Jeremia 49:16 - Iaai Bible 1901 (New Caledonia)

¹⁶ Ame iyawo u bi hnen hnyekom ge hnâm hna ootâ, u at ame laba hnyi je khekheiny kic, me je dok ae göranyin bucen: eja ke ne u je ne ip haûâm? ethö helâ me aeto, oge me he ka höi u ûheny e, haingö Iehova.

Jeremia 49:16 ပူးပေါင်းရင်းမြစ်များ

II. Je Than 14:7

Ke e ame kot at Edoma hnyi thopiny sâlt, a ödrin ten thauzan, me hûgûnâ Sela hnyi vat, me hwenyi ien me Joketheela ke ne o but hnyi bong ang.

Jobu 39:27

Ame gâ goranyai aeto hnyi hnâm hna hûna, Me bi hâûen ethö gorany?

Ta je Vejec 16:18

Ame bân bi gan, ke biliny bi hnaûhango, Ke ame bân hnyok ae hop, ke biliny bi he ka ta.

Ta je Vejec 18:21

Haba mok me möt, me ame muso hnen bohmen; Ke haba tavat adre me betenge gan, me adre me he ka an wan.

Ta je Vejec 29:23

Haba bigan anyin at, me ame ohnyikânâ e: Kʼ adre me he ka ogânâ at ame hnyok hnyikânâ.

Khumöng Hwanyi Solomona. 2:14

Biny a halek lö, u hnyi khekheiny kic, hnyi dok ae nedrong hnyi hwatapkolu, Iny na wâ ju hnyimâkâm, iny na long ju ifucâm; Anyin ae kese hwâm, ke hmanenang hnyimâkâm.

Isaia 10:14

ke hnen hnyamok hna wâ ta je omjeûiny je hnyei helâ me hâûen meno; ke helâ me at ame hlo je wakunyin meno adre de degec, helâe oge hia but hlo ta je hnyei hia: ke ba at ame bwebwet abenyin, me memang, me cûk.

Isaia 2:21

me me dit ka hnyin je esopiny kic, ke je khekheiny je kic ae ûjejong, ûnyi ge outö Iehova me anyin hmanenang ae mec, e ka todrö ka jijingâ hwegiâ hmeledrany.

Isaia 49:25

Ke so bi, walang hna ha hnö Iehova, ka habe, Adre me he ka hûgûnâ je bâ unyin tavat ae hwege, ke adre me he ka hna but hna söh hnen tavat ae hwege hnyimen: anyin a oge me he ka ivino me at ame ivino möu, ke oge me he ka omelo ta je lakom.

Jeremia 48:14

Ieû gabun öbun e ha, ka habe, Ohmun tavat hwege, me tavat khenen vat?

Jeremia 49:15

Anyin a wâ bi, inya oge hia but wiö u mu me ûhnyûkong unyin je hnyei, me hûkötiânen tavat.

Jeremia 50:29

Hawâ ûkhacaköuâ thö ka Babulona tavat hlic fana, tavat hia adre me hlöu cafana; hunuma ju igigilo e; ca hna ke at ka kec mot: ham dö kâu helâ me anyin huliwa; ânyâ hia thö kâu helâ hiaji me hnen hna ânyâ: anyin a e ame hia but hwege hnyimakan kö Iehova, Kabi Isaraela.

Jeremia 51:53

Eja ke ne a ne ölö hnyi drany ai Babulona, ke eja ke ne a ne ohmâ je dok a göranyin ae hwege, ame he ka o kâu ûnyi gak tavat söh, haingö Iehova.

Amosa 9:2

Eja ke ne adre ne hiny kânâ ke ne o but hnyi hedis, ame he hnyamok ka lili ödra ûheny e; eja ke ne adre ne ölö hnyi drany ai oge me he ka hum ödra ûheny e.

Habakuka 2:9

Ekölö ge at ame hûgûnâ troban ae hwali hobi kâu anyin lap, me me ip ethö görany hâûen, me me möt ûnyi ge hnyamen ûkongon!

Malaki 1:3

ke oge me höciö Esau, me wia anyin je bucen me me ba wan, me hna but jekhon ka ta je luko hnyi hnyebuba.