Jeremia 49:2 - Iaai Bible 1901 (New Caledonia)

² Anyin a wale, wâ bi, ame he ka o je bong, haingö Iehova, me oge me he ka olungâ hnyi Raba iny lakon Amona hwan vat; me e ame he ka hna digic thatûnyi ae ba onyen, kʼ adre me he ka thong degecâ ge meic lakon wahlu: kʼ ame he Isaraela ka hom iny tavat waleji adre me hom iny, haingö Iehova.

Jeremia 49:2 ပူးပေါင်းရင်းမြစ်များ

II. Samuela 11:1

KE ame o hmetu but huna a ûen ame labö he je than he ka vat hnyin, me haba Davita ame kunö Joab me lakeiny unyin, me Isaraela hia; ke ödrin e ohia lakon Amona me thelöng Raba. Ke Davita ame laba hnyi Jerusalema.

Salamo 48:11

E so ame he bucen Ziona ka senyin, Me wahlu laku Juda ka hobâ, Can hnâm je hna owisa.

Salamo 97:8

A long ut Ziona me senyin, Kʼ adre me hobâ wahlu laku Juda; Can hnâm ta je hna owisa, Iehova.

Isaia 11:14

Ke adre me he ka utut ka hnyi hon je bajebenyin at Filisiti e jimeû; adre me he ka tha söh tavat aten jimeio: adre me he ka inâ hnyamödra hon Edoma me Moaba; ke ame he ka ling ödra je laku Amona.

Isaia 17:1

HOK honen Damaseko. Wâ bi, adre me he ka degec Damaseko me me ca taun hmetu bi, kʼ ame he biju kahudrei.

Jeremia 4:19

Hnyekuk, hnyekuk! oge me vec ut eû hnyi hing hnyik; ame bwebwet hnyekuk eû hnyik; e ca khanönya he ka laba hnyibû; anyin a u je long ut, hanuk lö, ifucin trutru me hwan vat.

Jeremia 49:1

GE je laku Amona. Walang hna ha hnö Iehova, ka habe, Hawa, e ba laku Isaraela? ke ba at he ka hwöhwa-ban? ke anyin a ieû ame hwöhwabö Gada hnö Malekama, ke ta je aten adre me labā je tauniny?

Ezekiela 21:20

U me he ka kû gethen me me o hele vat hnyi Raba anyin je laku Amona, me ka hnyi Juda hnyi Jerusalema adre up haginy.

Ezekiela 21:25

Ke haba u, at adre me ti kot monoâ lö, a u at ae kong, tuhan Isaraela, kʼ ame o but bongom bong, hnyi ûen adre umö hwakecin ae kong;;

Amosa 1:14

ke oge me he ka hû meic hnyi hna up haginy Raba, ke e ame he ka thong degecâ je uma umen than hnyin e, me kuku hwege hnyi bonginy vat, me weneû hnyi bonginy hou:

Obadia 1:19

Ke ame he aten Hwaiöu ka hu bucen anyi Esau; kʼ ame he tavat aten dok ae tha hon ka hu hnyei iny at Filisiti: kʼ adre me he ka hu utkânâ hnyi Eferaima, ke utkânâ hnyi Samaria; ke haba Gileada, me ame he ka iny Beniamina.

Numera 10:9

Ke öbun ka he ka vat hnyi ibun hnyei me je iwahnaihmiony möbun, tavat adre me okongu öbun, me öbun e he ka tûâ hnahna wale li trutru; me adre me he ka ûnykûmi öbun hnyi hnyimakö Iehova Khongubun, kʼ adre me he ka omeli öbun ûnyi ge je iwahnaihmiony möbun.

Numera 21:25

Ke haba at Isaraela adre me hûgûnâ ta je taun eling: ke Isaraela ame labā je taun; anyin at Amora, hnyi Hesebona, me ta je tauniny hia.

Deuteronomi 13:16

Ke u me he ka khon ta je ûnyi hia adre hûgûnâ ka hnyi wanben gethen, me le degecâ taun ge meic, me ta je ûnyi hia adre hûgûnâ, hobi kö Iehova Khongom: kʼ ame be ka hna digic thatûnyi nyiele balua, kʼ adre me ca he hmetu ka op e.

Deuteronomi 3:11

(Anyin a haba Oga thaniny Basana, me hake e thibi kolon at Refai; wâ bi, haba hnen hna mokut, me fao; hawa ca e hnyi Raba taun anyin laku Amona? haba ibeûen e me nain ta kubit, ke foa kubit ûlauen, hoton kubitiny at.)

Josua 17:11

Ke e hu ga Manase hnyi Isakara me Asera, Betheseana me je tauniny, me Ibeleama me je tauniny, me aten Dora me je tauniny, me aten En-dora me je tauniny, me aten Tanaka me je tauniny, me aten Megido me je tauniny, wale je dok ae hut.

Josua 17:16

Me ame ha je laku Josefa, ka habe, E ca ûcû kohmun bucen: ke haba at Kanana adre me laba hnyi hnyigöulen bucen me ödrin e tren je kariota fao, wale tavat hnyi Bethe-seama me je tauniny, me tavat minya hnyi hnyigöulen bucen e Jezerela.