Jeremia 49:22 - Iaai Bible 1901 (New Caledonia)

²² Wâ bi e ame he ka ölö me gâ helâ me aeto, me lau li labenyin ka Bozera: ke hnyi bong eling ame he je hnyekon je tavat ae hwege hnyi Edoma ka helâ me hnyekon momo ame he ka hnokoâ.

Jeremia 49:22 ပူးပေါင်းရင်းမြစ်များ

Salamo 18:5

Adre igigili nya ge je toiny erkemok: Ame o but könya ta je hnewe hnân mekiny.

Ta je Vejec 30:19

Wale deny aeto hnyi drany; Me deny on hnyi kic; Me deny hu hnyi wanben köiö; Me deny baga me hlu.

Isaia 11:14

Ke adre me he ka utut ka hnyi hon je bajebenyin at Filisiti e jimeû; adre me he ka tha söh tavat aten jimeio: adre me he ka inâ hnyamödra hon Edoma me Moaba; ke ame he ka ling ödra je laku Amona.

Isaia 13:8

adre me be ka gâ udra; kʼ ame he ka o kodra vec me hlöuhlöu; adre me he ka hmak helâ me momo ame vec hnyekon: adre me he ka ûlâiâköuâ; helâ me bâhlân meic hnyi ta je hnyimakodra.

Isaia 21:3

Anyin a wale a unöngötö li fetrem ge vec; ame hum nya hnen vec helâ me momo ame vec hnyekon ame he ka hnokoâ: inya oge me vec me me ca khanö nya long bi; inya oge me öbubuny me me ca khanö nya bwela bi.

Isaia 26:17

Haba momo ame he ka o erkin, me ame vec ke ame kuku ge vec; helâe gahmun Iehova lö, hnyi hnyimâkâm.

Jeremia 13:21

Ieû u me he ka ha, e ka he ka otilâ je waem hom hnân bâm, anyin a u je hia but nʼ ödra he ka musi u? hawa, ame ca he ka kot u ge je vec, helâ me momo ame he kahnokoâ?

Jeremia 22:23

At ame laba hnyi Lebanona lö, at ame bi umen uma hnyi je arasi, nakaem, e ka o vec köu, wale vec helâ me momo ame vec hnyekon e ka he ka hnokoâ.

Jeremia 30:6

Hnö thö walang ang me wâ, a ne baga ame hnokoâ wanakat: anyin a ieû oge me wâ je baga hia adre me ve tot cimâ je jebalainudra helâ me momo ame vec hnyekon, ke löhau hia but ta je hnyimakodra?

Jeremia 4:13

Wâ bi, e ame he ka o helâ me je ûlâ, me anyin je kariota helâ me hou: haba haleny je hors e logot hon je aeto. Ekölö gata anyin ate hnaûhango but.

Jeremia 4:31

Anyin oge hia but long hwatenge helâ me momo ame vec hnyekon, helâ me vec anyin momo ame o nokon a bân, ûtengien hluiny Ziona, at ame momokhon, me inâ but li hnyamen, haingen, ka habe, Ekölö gak walang ang! anyin ae sënyin dut hnyekuk hnyi hnyimakan tavat ûhlingö.

Jeremia 49:24

Ame sënyin dut Damaseko, e ame hwio he ka kec, ame kât e ge öbubuny: kʼ ame o but kâu hlöuhlöu me vec helâ me momo ame vec hnyekon.

Jeremia 50:36

E hu hele vat hon tavat bigan thoi, ke adre me he ka monu: e hu hele vat hon anyin tavat ae hwege, ke adre me he ka hlohlo.

Jeremia 50:43

A löng ut than Babulona ge ûlungidra, me ame sënyin li hnyamen; ame khaû ju e hnen hlöuhlöu, me vec helâ me momo ame vec hnyekon.

Jeremia 6:24

Ate hia but long ûthumetu gadra; e sënyin dut ta je hnyamöta: ame hom tilʼ öta hnen hlöuhlöu me vec, helâ me momo ame he ka hnokoâ.

Daniela 7:4

Haba at a bân, me helâ me liona, ke hu li labenyin aeto gan: inya oge me wâ ke ne o but adre hia thö hnimö li labenyin, ke adre kap e goranyai ûnyi hnyi kânâ, me otilâ e ge li can helâ me at, ke adre me ham kâu hnyekon at.

Hosea 8:1

IP ju trutru hnyi hnyimâm. E ame he ûcon lap anyi Iehova helâ me aeto: anyin adre hia but hanyâûâ anyik ûhihiny-köu, me khikhin ge anyik hnanyibu.

Obadia 1:9

Temana lö, ame he ânyâm tavat hwege ka öbubuny, mʼadre me hlingâ degecâ tavat hia hnyi bucen anyi Esau.

Deuteronomi 28:49

Ke ame he Iehova ka oâ köu vat, a hnyei ûnyi hnyi dok ae sâkâû ûheny hnyi can hmeledrany, helâ me ugâiny aeto; hnyei ae ca khanö u he ka löng hwan;

I. Thesalonika 5:3

Ödra ka ha, ka habe, Hnahic ut me laba khötkic, me ame he ka ie o but kodra ûohiö, helâ me momo ae erkin ame vec hnyin; ke ca khanʼ ödra he ka kec ut.