင်းရင်းမြစ်များ

Isaia 1:26

ke oge me he ka ham hmetu köu tavat owisa, helâji me ehac, me je at ûhnenamö helâ me hnyi hwân: hwaban e adre me he ka hwenyi iâm, Taun ae wisa, me taun ae hnathu.

Jeremia 33:9

Ke ame he taun ang he ka hnân ien adre senyinâ, me hnân ogânâ, me haisoâ hnyi hnyimakan ta je hnyei hia eang hmeledrany, tavat adre me he ka long ta je so hia thithö wale oge me he ka ânyâ kodra, ke adre me he ka ot me öbu-buny ge ta je so hia me ta je hnahic hia wale oge me he ka oâ kâu.

Jeremia 48:2

E ba but hmetu hna ogânâ Moab: kʼ adre hia but penapena okongon hobi kâu bi hnyi Hesebona, haingodra, ka habe, Ate me he ka subâ degecâ e me me ca hnyei hmetu bi. Ke haba u Mademena lö, adre me he minya ka ohnyibû u; kʼ ame he hele vat ka hnu u.

Jeremia 48:39

Nakainy hna hagutâ e! nakainy hnödra hna kuku göranyai! nakainy Moaba at ame hwio but hoton ai anyin ae hmehma! ke helâe ame he Moaba ka hnân hlumâ me ot kodra hia igigilo e.

Jeremia 51:41

Nakainy hna hûgûnâ Sesaka! kʼ ame ie utut hnen hna ogânâ hnen hmeledrany hia! Ekölö, e ba but wan Babulona unyin je hnyei hia!

Daniela 4:30

Ke haingen than, ka habe, Hawa, ca Babulona ang ae gan, waleji oge me op hnân hnyaban than hnen manik man ae hwege, ke hnân he ka ogânâ anyik hmanenang.

Hna Omanenâ 18:10

ke ödrin e tot sâkâû anyin a ödrin e outen anyin vec, me ha, ka habe, Ekölö, ekölö ge taun ae gan a Babulona, taun ae hwege! anyin ame o but hwaban köu hnyi awa a khaca.