Jeremia 49:11 - Iaai Bible 1901 (New Caledonia)

¹¹ Hna but lakom a ga mokcu lakamödra, me oge me he ka tuö melidra; ke so e he ânyâm je safac ka labageju könya.

Jeremia 49:11 ပူးပေါင်းရင်းမြစ်များ

Salamo 146:9

Iehova ame tuö ta je atkanyua; E ame cö je nakahme, me je safac; Ke e ame ohnyimenâ hnyikânâi gethen; deny tavat ae kong.

Salamo 68:5

Haba Khong hnyi hnyaban ae kap, E thibi kamen ta je nakahme, me at owisa ka ta je safac.

Salamo 82:3

Owisa thö ka at ae sënyin me nakahme: Anyâ thö wisa ka at ae vec me at ae theduoc.

Hosea 14:3

Ame ca he Asuria ka omeli ohmun; ohmun e ca he ka tabâ je hors: ke ohmun e ca he hmetu bi ka ha ke je huliwa anyin je hnyamöhmun, ka habe, Obun je konguhmun: anyin ame wâ unyâm betenge ge tavat a mokcu kamödra.

Jona 4:11

ke hawa, e ca ûcû könya he ka betenge ge Nineve taun ae gan, ke se hia aten bon khaca haded ke twente thauzan, tavat ae ca khanʼ ödra benyidra a metödra me me; ke ca ha bi omeno.

Zakaria 7:10

ke ca ovecâ safac me nakahme, me atkanyua, me at ae theduoc; ke ca ûnykûme eû hnyi hnyok ûnyi ae kong ka ke at.

Malaki 3:5

Ke oge me he ka hakekeny köbun he ka owisa; ke oge me he ka ie omanenâ at ae tren khong, me tavat bi ûnyi monu, me tavat khemanyin thoi; me tavat ovecâ at ame huliwa ge hwaban e, me safac, me nakahme, me tavat ohavâ wisa ka atkanyua, me ca outö nya, haingö Iehova tuhan sabaoth.

Deuteronomi 10:18

E ame owisa hobi kâu nakahme, me safac, kʼ ame betenge ge atkanyua, me han, me okhavâ.

I. Timoteo 5:5

Ke haba momo a hing safac kʼ ame hake laba, me ame geju ka Khong, me tethmâ hnyi hic me khöû hnyi lit me lany.

Iakobo 1:27

Walang hwakecin hmi ae kalaöt me ba hnyikongon hnyi hnyimakan Khong a Kamen, ka habe, he ka senâ je nakahme me je safac hnyi anyidra vec, me hamen he ka tuö e, me me ca hu hnyikongon hnen hmeledrany.