Jeremia 49:23 - Iaai Bible 1901 (New Caledonia)

²³ Ge Damaseko. Ame hmehma but Hamath me Arefada; anyin adre me hia but long je uthumetu ae kong, kʼ ame oaû ödra but: e bi hlöuhlöu hon köiö, ke ca khana bi he ka ta hau.

Jeremia 49:23 ပူးပေါင်းရင်းမြစ်များ

Genese 14:15

Ke e ame kia but vat, e me je lathnyabainy hnyi hnyinghet, me kuc ödra, me hnu ödra ke ne o but Hoba, wale Damaseko, ke hwadrö.

Genese 15:2

Ke haingö Aberama, ka habe, Than Iehova lö, ie ûnyi u me he kahna könya, ke inya ang at ae ba nokon, ke haba at ame he ka hwö hwabök hnyi hnya-bak, me, Eliezera at Damaseko?

II. Samuela 17:10

Me haba at ae hwege, a helâke hnyekon liona but hnyekon, me e ame he ka ti aû but: anyin ae khana Isaraela hia a e hwege kâmâm, me hwege tavat unyin.

II. Samuela 8:9

Ke a long ut Toi than Hamath a Davita ame kot utbavat hia anyi Hadadeza,

I. Je Than 11:24

ke e ame ûkhacaköuâ tavat unyin bi, me me taben deo vat, waleji nnyi hnö Davita hna kuc ödrin at Zoba: ke ödrin e he Damaseko ai, me laba eling, me musi hnyi Damaseko.

II. Je Than 17:24

Ke haba than Asuria ame hom tavat ûheny Babulona, me Kutha, me Ava, me ûheny Hamath me Sefaravaima, me ip ödrin hnyi je tauniny Samaria hwaban lakon Isaraela: me ödrin e labâ Samaria, me laba hnyi je tauniny.

II. Je Than 18:34

Ewa je khongon Hamath, me Arepada? ewa je khongon Sefaravaima, me Hena, me Iva? hawa, ödrin e hia but omeli Samaria ûnyi hnyi hnyamok?

II. Je Than 19:13

Ewa thaniny Hamath, me thaniny Arepada, me thaniny taun Safaravaima, me Hena, me Iva?

II. Je Than 5:12

Hawa, e ca beönua bi Abana me Farapa li wageweiny Damaseko bon ta je köiö hia thithö hnyi Isaraela? hawa, oge me ca he ka soû hnyin me inye so but? Me e ame hwio me he hmonyin.

II. Man Ûlabainy Je Than. 16:2

Haba Asa ame hom sileva me gol ûnyi hnyi uma omjeû hnyi uma umö Iehova me uma umen than, me kunâ kö Ben-adada than Suria, at ame laba hnyi Damaseko, me ha, ka habe,

Esodo 15:15

Ame uthmok ta je tuhan hnyei Edoma; Ame öbubun tavat hwege hnyi Moaba: Kʼ ame aû tavat hia adre me laba Kanana.

Isaia 10:9

Hawa, e ca tha ûcû Kalene me Kakemis? ke ca ûcû Hamath me Arepada? ke ca ûcû Samaria me Damaseko?

Isaia 11:11

Ke hnyi bong eling ame he hmetu Iehova ka olo inâ hnyamen he ka hom kolon lakeiny, wale a tiga laba, ûheny Asuria me Aigupito, me Patherusi, me Kuza, me Elama, me Sinara, me Hamath, me ûnyi hnyi ta je bomene hnyi köiö.

Isaia 13:7

Anyin a wale ame he ka him but ta je beny hia, kʼ ame he ka köiö but hnyekon tavat hia thithö:

Isaia 36:19

Ewa je khongon Hamath me Arefada? ewa je khongon Sefaravaima! hawa, ödrin e hia but omeli Samaria unyi hnyi hnyamok?

Isaia 37:13

Ke ewa tuhan Hamath, ke tuhan Arepada, ke tuhan taun Sefaravaima, ke Hena, ke Iva?

Isaia 57:20

Ke haba tavat ae kong, me ödra tha ûcû me köiö ame bwebwet; anyin ae ca khana he ka menâ, ke ame khûkhûâ goranyai hmudra me thatûnyi hnen je wakö-iöiny.

Isaia 7:8

Anyin a Damaseko ban ka Suria, ke Rezina ban ka Damaseko: ke tiga ca um bi je huna a sikste faiv me adre me he ka bödra ka susubâ Eferaima, me me ca hnyei hmetu bi:

Jeremia 39:5

Ke haba utbavat anyin at Kaledaia adre me hnu ödra me khöû Zedekia hnyi dok ae tha hon hnyi Jeriko: ke adre me kât e me hom kö Nebukaneza than Babulona hnyi Ribela hnyi hnyei Hamath, ke e ame owisa gan.

Ezekiela 27:18

Damaseko ke at ame ûco gam hnâm je hna huliwa ae se hia, anyin ae se hia je omjeû ae ve bongon; ke waina minya ûnyi Elebona, ke leûnen mamoe ae hau.

Amosa 6:2

He thö Kalene ai me wâ; ke ûhem e, he thö Hamath ai ae gan: ke utut minya Gatha ai anyin at Filisiti: hawa, ödra so hon je dokhu eling? ame ne gan je idra hon je ibun?

Nahuma 2:10

E ba onyen e, adre me öba onyen, iny jut wau: ke ame köiö but hnyok, kʼ ame öbubuny je boucadra, ke vec hia thö je hnyidra, ke löhau but ta je hnyimakodra hia.

Numera 13:21

Ke ödrin e ölö thö me ecmâkâ hnyei hwân hnyi hnyebuba Zine ke ne o but Rehoba, ke ne o but hnyi gethen ûheny Hamath.

Ta je huliwa 27:20

Ke se hia je bong ame ca manen hnyin seûno me ta je okhû, ke gan bala weneû kohmun, me ame hia but hnöhmun hna geju ka hnyi möt.

Ta je huliwa 9:2

me sumâtâ je tusi gan he ka hom ka hnyi ta je sunago hnyi Damaseko, me me he ka cʼ ödra, me hom Jerusalema ai obaga me omomo, e ka hu tavat hmi ame he ka wâ.

II. Korinito 11:32

Hnen gavena hnyi Damaseko a e hnyi hmeli Areta than hna tuö taun anyin at Damaseko, me me kot nya:

Deuteronomi 20:8

Ke hamen je taben he ka ha hmetu ka tavat, me ha, ka habe, Ewa at ame ot me hlohlo hnyekon? e so e ame he me hmetu ka hnyi umen uma, wâ e nye oköiö hnyekon je liamekeiny mē helâ me hnyekon.

Josua 14:8

Ke so bi haba je liamekeiny mönya, adre tha he mönya, ödrin e oköiâ hnyekon tavat: ke oge me tha hnu hotu Iehova Khonguk.

Josua 2:11

Ke öhmun e long e, me ame köiö but je hnyekuhmun, ke ba hmetu tang hwege eû hnyi hnyekon ke at, cabun: anyin a Iehova Khongubun me e thibi Khong ethö hnyi drany, me eang hmelen.