Jeremia 49:13 - Iaai Bible 1901 (New Caledonia)

¹³ Anyin oge hia but khemanyin gak bi, haingö Iehova, a ga me he Bozera ka hnân kuko, me haikongo, me ba wan, me hnân hangâ; ke ame he ka ba wan je tauniny hia nyiele balua.

Jeremia 49:13 ပူးပေါင်းရင်းမြစ်များ

Genese 22:16

me ha, ka habe, Haingö Iehova, ka habe, Oge hia but khemanyin gak bi, anyin a u je hia but ânyâ ûnyi e, kʼ u je ca behânâ nokom, wale nokom a khaca:

Genese 36:33

Ke ame mokcu Bela, ke haba hwaban, at ame musi, jia Jobab nöku Zera ûheny Bozera.

I. Man Ûlabainy Je Than. 1:44

Ke ame mokcu Bela, ke haba at ame musi hwaban, jia Jobab baga nöku Zera ûheny Bozera.

Isaia 34:6

A sekon dut ge dra hele vat anyi Iehova, adre me opipikhenya e hnen dren lakon ta je mamoe me ta je got, me pipikhenyainy je wagien je mamoe baga: anyin ae hu hut kö Iehova hnyi Bozera, me ûhlingö ae gan hmâ hnyi knyei Edoma.

Isaia 45:23

Oge hia but khemanyin gak bi, ame he but hofuc ûnyi hnyi hnyimök hnyi wisa, ke ame ca he bi ka hmetu a gʼ adre me he hia ka cibouca könya, ke ame he ta je hnyem hia thithö ka khemanyin gak.

Isaia 63:1

IE at ang ame he jem ûheny Edoma, ae dra anyin ûkhaû ûheny Bozera; a at ae hmanenang ge anyin ûkhaû, kʼ ame he hnyi meciny anyin tang hwege Inya thibi, at ame ha hnyi wisa, at ae hwege he ka omelo.

Jeremia 18:16

me adre me wia idra hnyei hnân lâiâ, me jû nyiele balua; ame he tavat hia adre me gethen unyin ka lâiâ me nyinyikâ je bödra.

Jeremia 19:8

Ke oge me he ka wia taun ang hnân kuko me jû; ame he tavat adre me gethen hnyin ka lâiâ me jû, can ta je mok hnyin.

Jeremia 44:26

Anyin a wale, long ju öbun hofuc ho Iehova, at Juda hia tavat öbun e laba hnyi Aigupito, ka habe, Wâ bi inya oge hia but khemanyin hnyi iök ae gan hmâ, haingö Iehova, a gʼ ame ca he hmetu ka ha iök hnen hnyimen at Juda hnyi hnyei Aigupito hia, ka habe, Kia inya Than Iehova.

Jeremia 48:24

me Kerioth, me Bozera, me je tauniny hia hnyin Moaba, dok ae sâkâû me dok ae hakekeny.

Jeremia 49:22

Wâ bi e ame he ka ölö me gâ helâ me aeto, me lau li labenyin ka Bozera: ke hnyi bong eling ame he je hnyekon je tavat ae hwege hnyi Edoma ka helâ me hnyekon momo ame he ka hnokoâ.

Jeremia 51:14

Haba Iehova tuhan sabaoth ame khemanyin gan bi, ka habe, E hnathu oge me he ka ounöngöti u ge at helâ me je wahamon; ke adre me he ka hongot goranyai ûcom.

Joela 3:19

Ame he ka ba wan Aigupito, ke ame he Edoma ka hnyebuba ae ba wan, can hna ovecâ lakon Juda, anyin a adre hia but hingâlâ dra ae ba hnyikongon hnyi idrin hnyei.

Amosa 1:12

Ke oge me he ka kunâ meic ka hnyi Temana, ke ame he ka thong degecâ je uma umen than hnyi Boyera.

Amosa 6:8

A hia but Than Iehova khemanyin ame ka ha gan bi, me haingo Iehova Khongon sabaoth, ka habe, Oge me höcö ge beönuâ anyin Jekob, me hûkotiâ je uma umen tuhan: anyin a wale oge me he bi nya ka hna taun me onyen.

Obadia 1:18

Ke ame he lap anyi Jekob ka meic bi, ke lap anyi Josefa ka bâhlân, ke lap anyin Esau helâ me thatûnyin hwit, me adre me he ka vhök ödrin me thong degeci ödrin: ke ame he ka ba kolon lap anyi Esau, anyin a hia but ha Iehova.